Shaah to aaye jaane maadar, Tum nahi aaye

1 Kab se khadi hoo khayme ke dar par
Aakho me lekar ashko ke saagar
Pesh karoo aajaye jo Asgar tum nahi aaye
Nanhe Mujahid ran me jaakar, Tum nahi aaye

2 Tum ne ishaaro me ye kahaa tha
De de razaa maqtal ki Khudara
Kar ke fatah mai aauga lashkar, Tum nahi aaye

3 Teer lagaa hai kya garden par
Jo nahi dekha Maa ko palat kar
Kaun si Majburi thi Asgar, Tum nahi aaye

4 Qatl hue jo joro jafa se
Shaah uthakar laaye wo laashe
Aate hai tanha ras se Sarwar, Tum nahi aaye

5 Kisko sunaugi mai kahaani
Ye bhi na socha Yusuf-e-Saani
Maa se kategi raat ye rokar, Tum nahi aaye

6 Raat andheri dasht biyaabaa
Dar nahi jaana ran me meri jaan
Kayse rahoge Maa se bichardkar, Tum nahi aaye

7 Khali jo jula paaungi beta
Gam se phatega mera kaleja
Raat bhi guzregi rorokar, Tum nahi aaye

8 Kisne Anise gam ko pukara
Sunwaao aawaz mujko dubaara
Naoha yehi tha baano ke lab par, Tum nahi aaye

karte thay sarwar buka haye kamar jhuk gayi
mar gaya bhai mera haye kamar jhuk gayi

margaye hum jeete ji chut gaye humse aqi
hogaye baazu juda haye kamar jhuk gayi
mar gaya bhai….

khuwate baazu tha wo khalb ki taaqat tha wo
hogaye hum benawa haye kamar jhuk gayi
mar gaya bhai….

thaam lo bazu pisar le chalo suye faraad
mar gaye tere chacha haye kamar jhuk gayi
mar gaya bhai….

le chalo akbar wahan bhai hai mera jahan
jald chalo mehleqa haye kamar jhuk gayi
mar gaya bhai….

darr pe khadi beqarar karti hai wo intezar
ussay kahunga mai kya haye kamar jhuk gayi
mar gaya bhai….

le ke chacha ka alam noha ye padte huye
jao suye qaimagah haye kamar jhuk gayi
mar gaya bhai….

pyas se sab hai nidhaal pani ka hoga sawaal
kehna wo sab beh gaya haye kamar jhuk gayi
mar gaya bhai….

aisa anees ab kahan paaega sibte nabi
jaisa ke abbas tha haye kamar jhuk gayi
mar gaya bhai….

jangal may bhare ghar ko luta aayi hai zainab ay shehre madina
abid ko kisi tarha bacha laayi hai zainab ay shehre madina

bandwake rasan haaton may aur khutbe sunaake ghar baar lutaake
dewaar bade kufr ke dha aayi hai zainab ay shehre madina
jangal may bhare….

jis shehr may shehzaadiyo ki tarha rahi thi naazon se pali thi
sar nange usi shehr may ho aayi hai zainab ay shehre madina
jangal may bhare….

jo hijre padar may rahe har waqt pareshan soyi nahi ek aan
us bachi ko zindaan may sulaa aayi hai zainab ay shehre madina
jangal may bhare….

dhaaras thi bahot bhai ko jis bhai ke dam se dil phat-ta hai gham se
saahil pe akela usay choad aayi hai zainab ay shehre madina
jangal may bhare….

cheh maah ke asghar ko bhi jhoole ke bajaaye dukh dard chipaaye
aaghosh may turbat ke sulaa aayi hai zainab ay shehre madina
jangal may bhare….

thay auno mohammad jo meri aankhon ke taare mamu ke dulaare
qurbaan unhe bhai par kar aayi hai zainab ay shehre madina
jangal may bhare….

tha akbare nashaad jo is ghar ka ujaala wo gaysuon wala
marqad may akela usay choad aayi hai zainab ay shehre madina
jangal may bhare….

naadim hai bahot laa saki qasim ko na humra wa hasrato darda
kubra ko magar saath liye aayi hai zainab ay shehre madina
jangal may bhare….

pani jo piye ehle watan pyaas na bhulay moo ashkon se dholay
kehne ko ye bhai ka payaam aayi hai zainab ay shehre madina
jangal may bhare….

manzar wo bhula sakti nahi ta dame aakhir hai kehne se qaasir
jo shaam ke darbaar may dekh aayi hai zainab ay shehre madina
jangal may bhare….

kis waqt khuda jaane qadam nikle thay ghar se chaadar chini sar se
ab tak na masayab se nikal paayi hai zainab ay shehre madina
jangal may bhare….

shabbir pe ab royega ta hashr zamana hai gham ka fasana
majlis ki bina shaam may daal aayi hai zainab ay shehre madina
jangal may bhare….

