Farshe majlis pe fatema zehra
Lamha lamha shumaar karti hai
Ai azaadaro aao majlis me
Fatema intezar karti hai
Ai azaadaro suno kehrahi hai saiyada….x2

Har ek chahne wale ko bakshwa dungi
Mere husain ko rote raho dua dungi.x2

Tum apne gharme azakhana jab sajaoge
Jaza rasul se iski zarur paoge
Khuda bhi razi rahega ali bhi aur mai bhi
Gham apna bhul ke aashur jab manaoge
Tumhare dil ki har ek zakhm ki dawa dungi
Mere husain ko rote raho dua dungi..

Har ek chahne wale ko bakshwa dungi
Mere husain ko rote raho dua dungi..

Ajeeb haal se aungi mai sar e mehshar
Ke laungi maii waha goud me husain ka sar
Mai laungi mere abbas ke kate hue hath
To saath lasha e asghar bhi aur hasan ka jigar
Khuda se baba ki ummat ko bakshwa dungi
Mere husain ko rote raho dua dungi..

Har ek chahne wale ko bakshwa dungi
Mere husain ko rote raho dua dungi..

Ba waqt e asr gulu e husain kat ta tha
Pisar ke gird phiri ruh e fatema zehra
Nida e fatema aati thi aah wawaila
Ke chakki peeske maine husain ko paala
Karo na qatl ise mai tumhe dua dungi
Mere husain ko rote raho dua dungi..

Har ek chahne wale ko bakshwa dungi
Mere husain ko rote raho dua dungi..

Meri sakina o zainab ki sab kaneezei sune
Wasiyat ek meri hai ye dhyan me rakhei
Kabhi ho zikr jo zainab ki beridai ka
To ek lamha bhi khud ko wo berida na karei
Mai tumko betiya zainab si ba haya dungi
Mere husain ko rote raho dua dungi..

Har ek chahne wale ko bakshwa dungi
Mere husain ko rote raho dua dungi..

Tum is jahaa’n me hamara sahara banjao
Hamari baai’se izzat to banke dikhlao
Na aisa ho kabhi apne kisi amal se kahi
Azaa ki ruh ko nuksaan tum na pohchao
Ye mera waada hai mai tumko bakshwa dungi
Mere husain ko rote raho dua dungi..

Har ek chahne wale ko bakshwa dungi
Mere husain ko rote raho dua dungi..

Jo umr bhar mere bachhe ka nauha khwaa’n hoga
Baroz e hashr wo utna hi ‘Shadmaa’n’ hoga
Jo nauhe likhte rahe ‘Mazhar Aabdi’ yuhi
kalam ye taaba qayamat yuhi rawaa’n hoga
Har ek bait pe jannat me ghar dila dungi
Mere husain ko rote raho dua dungi..

Har ek chahne wale ko bakshwa dungi
Mere husain ko rote raho dua dungi….

Mera sehriyan wala akbar x4
zakhm dil ke dikhaaon maen kaisay x2
tera lasha uthaaoon maen kaisay
akbar mera sehriyan wala akbar x2

Lashay akbar pae shah jab pohnchay
dil ko haton se tham kar bolay
teree furqat nae aye ali akbar
aag dil mein meray lagadee hae
aag dil kee bhujaaon maen kaisay x2
tera lasha uthaaoon maen kaisay
akbar mera sehriyan wala akbar x2

Too hae karyal javan aye beta
baap tera zaeef hae kitna
Noor ankhon ka hogaya rukhsat
mujhko ata nahee nazar khayma
Lekay khemon mae jaaon mae kaisay x2
tera lasha uthaaoon maen kaisay
akbar mera sehriyan wala akbar x2

Jisne athara saal paala tha
Kaise dekhee gee vo tera lasha
Teree shaadi ka tha jise armaan
Kaisay jhelegee vo tera sadma
Teree maa ko bataoon mae kaisay x2
tera lasha uthaaoon maen kaisay
akbar mera sehriyan wala akbar x2

Dekh aya hae qaside sughra
Rah(a) tak tee hae vo dukhi behna
tujko beemar nae bulaya hae
vaada sughra ka kyoon bhula dala
Gham ye dil se lagaaon maen kaisay x2
tera lasha uthaaoon maen kaisay
akbar mera sehriyan wala akbar x2

