Husain ki madad karo

hussain ya hussain ya hussain ya hussain..(4)
ye keh rahe hai mustufa
ye keh rahe hai murtuza
ye keh rahe hai mujtaba
ye keh rahi hai fatima
ye keh raha hai khud khuda
husain ki madad karo..(2)

1. Jo nasire husain the wo khako khu me aa chuke
zameen pe qasim e haseen tukdiyo me bat chuke
jo bazu e husain tha..haay
usi ke haath kat chuke..haay
hai ghaazi ab bhi keh raha
husain ki madad karo..(4)

2. Sina jigar me ghut chuki pisar bhi kya dikhai de
hai budha baap sochta sada koi sunai de
nazar ka noor chin chuka..haay
kya use dikhai de..haay
wo ghutniyo hai chal pada
husain ki madad karo..(2)

3. Har ek taraf wo zalzala mayane shark o gharb tha
husain ki sada suni ajeeb usme karb tha

hal min nasirin yansurna

ruka na asghare hazee..haay
yahi to waqt e garb tha..haay
ye kehke jhule se gira
husain ki madad karo..(4)

4. Nahi hai sher bawafa akela reh gaya husain
na akbar e hazee raha akela reh gaya husain
sagheer bhi chala gaya..haay
akela reh gaya husain..haay
behen ne karb se kaha
husain ki madad karo..(4)

5. Tadap raha hai khaak khoo me fatima ke dil ka chain
zamee se arsh tak baland hai zainab e hazi he bayn
har ek ki laash legaye..haay
pada hai lasha e husain..haay
laee hai har kuchal raha
husain ki madad karo..(4)

6. Ye keh rahi hai fatima ho khatm din malaal ke
tum ashk jo bahaoge rakhungi mai sambhal ke
ye ashk leke jaungi..haay
bharenge zakhm laal ke..haay
azaa ka farsh hai bicha
husain ki madad karo..(4)

7. Urooj e ghairat e nabi kisa ka noor e lazawaal
na shaam ko bhula saka use aaj bhi malaal
husain ki hai aarzu..haay
rakhe hijaab ka khayal..haay
saro pe tum rakho rida
husain ki madad karo..(4)

8. Jo apna ghum chupa raha hai aaj ka husain hai
jo ashk e dil baha raha hai aaj ka husain hai
madad ko jo bula raha..haay
hai aaj ka husain hai..haay
suno imaam ki sada
husain ki madad karo..(4)

9. Imam e asr ki nazar me kya amal ka hai maqaam
qamar azaa ke saath humne kya kiye hai jin ke kaam
guroh kitne bangae..haay
magar akela hai imam..haay
ye aaj ki hai karbala
husain ya husain
husain ki madad karo..(4)

Kaha kisine sakina se

Koi bhi beti tumhari tarah yateem na ho

haay meri shahzadi sakina
hae mera maula husain
apke ahle haram ko gulamo ki tarah qaid karke
aur aahni zanjeer me buri tarah jakad ke ooto pe bitha diya gaya
din ko dopahar ki garmi se unke chehre julasne lage
aur woh garib dayaar kasha kasha
bayabano aur jangalo me firaye jaa rahe the
unke hath unki gardano se bandh diye gaye the
is tarah unko bazaro me phiraya ja raha tha
yeh qafila rawaa dawaa tha, ke sheher ki aurto aur bacho ne kuch aisi bachiyo e kaha
chalo kuch asir humaari gali se guzre
suna hai in aseero yatimo miskino ki dua me bada asar hota hai
aurte apne chote bacho ko lekar qafele ki taraf aayi
dekha ek bibi baalo se chehra chupaye hue hai
aur ek char saal ki bacchi hai jiske gale me rassi hai
aur woh ro rahi hai, roti jati hai
haye meri shahzadi sakina

Kaha kisine sakina se tum dua yeh karo
Koi bhi beti tumhari tarah yateem na ho

1. Woh jiska dil ho dukhi raat bhar nahi sota
duaen karte hue jab bhi koi hai rota
suna hai uski duao me hai asar hota
hamare ghar ho salamat yeh tum dua maango

2. Ye keh rahe hai ke beemar ko dawa denge
kafan shahido ko behno ko hum rida denge
yeh chaar saal ki bacchi ko hum dua denge
hame bhi ek dua chahiye ye is se kaho

3. Kaha kisine ke baba safar pe nikle hai
kaha yeh maan ke isse duaen lete hai
hamare bibi bohot chote chote bacche hai
sakina sochne lagti hai lashe asgar ko

