WAQIA RANJ-O-MASAAIB KA BAYAN KARTA HUN
KOOFIOO NAY JO KYE ZULM AYAAN KARTA HUN

JIS GHARI KOOFAY MAIN MUSLIM(a.s.) NAY SHAHADAT PAY
UN KAY DO BAITON KI QISMAT MAIN YATEEMI AY
BAAP KAY MARNAY SAY DUSHMAN KI JO HAIBAT CHAAY
DAR KAY JHAARI MAIN CHUPAY AKAY WOH DONO BHAI

HAAY IS UMR MAIN MAASOOMO PAY KAISAY BAIDAAD
DIL MAIN GHUM AANKHO MAIN AANSO THEY LABOO PER FARYAD

=============================================

KEHTAY HAIN JHAARI KAY NAZDEEK THI EK NEHAR RAWAAN
LONDI HAARIS KI JO PANI KAY LIYE AAY WAHAN
SUN KAY RONAY KI SADA HOGAYE DIL MAIN HAIRAAN
BARH KAY DEKHA TU NAZAR AGAY BACHAY DO NEHAAN

BOLI KYUN ROTAY HO GHUM KIA HAI PISAR KIS KAY HO
CHUP KAY KYUN BETHAY HO TUM NOR-E-NAZAR KIS KAY HO

=============================================

DEKH KAR MEHARBAAN AURAT KO WOH BOLAY RO KAR
HAAY KIS TARHAN KAHAIN KIS KAY HAIN HUM NOOR-E-NAZAR
YEH MOHAMMAD(s.a.w.w.) KAY NAWASAY HAIN TUM MUSLIM(a.s.) K PISAR
LUT GAY HUM KAY YAHAN MAARA GAYA APNA PADAR

KOOFI DUSHMAN HUAY QISMAT MAIN SIYAAHI AAY
HAAY PARDAIS MAIN KAISI TABAHI AAY

=============================================

LONDI GHAR LAY KAY UNHAY AGAYEE BAA DEDAY NUM
APNI BIBI SAY KAHI BACHO KI RUDAADE ILAM
DEKH KAY BACHO KO BIBI KO HUWA BEHAD GHUM
BOLI AFSOOS KAY MASOOM PAY YEH ZULM-O-SITAM

KITNE BAY DARD SITAMGAR HAIN YEH KOFAY WALAY
UN PAY KARTAY HAIN SITAM JO HAIN NABI(s.a.w.w.) KAY PAALAY

=============================================

KHANA KHIWAA KAY UNHAY BIBI NAY POSHIDA KYA
RAAT KO HAARIS-E-BAD ZAAT JO GHAR KO AYA
BOLA BIVI SAY BOHOT THAK GAYA TU KHANAY KO LAA
SUBHA SAY BACHO KO MUSLIM(a.s.) KAY MAIN HAR SO DHOONDA

HATH AJAY AGAR BACHAY TO INAAM MILAY
ZARO JAAGIR MILAY RUTBA MILAY NAAM MILAY

=============================================

KHAA KAY YEH KHANAY KO PHIR BETH GAYA WOH KHUD SIR
BACHAY THEY NEND MAIN KHOY HUAY HUJRAY MAIN UDHAR
HAAY QISMAT KAY UNHAY KHUWAAB MAIN YEH AAYA NAZAR
SAAMNAY KHOON MAIN DOOBA HAI KHARA UN KA PADAR

CHEEKH UTHAY KHUWAB MAIN YEH DEKH KAY DONO BHAI
KAAN MAIN HAARIS-E-MALAOON KAY AAWAZ AY

=============================================

HOGAYEE HAARIS-E-BAD ZAAT KO JAB USKI KHABAR
KHENCH KAY BACHO KO HUJRAY SAY WOH LAAYA BAAHAR
JABKAY MALOOM HUWA DONO HAIN MUSLIM(a.s.) KAY PISAR
TEGH UTHAI KAY KARAY TAN SAY JUDA BACHO KAY SIR

HAATH KO THAAM KAY BIBI NAY KAHA OOH ZAALIM
YEH AULAD-E-NABI(s.a.w.w.) BAAP HAI IN KA MUSLIM(a.s.)

=============================================

JHATKA MAARA TO HUI ZAKHMI GIRI BAY CHAARI
LONDI NAY ROUKA TO TALWAAR USAY BHI MAARI
BACHAY KARTAY HI RAHAY MINNATAIN AAHO ZAARI
REHAM AAYA NA USAY JOSH THA US PER TAARI

BOLA MAIN QATAL KARUNGA TUMHAY PAONGA INAAAM
AEHL-E-KOOFA MAIN BARHAY GAA MERA RUTBA MERA NAAM

=============================================

CHOTA BOLA YEHI MARZI HAI TO PEHLE MUJHE MAAR
OR BARA KEHTA ZAALIM MERA SIR PEHLE UTAAR
HAAY BAY DARD NAY JO KHENCH KAY MAARI TALWAAR
LAASHAIN JAB TARPEEN TO THARRAY ZAMEEN BHI EK BAAR

AASMAAN RO DYA BACHO NAY SHAHADAT PAAY
HAAY ZEHRA(s.a.) KAY GULISTAAN PAY TABAHI AAY

=============================================

SUN KAY YEH GHUM KI KHABAR KHULD SAY AAEN ZEHRA(s.a.)
MAAILAY SEENA ZANI HONTO PAY THI AAH-O-BUKA
POHNCHI JAB NEHAR KAY NAZDEEK TO GHUM OR BARHA
NEHAR MAIN BACHO KAY LAASHO KO JO BEHTAY DEKHA

