Aashoor Ke Din Jaan Ki Parvaa Nahin Karna
Arey Main Maa Hoon Mere Doodh Ko Rusva Nahin Karna
Rusvaa Nahin Karna

Aye Auno Mohammad *2
Aye Auno Mohammad Tumhe Zainab Ki Kasam Hain *2 (Corus)

Abbas Ka Baazu Kate Aur Tum Raho Zinda
Akbar Ka Kaleja Chide Aur Tum Raho Zinda
Asgar Mera Marne Chale Aur Tum Raho Zinda * 2
Aur Tum Raho Zinda
Hargiz Mere Jeete Hue Aisa Nahin Karna

Imran Ke Dil Hamza Ki Guftaar Ke Vaaris
Taalib Ki Dua Jafare Tayyar Ke Vaaris
Haa Tum Hi To Ho Haidare Karraar Ke Vaaris * 2
Karraar Ke Vaaris
Maidaan Se Hatne Ka Iraada Nahin Karna

Qasim Pe Fida Akbare Dilgeer Pe Sadqe
Tum Sher Ho Mere To Ho Besheer Pe Sadqe
Main Karr Bhi Chuki Hoon Tumhe Shabbir Pe Sadqe * 2
Shabbir Pe Sadqe
Sharminda Koi Khoon Ka Katra Nahin Karna

Harr Lamha Khabardaar Sakeena Ki Sada Se
Uthe Jo Kadam Vo Ali Akbar Ki Raza Se
Pote Hain Vo Haider Ke Agar Tum Ho Navaase * 2
Agar Tum Ho Navaase
Ucha Kabhi Asgar Se Bhi Lahja Nahin Karna

Maa Ho Gayee Akbar Ki Tadapne Meri Baahe
Tae Karni Hain Tumko Yahee Isaar Ki Raahe
Abbas Ke Kadmo Se Hataana Na Nigaahe * 2
Hataana Na Nigaahe
Dil Mein Kabhi Parcham Ki Tamanna Nahin Karna

Mill Jaaye Alam Aisi Guzarish Nahin Acchi
Mansab Ki Tamanna Mein Safarish Nahin Acchi
Auqaat Se Badhkar Koi Khwaish Nahin Acchi * 2
Khwaish Nahin Acchi
Mamu Se Kabhi Koi Takaaza Nahin Karna

Aa Jaaye Agar Pyaas Mein Hoton Pe Zabane
Suraj Se Barasti Rahee Kirno Ki Sanane
Lekin Na Juda Jism Se Jab Tak Bhi Ho Jaane * 2
Jab Tak Bhi Ho Jaane
Tum Apni Nigahe Sue Dariyaa Nahin Karna

Maango Ye Dua Roe Na Nausah Ko Farwah
Gham Mein Ali Akbar Ke Na Baithe Kabhi Laila
Ujde Na Kabhi Bano Ke Armaano Ka Jhula * 2
Armaano Ka Jhula
Gham Mere Ujadne Ka Zara Sa Nahin Karna

Aaho Ke Main Inn Chehro Ko Ashqon Se Saja Doo
Damm Naade Ali Karke Tumhe Sher Bana Doo
Zirho Ke Evaz Kafnee Ahee Tumko Pihnaadu * 2
Tumko Pihnaadu
Talwaar Nahin Paayee Ye Shikwa Nahin Karna

Aye Nayyaro Aamir Ye Ajab Raah Guzar Hain
Aulaado Ke Marne Ka Na Gham Hain Na Asar Hain
Matam Ki Tamanna Hain Na Purse Ki Khabar Hain * 2
Na Purse Ki Khabar Hain
Bhai Ke Siwa Koi Bhi Nauha Nahin Karna

Chala Khanjar To Sarhaane Se Pukaari Zehra
Chakkiyaan Pees Ke Aye Laal Tujhe Paala Tha
Chakkiyaan Pees Ke Aye Laal Tujhe Paala Tha

Aye Mere Laal Hussain
Chakkiyaan Pees Ke Aye Laal Tujhe Paala Tha
Aye Mere Laal Hussain(Corus)

Teri Gardan Pe Kiya Kartee Thi Main Pyaar Kabhi
Apni Tasbeeh Ko Kartee Thi Tera Haar Kabhi
Kya Khabar Thi Ke Chalegee Yahee Talwaar Kabhi
Isi Gardan Pe To Lete The Payambar Bosa