Bhai behnon ka hae ajab rishta
Jiska saani kahin naheen milta
Roke sughra nae ye likha akbar
aik dukhya kee laaj rakhlena
Margaya too bataaon mae kaisay x2
tera lasha uthaaoon maen kaisay
akbar mera sehriyan wala akbar x2

Lutf jeenay maen ab kahan akbar
Dil se uththi hae ye fughan akbar
subhe ashoor dee thee jo toonay
khun rulayegee vo azaan akbar
Teree soorat bhulaaon maen kaisay  x2
tera lasha uthaaoon maen kaisay
akbar mera sehriyan wala akbar x2

Zabt gham ka mohal aye beta
Dekhoon kaisay ye zakhm seenay ka
Maen to pardes maen akela hoon
Dekh kar zakhm kya karoon batla
Is pe marham lagaaoon maen kaisay
Tera lasha uthaaoon maen kaisay
akbar mera sehriyan wala akbar x2

Aisi gurbat me mooh nhi modo
Main hoon tanha mjhe na yoon chhodo
Kya guzarti hai baap ke dil par
Gamzada dil ko yoon nahi todo
Apni gurbat bataaun main kaise
Tera laasha

Shadmaan yeh dua hai khaaliq se
Waqt aisa kisi pe naa yaae
Jaisa mazhar ne likh diya manzar
Shah kehte the bass yahi ro kar
Zakhm dil ke dikhaaun main kaise
Tera laasha uthaaun main kaise..

Haye Bazaar-e-Shaam Jaakar 
Zainab ko Ghazi Yaad Aya (3) 

Haye Bazaar-e-Shaam Jaakar 
Zainab ko Ghazi Yaad Aya 
Zainab ko Ghazi Yaad Aya (3) 

Aankhon se khoon jari, Sar pe rida nahi thi 
Zakhmi haram ke dethe, Koi dawa nahi thi 
Jab duray lage badan par,(2) 
Zainab ko Ghazi Yaad Aya 
Zainab ko Ghazi Yaad Aya (3) 

Sadat pa ba rehna, Katon bhare the raste 
Rote the jab ye qaidi, Bedard log hasthe 
Jab dekhi sina pe chadar,(2) 
Zainab ko Ghazi Yaad Aya 
Zainab ko Ghazi Yaad Aya (3) 

Hamsheer Royi uspar, Taqdeer royi uspar 
Beemar jab bhi roya, Zanjeer royi uspar 
Hai ghalion pe barse pathar,(2) 
Zainab ko Ghazi Yaad Aya 
Zainab ko Ghazi Yaad Aya (3) 

Jo margaye haya thi, Rahon me be rida thi 
Ye soch kar ye zainab, Bas mehre marsiya thi 
Hai sheeren ke ghar me jaakar (2) 
Zainab ko Ghazi Yaad Aya 
Zainab ko Ghazi Yaad Aya (3) 

Is se badi qayamat, Kya aur hogi logon 
Abid ne apne sar ko, Kyun na uthaya socho 
Woh kehta tha bas ye rohkar(2) 
Zainab ko Ghazi Yaad Aya 
Zainab ko Ghazi Yaad Aya (3) 

Abba ki behen par, Ek aisa waqt aaya 
Darbar me sitam ke, shimr-e-leyin pukara 
Hai kaun shah ki khwahar, (2) 
Zainab ko Ghazi Yaad Aya 
Zainab ko Ghazi Yaad Aya (3) 

Nikli thi jab woh ghar se, manzaar woh yaad aaya 
Nazrein jhukao logon, Abbas ne kaha tha 
Ab shaam mei khule sar(2) 
Zainab ko Ghazi Yaad Aya 
Zainab ko Ghazi Yaad Aya (3) 

Athara bhaiyon ki, Hamsheer aur khule sar 
Aye logon taras khao, Zainab ko dedo chadar 
Fiza jo boli rokar (2) 
Zainab ko Ghazi Yaad Aya 
Zainab ko Ghazi Yaad Aya (3) 

Darbar mei gayi thi, Ek roz Fatima bhi 
Ek rida thi sar par, Beton se thi tassali 
Yaad aaya use ye manzaar, (2) 
Zainab ko Ghazi Yaad Aya 
Zainab ko Ghazi Yaad Aya (3) 

Ghuziri jo bibiyon par, kya shadman sunaye 
Mazhar mera kaleja, Sadmo se phat na jaye 
Bas roko qalam ye kehkar (2) 
Zainab ko Ghazi Yaad Aya 
Zainab ko Ghazi Yaad Aya (3)