4. Yeh nanhi bacchi ki halat pe koi kehta hai
najaf me iska koi rishtedaar rehta hai
chini hai baliyan kano se khoon behta hai
larazte haath hai yeh dekhkar tamacho ko

5. Kaha kisine jo yeh bibiyan hai bechadar
yeh fakre maryam o saara hai aale payghambar
yeh tauq me jo baradar hai abide muztar
imame waqt hai yeh de dua kaho inse

6. Yeh fatema ke hai ghar ki azeem hai rutbe
dua kare kaho mushkil kusha ki poti se
bohot kareeb hai bacchi yeh arshe khaliq ke
dua yeh maang le phaila ke nanhe haatho ko

7. Nahi hai taab ye kurte ko dho nai sakti
yeh rona chahti hai aur ro nai sakti
yeh qaid khane me ek pal bhi so nahi sakti
nahi hai baap ka sina bhi iske sone ko

8. Dua toh kardi sakina ne haath failakar
laraz raha hai kamar arshe khaliqe akbar
phuphi ne thama sakina ko phat gaya tha jigar
hussain ki tarah kitni kareem hai dekho

haye
kaha sakina ne ehle aza salamat ho
sabhi ke nure nazar mahlaqa salamat ho
bhatije bhanje sabke chacha salamat ho
duae deti hu har waqt apne shiyo ko
kisi ki beti bhi meri tarah yateem na ho

sakina bibi tumhare ghulam hazir hai
bujhe jo pyaas toh ashko ke jaam haazir hai

Abhi tak shaam ke zindaan

haay..
janaza jiska chhupaye the shab ki tareeki
damishq me ye usi fatima ki hai beti
na kal to shaam me parda bacha saka tha koi
dukhi husain ki maa keh rahi hai ya mehdi
dua ko haath uthae hai maadar e zainab
bachae roze ko roza hai chadar e zainab

saro ko dhaanp kar aao..(2)
tumhe zainab bulati hai
abhi tak, shaam ke bazaar se aawaz aati hai..(2)

1. Batate hai ye raste jo abhi tak khoo me doobe hai
yaha se sayyad e sajjad zanjeero me guzre hai
tamacho se sakina ko kabhi zainab bachati hai
abhi tak, shaam ke bazaar se aawaz aati hai..(2)

2. Kahi durro ki barish hai kahi hai maarte pathar
zami kyu phat nahi jati tamashe ko khule hai ghar
kabhi baalo se zainab apne chehre ko chupati hai
abhi tak, shaam ke bazaar se aawaz aati hai..(2)

3. Na khud hai zainab e nachar bhi us ek rassi me
bandhe hai abid e beemar bhi is ek rassi me
sakina kis tarha panjo ke bal par chal ke jati hai
abhi tak, shaam ke bazaar se aawaz aati hai..(2)

4. Bohot rote hai abid dekhkar ye halat e zainab
ke aisa imtehaa nabiyo se bhi leta nahi ya rabb
imamat sar jhuka kar khoon ke aansu bahati hai
abhi tak, shaam ke bazaar se aawaz aati hai..(2)

5. Khudaya hai yahi mushkil kusha e waqt ki poti
ye saara shaam kehta hai sakina chup nahi hoti
lahu kano se behta hai tamache muh pe khati hai
abhi tak, shaam ke bazaar se aawaz aati hai..(2)

6. Khuda aur mustufa ke deen ka paband hai koi
na majme me hazaro ke bhi ghairatmand hai koi
musalmano ki ghairat par bohot aansu bahati hai
abhi tak, shaam ke bazaar se aawaz aati hai..(2)

7. Sharabi badnasab darbaar hai kitne laee dekhe
khadi zainab thi jisne 700 kursi nashee dekhe
madad ko saatwe(7) darr par ali ko ye bulati hai
abhi tak, shaam ke bazaar se aawaz aati hai..(2)

Aap ne hazrat e mukhtaar

Haay..
Jab koi qatile shabbir giraftaar hua
ye khabar sunke koi khidmate maula me gaya
ashk barsate hue abid e muztar ne kaha
tune badla liya mukhtaar hai ehsaa tera
qalbe zehra ke har ek zakhm pe marham rakha
aap ne hazrat e mukhtaar bada kaam kiya..(4)

1. Aap ke hausle kar dete hai qaumo ko jawaa..(2)
aap ke khoon me haider ki mohabbat thi rawaa..(2)
aap ke hubb me imraan ka jazba tha ayaa
aapke josh pe nazaa hai bohot karbobala
aap ne hazrat e mukhtaar bada kaam kiya..(2)