ROKAY KEHTI THI SITAM KAISA YEH AFLAAK HUWA
HAAY IS GHUM SAY MOHAMMAD(a.s.) KA JIGAR CHAAK HUWA

Abbas kahan ho bhai

Haaye…
Jab karbala ki simt badha haq ka rahnuma..
kuch aagaya khayal jo maa ke mazaar ka
aaya sue baqi wo… zahra ka laadla
rukhsaar rakhke sadre lahad, par ye di sadaa
chhut-ta hai ab madina mere, dil ko thaam lo
amma ghareeb bete ka aakhir salaam lo

amma tumhare laal se, chut-ta hai aaj ghar
amma tumhare laal se, bargashta har nazar
amma tumhare laal ka dushman hai har bashar
amma tumhare laal ka hai aakhri safar
sehra mein dil ke tukdo’n ki basti basaega
amma hussain ab na madine mein aayega

maa se ye keh raha tha abhi maa ka laadla
awaaz aayi qabr se, aye mere mehlaqa
sadqe teri musibat o ghurbat ke fatema
bus aye hussain bus ke hila, arshe kibriya
tadpe ab hasan bhi dile beqaraar se
beta rasool e haq nikal aaye mazaar se

aye mere laal tere iraado’n ke mai nisaar
ye aakhri safar hai mere dil ka izteraar
kaise kahu’n jo dil pe guzarti hai gul azaar
hota hai be charaagh mere baap ka mazaar
jo tujh pe zulm honge ye dukhiya uthayegi
beta ye ghum-naseeb tere saath jayegi

aansu bahaungi tere ranjo alam ke saath
aankhein bichaungi tere nakshe qadam ke saath
zehra nedhaal hogi har ek taaza ghum ke saath
mera kaleja niklega akbar ke dum ke saath
ghabra na mere laal har ek dukh bataungi
mai tere saath laasha e akbar uthaungi

jaaega tu jo neher pe bhai ki laash par
mai tere saath saath chalungi barehna sar
beta hussain kya tujhe is ki nahi khabar
abbas tera bhai to mera dilo jigar
tu laashe layega to safe ghum bichaungi
mai god mein kate hue haatho’n ko laungi

beta hasan ke laal ki khatir ye kya malaal
mere hasan ne tujhpe nichawar kiya wo laal
fidye ke waaste koi karta hai yu malaal
beta mai us ghadi bhi rahungi shareek e haal
ghum hai qadam uthake dile paash paash ke
tukde chunungi rann mein mai qasim ki laash ke

haan mere laadle meri zainab se hoshiyaar
be parda ho na jaye kahi’n meri pardadaar
mehmil ke saath saath ho abbas e zee’n weqaar
takeed ho ye akbar e mehroo ko baar baar
aamada har qadam pe rahe peshwayi ko
takleef ho na raah mein zehra ki jaayi ko

jaa marqad e rasool pe aye mere laal afaam
lazim hai nana jaan ko bhi aakhri salaam
dena meri taraf se ye hasrat bhara payaam
mumkin nahi madine mein zehra kare qayaam
tum bhi lahu mein apna chaman dekhne chalo
zainab ke bazuo’n mein rasan dekhne chalo..(2)

Tuh shere Jari hai, sakhiyo ka sakhi hai
Ya baabe hawaej meri fariyaad ko sunle.. 2

Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3

1. Aaya hu tere darpe badi aas hai maula,
Har tute hue dil ka tu ehsaas hai maula ,
Tu ek samandar hai mujhe pyaas hai maula,
Zakhmo ki dawa sirf tere paas hai maula.
Imdaad  karo meri-2
Ab waqte karam hai
ABBAS TUMHE BALI SAKINA KI QASAM HAI-3

2. Be dast sakhi apni sakhawat tu dikha de,
Marte hue logo ki hayaat aur badha de,
Tu chahe toh matti ko bhi akseer bana de,
Bimaar ko ABBASE ALAMDAAR shifa de.
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3

3. Milti  hai tere darse gunahgaar ko izzat,
Bat-ti hai zamane me tere hath se daulat,
Aulad, shifa, rizq, hunar, lutfo sama’at,
Isaar, wafa, ishqe khuda teri ata’at.
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3,

4. Tu baabe hawaej hai sakhi ibne sakhi hai,
Allah ke nazdeek teri baat badi hai,
Jin maao ki godi abhi viraan padi hai,
Awlaad unhe dede dua unki yahi hai.
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3

5. Haalat ne ay maula mujhe tod diya hai,
Aalamo masaeb se mujhe jod diya hai,
Tufaano ka rukh meri taraf mod diya hai,
Apno ne bhi ab sath mera chod diya hai.
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3

6. Har ek se ye baat toh karta nahi koi,
Juz tere kahaan jaake wo phailaaenge jholi,
Maa baap ke sino pe yahi bojh hai bhai,
Beti ke naseebo ko jagaa do mere ghazi,
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3

7. Bejurm azadaar jo hai qaid me maula,
Zinda’n me bichate hai magar farsh azaa ka,
Mil jaae  unhe sayyade sajjad ka sadka,
De unko rihaae ki khabar warise zahra.
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3

8. Ye kehke nigaaho ko tere darpe jhukaya,
Bas sarpe salamat rahe maa baap ka saaya,
De ilmo hunar baccho ko sehat bhi khudaya,
Kab hamne kisi ghair ko mushkil me pukaara.
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3

9. Aaya hu tere darpe ye umeed lagakar,
Pehna hai tere naam ka taweez banakar,
Dil kehta hai sarkaar se  bas itni dua kar,
MAZHAR ko bhi FARHAAN si aulaad ataa kar.
Imdaad karo meri…. 2
Ab waqte karam hai
ABBAS TUMHE BALI SAKINA KI QASAM HAI-3