Bhar Gaya Khoon Mere Khwabon Ki Taabeeron Mein
Aaj Harr Simpt Se Tu Ghir Gaya Shamsheeron Mein
Dekhu Kinn Aankhon Se Aye Laal Tujhe Teeron Mein
Kabhi Jibreel Jhulaate The Tera Gahvaaraa

Aaa Mere Laal Main Aanchal Mein Chupaalu Tujhko
Maamta Kahtee Hain Baahon Mein Basaalu Tujhko
Phir Usi Tarha Main Seene Se Lagaalu Tujhko
Jaise Ek Baar Mera Bandhe Kafan Tutaa Thaa

Tu Hain Vo Phool Ke Rota Hain Chaman Bhi Tujhko
Vo Musafir Hain Ke Dhoondhega Vatan Bhi Tujhko
Haa Magar Denge Na Ashraar Kafan Bhi Tujhko
Vo Bhi Chinn Jaayegi Garr Laash Pe Rakhdu Main Ridaa

Shimr Ki Aankhon Mein Gairat Ki Nishaani Bhi Nahin
Kund Hain Itna Ke Khanjar Mein Ravaani Bhi Nahin
Khusq Hain Halq Mere Laal Na Paani Bhi Nahin
Haa Mere Maher Mein Haalaqe Ye Behata Dariyaa

AbbVo Hamshaqle Nabi Akbare Jarraar Kahan
So Gaya Dasht Mein Abbase Alamdaar Kahan
Aake Jungle Mein Lutee Hain Teri Sarkaar Kahan
Kya Ujadtaa Hain Bhala Yoon Bhi Kisika Kunbaa

Qasimo Auno Mohammad Ali Akbar Bhi Nahin
Naaz Tha Jiss Pe Tujhe Abb To Vo Lashkar Bhi Nahin
Kaun Baazu Tera Thaame Ke Baraadar Bhi Nahin
Kya Khabar Thi Ke Tu Ho Jaayega Itna Tanhaa

Khud Ko Batlaate Hain Ye Loag Nabi Ki Ummat
Hain Na Aankhon Mein Murawwat Na Dilon Mein Gairat
Kaun Sa Ghuslon Kafan Kaisi Namaaze Mayyat
Choad Jaayenge Ye Sabb Khaaq Pe Laasha Tera

So Gaye Rann Mein Tera Soag Manaane Vaale
Khoon Mein Doob Gaye Khaaq Udhaane Vaale
Bekafann Khudd Hain Kafan Tujhko Pinhaane Vaale
Aaa Teri Laash Pe Main Daalu Do Ashqon Ki Ridaa

Asre Aashoor Ka Hain Aamiro Nayyar Vo Asar
Manzare Karbobala Cha Gaya Harr Manzar Parr
Hum Mussale Pe Ho Mimbar Pe Ho Ya Bistarr Parr
Goonjta Rahta Hain Socho Mein Vahee Ek Nauhaa

Hussain Khustae Tege Jafa Khuda Haafiz
    Tamaam Hoti Hain Fasle Aza Khuda Haafiz
    Hussain Khustae Tege Jafa Khuda Haafiz
  
    Hussain Khustae Tege Jafa Khuda Haafiz  *  2 
 
    Dasegi Hamko Hamaare Gharon Ki Veeraani  *  2
    Sajega Kall Se Na Ye Taaziya Khuda Haafiz
  
    Hussain Khustae Tege Jafa Khuda Haafiz  *  2 

    Sunenge Marsiye Abb Kisse Sabb Azakhaane  *  2
    Bhala Ye Kaise Kahe Fatema Khuda Haafiz
  
    Hussain Khustae Tege Jafa Khuda Haafiz  *  2   
 
    Vida Hotein Hain Abbas Badh Raha Hain Alam  *  2
     Hussainiyo Kaho Aae Baa Wafa Khuda Haafiz
 
    Hussain Khustae Tege Jafa Khuda Haafiz  *  2
 
    Khamosh Baithe Hain Maaon Ki Goad Mein Bacchein  *  2
    Kahe Vo Jhule Se Kaise Bhala Khuda Haafiz
  
    Hussain Khustae Tege Jafa Khuda Haafiz  *  2 
   
    Jahaa Bahaar Chadhaati Thi Phool Sehre Ke  *  2
    Hain Aasuon Se Bhari Khoo Qaba Khuda Haafiz
  