rehjayega akhtar ufaqe gham pe tera naam kya khoob hai inaam
nowha tera sun-ne ke liye aayi hai zainab ay shehre madina
jangal 

goonj rahi hai ye sada ya hussain
tujhko layeeno ne sataya hussain
ya hussain, ya hussain

teen shabo roz ka pyasa hussain
dashte bala may tujhe maara hussain
ya hussain, ya hussain

bayyate fasiq ke talabgaar thay
zulmo sitam ke liye tayyar thay
kitne tere sar ke khareedar thay
tune magar sar na jhukaya hussain
ya hussain, ya hussain

bhej ke khat tujko bulaaya gaya
tera watan tujse chudaya gaya
khabr se nana ki hataya gaya
paykare tasleemo raza ya hussain
ya hussain, ya hussain

karbobala ghayr ke laaye tujhe
tere azeez akhroba saath thay
nehr se qaime bhi hataye gaye
uzr zara bhi na hua ya hussain
ya hussain, ya hussain

dasht may thodi si jagah mil gaye
aamade aada se zameen hil gaye
aur nazar jab sue saahil gaye
us pa layeeno ka tha pehra hussain
ya hussain, ya hussain

kya shabe aashoor ka hangaam tha
saara jahan larza barandaam tha
tujhko ibadat se faqad kaam tha
karta raha zikr khuda ka hussain
ya hussain, ya hussain

suboh dahum ka ho bhala kya bayaan
dene laga jab tera akbar azaan
jaise thi awaaze nabi begumaan
karbobala thi ke madina hussain
ya hussain, ya hussain

fauje hussaini may bada josh tha
tune bhi pyaso ko sahara kiya
saaniye hyder lo alam dediya
sab ne unhe faqr se dekha hussain
ya hussain, ya hussain

suye imam ek namazi barha
dil se basad shaan e niyazi barha
fauje udoo se hure ghazi barha
aake qadam-bosh hua ya hussain
ya hussain, ya hussain

haaye muhibbe shahe aali maqaaam
jinka habib ibne mazaahir hai naam
zainabe dilgeer ne bheja salaam
tumne gale unko lagaya hussain
ya hussain, ya hussain

phir to ajab hashr bapa ho gaya
ek ke baad fida hogaya
dekhte hi dekhte kya hogaya
ab koi nasir na raha ya hussain
ya hussain, ya hussain

saaniye zehra ka bura haal tha
jab ke tadaruk na koi ban pada
auno mohammad ko fida kar diya
us pa bhi tu bach na saka ya hussain
ya hussain, ya hussain

madare qasim ka jigar dekhiye
jazbaye emaan ka asr dekhiye
bhej diya ran may pisar dekhiye
jo hua pamaale jafa ya hussain
ya hussain, ya hussain

hazrate abbas bhi marne chale
nehr par jarraar ke baazu kate
thaam ke aap apni kamar reh gaye
hogayi chup roke sakina hussain
ya hussain ya hussain

hogaye ruqsat ko shabihe rasool
ab shahe bekas thay bahot dil maloool
aayi kahin se ye sadaye batool
mai teri himmat pe fida ya hussain
ya hussain ya hussain

asghar-e-baysheer pe jaane fida
khainchay hue teer barha hurmala
khasta kalaame shehe wala hua
suye falak aap ne dekha hussain
ya hussain ya hussain

dhal gaya din aur qareeb aayi shaam
phir to akele thay imame anaam
dediya sar khatm kiya apna kaam
deene nabi khoob bachaya hussain
ya hussain ya hussain

arbaeen karna hai shah-e-karbalayi ka

leke daagh seene par shah ki judaai ka
haq ada kare zainab kaise apne bhai ka
qaafila utar aaya, sabr ki khudayi ka
karbala ke maidaan par fatima ki jaayi ka
arbaeen karna hai….

maut ke bayaabaan may zindagi ka maatam hai
zulm ke andheron may roshni ka maatam hai
aansuon ke toofaan may tashnagi ka maatam hai
ek behan ke hissay may har kisi ka maatam hai
arbaeen karna hai….

bhai kya sunaaun mai hum pe kya sitam guzre
baad-e-asr-e-aashoora be-kafan thay sab laashe
shaam-e-gham ke jaatay hi maut ke badhe saaye
chin gayi rida meri bhai jal gaye qaimay
arbaeen karna hai….

door tak nigaahon may shaam ka andhera hai
karbala say kufa tak haadason ne ghayra hai
jabse nowne-haalon ne moo ko apne phera hai
maamta ki godhi may maut ka basera hai
arbaeen karna hai….

baad-e-karbala bhai, har qadam qayamat thi
be-rida rasan basta raah-e-shaam se guzri
bhai hum tamaasha thay raastay tamaashayi
har qadam dua yeh thi kaash maut aajaaye
arbaeen karna hai….

bhai qaid khaanay ki teeragi se ho aaye
aap ki amaanat ko zulmaton may kho aaye
khoon goshwaaron ka aansuon say dho aaye
yun sakina bibi ko sab aseer ro aaye
arbaeen karna hai….

sab se juda ho kar jab madina jaaungi
jake maa ki turbat par marsiya sunaungi
karbala ke maqtal may kya huwa bataungi
bhai apnay baazu ke neel bhi dikhaungi
arbaeen karna hai….

bhai ab khudahafiz khabr say chali zainab
bin tere guzaa-regi kaisay zindagi zainab
uth gayi fareed aakhir keh ke ya ali zainab
ranjo gham ki dunya may phir say kho gayi zainab
arbaeen karna hai….