2. Aag jo dil me hai us aag ka darya kya hai..(2)
ek maula ke azadaar ka jazba kya hai..(2)
inteqam e ali asghar ka takazaa kya hai
aap ke khoon me tha josh abu talib ka
aap ne hazrat e mukhtaar bada kaam kiya..(2)

3. Aap ko aal e payambar ka tha kitna ehsaas..(2)
bhool paye na kabhi aap sakina ki pyaas..(2)
pani pite hue thi ek sada ya abbas
aap ne daste burida ka liya tha badla
aap ne hazrat e mukhtaar bada kaam kiya..(2)

4. Rajat e jism e murattab hai wo manzar kya hai..(2)
hujjat e asr ki azmat ka samandar kya hai..(2)
jiske lashkar me ali honge wo lashkar kya hai
wo sadi aaegi mukhtaar the jiska lamha
aap ne hazrat e mukhtaar bada kaam kiya..(2)

5. Zulm ke daur me mazloom ki taqat mukhtaar..(2)
jabr ke saamne inkaar ki himmat mukhtaar..(2)
hashr tak dil pe yazido ke hai haibat mukhtaar
aap ne laakho jigar chaak kiye hai tanha
aap ne hazrat e mukhtaar bada kaam kiya..(2)

6. Roz hote hai yaha kitne azadar shaheed..(2)
faisla karliya ab zulm nahi sehne mazeed..(2)
kaat kar rakhdo azadaar zara nasle yazeed
aapke josh se milta hai hame bhi jazba
aap ne hazrat e mukhtaar bada kaam kiya..(2)

7. Ye to Allah ki nemat hai shahadat lelo..(2)
ashk e shabbir se talwaar ki taqat lelo..(2)
mat daro hazrat e mukhtaar se himmat lelo
daad deti hai inhe roohe shahe karbobala
aap ne hazrat e mukhtaar bada kaam kiya..(2)

8. Baqi rehta hai abhi jauro jafa ka badla..(2)
nauke naiza se chini ek rida ka badla..(2)
apni had me jo liya karbobala ka badla
inteqam asl me baqi hai abhi waris ka
aap ne hazrat e mukhtaar bada kaam kiya..(2)

9. Ae qamar sog badha chayn dilo ne paya..(2)
saamne aap ke jis dum sare hurmal aaya..(2)
zere lab jis tarah sajjad ne wo farmaya
aap ne hazrat e mukhtaar bada kaam kiya
aap ne hazrat e mukhtaar bada kaam kiya..(2)

Abbas beta marhaba

abbas ya abbas..(4)
ya abbas ya abbas ya abbas

kehti hai rann me, kehti hai rann me fatima
abbas beta marhaba..(3)

1. Tu ishq ki meraaj hai..(2)
sar par wafa ka taaj hai..(2)
sabit ye tune kar diya
darya pe tera raaj hai
chullu me leli..(2) alqama
abbas beta marhaba..(3)

2. Aale nabi ki aas hai..(2)
imraan ka aqqaas hai..(2)
teri talab darya nahi
darya ko teri pyaas hai
saqqa hai aale..(2) mustafa
abbas beta marhaba..(3)

3. Tujhse zabar bhi zer hai..(2)
tashna labi se ser hai..(2)
haibat hai shero par teri
tu shere haq ka sher hai
shamsheer e shah..(2) karbala
abbas beta marhaba..(3)

4. Ajdaad ki pehchaan hai..(2)
binte ali ka maan hai..(2)
bachpan se lekar aajtak
shabbir par qurbaan hai
qurbaan tujhpar hai..(2) wafa

5. Tere shano pe qurbaan jau
aaja seene se apne lagau
tujhko shabbir jaisa samajhkar
apne hatho se pani pilau
darya se pyasa aagaya
abbas beta marhaba..(3)

6. Tha ye mehzar me abbas likha
tashnalab hi rahegi sakina
gham na kar mashk gar chid gai hai
tujhse raazi hai shahe madina
tune ada haq kar diya
abbas beta marhaba..(3)

7.Jo mahafiz the ale nabi ke
kat gae haay bazu wo tere
aaj se hashr tak dee ka parcham
tu uthaega bin bazuo ke
ab ye alam..(2) tera hua
abbas beta marhaba..(3)

8. Jo takallum hai eemaan tera
shadmaa ka wohi hai aqeeda
roza e ibne shere khuda par
dil ye kehta hai ehle aza ka
ek maa ki aati hai sada
abbas beta marhaba..(3)