    Hussain Khustae Tege Jafa Khuda Haafiz  *  2 

   Nazar Se Hota Hain Ojhal Amaariyon Ka Juloos  *  2
   Nigaahein Choomti Hain Nakshe Paa Khuda Haafiz

   Hussain Khustae Tege Jafa Khuda Haafiz  *  2
 
    Dame Vida Aa Hain Sughra Se Pooche Le Koi  *  2
    Hain Ek Fikra Ke Ek Marseeya Khuda Haafiz
 
    Hussain Khustae Tege Jafa Khuda Haafiz  *  2
  
    Jigar Hilaane Lage Phir Hussain Ke Jumle  *  2
    Bahen Ye Bhai Bhi Marne Chala Khuda Haafiz
 
    Hussain Khustae Tege Jafa Khuda Haafiz  *  2 
 
    Jahaa Sakeena Ko Aayee Thi Aakhiri Hichki  *  2
    Vahee Pe Abb Ye Sada Hain Chacha Khuda Haafiz
  
    Hussain Khustae Tege Jafa Khuda Haafiz  *  2
  
    Na Jaane Kaise Kaha Hoga Aap Ne Zainab  *  2
    Madine Jaati Hoon Aae Karbala Khuda Haafiz
 
    Hussain Khustae Tege Jafa Khuda Haafiz  *  2 
 
    Sada Bhi Aamiro Nayyar Ka Saath Choad Na De  *  2
    Ke Inn Labo Se Ho Kaise Ada Khuda Haafiz

    Hussain Khustae Tege Jafa Khuda Haafiz  *  2

Yun Rasan Basta Na Hoti Kabhi Binte Zehra
    Mera Abbas Jo Hota
    Mera Abbas Jo Hota
    Kaun Balvein Mein Phiraata Mujhe Yun Bepardaa
    Mera Abbas Jo Hota
    Mera Abbas Jo Hota
  
    Mera Abbas Jo Hota  *  3
 
    Aaj Tak Maine Suna Bhi Na Tha Bazaar Ka Naam
    Ha Meri Maa Ne Liya Tha Kabhi Darbaar Ka Naam
    Main Kaha Aur Kahaa Ahle Jafa Ka Balvaa
  
    Mera Abbas Jo Hota  *  3
  
    Kaun Zaalim Mere Khaime Ko Jalaata Aakar
    Kaun Beemaar Ko Bistar Se Uthaata Aakar
    Kaha Jall Sakta Tha Besheer Ka Nanha Jhula
  
    Mera Abbas Jo Hota  *  3  
 
    Aaj Kufe Mein Na Hoti Meri Ye Barbaadi
    Jaha Qaidi Hoon Kahee Jaati Vahee Shahzaadi
    Shaane Katwaake Na Sota Jo Mera Shahzaada
  
    Mera Abbas Jo Hota  *  3
 
    Iss Tarha Aale Nabi Jaati Na Darbaaro Mein
    Naam Zainab Ka Ne Leta Koi Bazaaro Mein
    Khaanae Aayaye Tatheer Na Hota Rusvaa
  
    Mera Abbas Jo Hota  *  3
 
    Maarta Hain Jo Sakeena Ko Tamaache Koi
    Pushte Aabid Pe Laga Jaata Hain Durre Koi
    Nazar Aata Na Yaha Koi Sitamgarr Zindaa
  
    Mera Abbas Jo Hota  *  3

    Goad Mein Maa Ki Humakta Ali Asgar Mera
    Khaichta Aake Qanaate Ali Akbar Mera
    Raat Bhar Vo Mere Khaime Ka Talaaya Phirta
  
    Mera Abbas Jo Hota  *  3
 
    Mere Bacchon Ko Agar Maut Nahin Aa Jaati
    Apne Ghar Main Bhi Kabhi Chaand Si Bahue Laati
    Baandhti Auno Mohammad Ke Saro Parr Sehra
  
    Mera Abbas Jo Hota  *  3

    Main Hoon Zainab Mere Bhai The Hameeat Vaale
    Hausle Vaale Vafa Vaale Shajaa at Vaale
    Dekh Sakta Na Tha Sooraj Kabhi Mera Chehra

    Mera Abbas Jo Hota  *  3

    Tha Bahot Aamiro Nayyar Ye Bahen Ko Bhi Khayaal
    Kaha Bepardagie Ahle Haram Ka Tha Savaal
    Khudd Hi Ho Jaata Rida Badhke Alam Ka Saaya
 
    Mera Abbas Jo Hota  *  3

Haaye Sughra Meri Sughra
    Haaye Sughra Meri Sughra
    Haaye Sughra Meri Sughra
    Haaye Sughra Meri Sughra

    Akbar Ka Tha Ye Noha Sughra Muaaf Karna
 
    Akbar Ka Tha Ye Noha Sughra Muaaf Karna  *  2
  
    Damm Toot Ta Hain Mera Sughra Muaaf Karna
   
    Akbar Ka Tha Ye Noha Sughra Muaaf Karna  *  2

    Zakhmon Ke Darmiyaa Hoon Lamho Ka Mehmaa Hoon  *  2
    Lamho Ka Mehmaa Hoon
    Kaise Nibhaoo Vaada
    Sughra Muaaf Karna

    Akbar Ka Tha Ye Noha Sughra Muaaf Karna  *  2
   
    Kya Haale Dil Sunaoo Aaoo To Kaise Aaoo  *  2
    Aaoo To Kaise Aaoo
    Barchi Mein Hain Kaleja
    Sughra Muaaf Karna

    Akbar Ka Tha Ye Noha Sughra Muaaf Karna  *  2
   
    Behaal Ho Chuka Hoon Har Aas Kho Chuka Hoon  *  2    
    Har Aas Kho Chuka Hoon
    Matt Intizaar Karna
    Sughra Muaaf Karna
  
    Akbar Ka Tha Ye Noha Sughra Muaaf Karna  *  2
         
    Ek Hashr Ka Samaa Hain Sehra Dhuaa Dhuaa Hain  *  2
    Sehra Dhuaa Dhuaa Hain
    Aankhon Mein Hain Andhera
    Sughra Muaaf Karna

    Akbar Ka Tha Ye Noha Sughra Muaaf Karna  *  2

    Tu Muntazir Vahaa Hain Bhai Tera Yahaa Hain  *  2
    Bhai Tera Yahaa Hain
    Har Khwaab Hain Adhoora
    Sughra Muaaf Karna

    Akbar Ka Tha Ye Noha Sughra Muaaf Karna  *  2

    Manzoor Thi Shahadat Paayee Na Itni Mohlat  *  2
    Paayee Na Itni Mohlat
    Milne Bhi Aa Na Paaya
    Sughra Muaaf Karna
  
    Akbar Ka Tha Ye Noha Sughra Muaaf Karna  *  2
  
    Quraan Ki Roshni Se Milta Tha Jo Nabi Se  *  2
    Milta Tha Jo Nabi Se
    Abb Bhoolja Vo Lahjaa
    Sughra Muaaf Karna
 
    Akbar Ka Tha Ye Noha Sughra Muaaf Karna  *  2
   
    Accha Hain Door Tu Hain Qasim Lahoo Lahoo Hain  *  2
    Qasim Lahoo Lahoo Hain
    Mehndi Hain Aur Na Sehra
    Sughra Muaaf Karna

    Akbar Ka Tha Ye Noha Sughra Muaaf Karna  *  2
  
    Ammu Ko Ra Rahe Hain Binaaee Kho Rahe Hain  *  2
    Binaaee Kho Rahe Hain
    Baba Hain Besahaara
    Sughra Muaaf Karna
  
    Akbar Ka Tha Ye Noha Sughra Muaaf Karna  *  2
  
    Asgar Ko Paa Sakogee Jhula Jhoola Sakogee  *  2
    Jhula Jhoola Sakogee
    Lagta Nahin Hain Aaisaa
    Sughra Muaaf Karna
  
    Akbar Ka Tha Ye Noha Sughra Muaaf Karna  *  2
 
    Aamir Bapaa Hain Mahshar Shah Sun Rahe Hain Nayyar  *  2
    Shah Sun Rahe Hain Nayyar
    Aur Kah Raha Hain Beta
    Sughra Muaaf Karna

    Akbar Ka Tha Ye Noha Sughra Muaaf Karna  *  2
 
    Haaye Sughra Meri Sughra
    Haaye Sughra Meri Sughra
    Haaye Sughra Meri Sughra