Kahten thin yeh ro kar Maan, Seeney mey dil h a i kahan 
Ek hai kadyal-jawaan, doosra hai be-zubaan 
Dono sidhare jinnah, Dasht mein tanha hai Maan 
Soona hai saara jahan, ujada pada hai makan 
Aakhon se khoon hai rawan. 

Ho Ali Akbar Kahan, Ho Ali Asghar Kahan 

Karti hoon kab se buka, deyte nahin ho turn sada 
Kyon huye mujhse khafa, kya hui mujhse khata 
Kis tarhan chootey ho turn mujhse main turn par fida 
Is tarhan koi pisar maa se na howe judaa 
Dasht mein turn meri jaan, ho gaye kyon saaniha 
Ho Ali Akbar Kahan, Ho Ali Asghar Kahan 

Meri ummeeden gaye, mere sahare gaye 
jinko samajhtin thin jaan haye woh pyare gaye 
Pyaas se they jaanbalab, pyasee hi maare gaye 
Karbobala mein woh aah zulm se maare gaye 
Aakhon se khoon hai rawan, Tumko main paaon kahan 
Ho Ali Akbar Kahan, Ho Ali Asghar Kahan 

Muft jawani teri raiga Akbar hui 
Khaakh mei poshida aaj soorat-e-Asghar hui 
Sar se rida chhin gaye, qaid bhi Maadar hui 
Rann mei na ab tak ama mujh ko amyassar hui 
Turn ho sidhare jinnah, mujh ko bula lo wahan 
Ho Ali Akbar kahan, ho Ali Asghar kahan 

Khaima jala, ghar luta, baade Shah-e-do-jahan 
Ab koi mumkin nahin poochne wala koi yahan 
Ai mere rooh-e-rawan, ai mere taab-o-tawan 
Waadi-e-ghurbat mein aaj, chhut gayi dono se maa 
Ek ka gala chhid gaya, ek ne khaye sina 
Ho Ali Akbar kahan, ho Ali Asghar kahan 

Boli Mussawir* yeh maa, gham ki ghata cha gayi 
Rann mein mere Sher ko, kiski nazar kha gayi 
Haslion wala jo tha, usko bhi maut aa gayi 
Ghar to to weeran kiya, Karbobala bha gayi 


Dil mein hai ek ke sina, teer ne le li ek ki jaan 
Ho AN Akbar kahan, ho Ali Asghar kahan 

Shaheed e Karbala Hussain 
Qatibe Nainawa Hussain 
Hussain Hussain Hussain Hussain 

hai waqte ruqsate Hussain 
sakina kar rahi hai bain 


na jaayein tanha chor kar 
mite ga sab ke dil ka chain 
zabihe maariya Hussain 
Hussain Hussain Hussain Hussain 

wo zulm kaun sa raha 
jo aap par nahi hua 
sivaye sabro shukr ke 
zubaan se kuch nahi kaha 
ghamon ki intehaan Hussain 
Hussain Hussain Hussain Hussain 

ay sher ghaziyo utho 

hamara haal dekhlo 

haazaar nouso aur pachaas 

hai zaqm behta hai lahoo 

bina e la ilah Hussain 

Hussain Hussain Hussain Hussain 

ay mere bhai saqshikan 
ay baazu e shahe zaman 
kamar khameeda kargaya 
teri judaai ka mehan 
sukoone mustafa Hussain 
Hussain Hussain Hussain Hussain 

kahan ho akbar e jari 
ye kyun hai beta berukhi 
akela rehgaya pidar 
qabar lo aake baap ki 
kharaar e sayyeda Hussain 
Hussain Hussain Hussain Hussain 

hudoo ke teer sholabaar 
badan ko kar gaye figaar 
magar sambhaal dosh par 
tane imam e ziwaqaar 
Nishaan e Jafa Hussain 
Hussain Hussain Hussain Hussain 

haye Ali qatl hogaye 
Jibreel de rahe thay nida ke ghazab hua 
Hyder ko qatl qanaye khaAliq may kardiya 
haye Ali qatl hogaye 

Shehzadiyo ne jyon hi suni gham ki ye sada 
betaab hoke royi aur Hasnain se kaha 
masjid may jaake dekho zara kya hai maajra 
ye Jaun keh raha hai hue qatl Murtaza 
haye Ali qatl hogaye 

zarbe layeen se hogaya jis dam do para sar 
us dam alam se hilte thay masjid ke bamo dar 
mehraab aur musalla hua saara khoon may tar 
kaampa falak to zalzala aaya zameen par 
haye Ali qatl hogaye 

Daude ye sunte hi suye masjid Hassan Hussain 
dekha namazi karte hai naale ba shoro shain 
apne lahoo may laut-te hia Shaahe Mashraqain 
paaya pidar ko aise kiye dono ne ye bain 
haye Ali qatl hogaye 


dekha namaziyo ne jo beton ko hat gaye 
Hasnani badke apne pidar se lipat gaye 
naale kiye wo sunke jigar gham se phat gaye 
riqqat se doston ke kaleje ulat gaye 
haye AN qatl hogaye 

yan ho rahi thi seena zani naala-o-buka 
aayi kahin kareeb se Fizza ki ye sada 
Zehra ki betiyon ko nahi yaara zabt ka 
bechain hai wo dekhne ko haale Murtaza 
haye AN qatl hogaye 

kya haal hai pidar ka na aakar bataoge 
Hasnain se kaho ke jo unse chupaoge 
Hyder ko jald ghar may agar turn na laaoge 
Zainab ko sar khule hue masjid may paaoge 
haye AN qatl hogaye 

awaaz sunke bole A I i ye baja nahi 
hum besahara bekaso beaashna nahi 
hai paas sab rafeeq ye ahle jafa nahi 
kufa hai kehdo beti se ye Karbala nahi 
haye AN qatl hogaye 

Hasnain leke baba ko pahunche khareebe dar 
sab hatgaye Anees* jo aaya A I i ka ghar 
betaab hoke betiyan nikli barehna sar 
lipti pidar se aah hui is tarha nohagar 
haye AN qatl hogaye 

aati hai gardoon se ye payham sada 
qatl hue sajde may shere Khuda 
qaanae haq may ye ghazab ho gaya 
qatl hue sajde may shere Khuda 

gham se hai zainab nidhaal, khol diye sar ke baal 
kehti hai ye pur malaal, dekho to baba kahan 
dete hai gibreel ye kaisi nida 
qatl hue sajde may shere Khuda 
aati hai gardoon se ye payham sada 

saath pade jalwagar, kehti hai sar peet kar 
phat-ta hai mera jigar, koi to laaye khabar 
ghar may Khuda ke ye sitam kya hua 
qatl hue sajde may shere Khuda 
aati hai gardoon se ye payham sada 

dekho to hasnain ja, baba ko ghar may to lao 
aisa laga sar pe ghao, mujko Khudara batao 
poocho to jarraah se hogi shifa 
qatl hue sajde may shere Khuda 
aati hai gardoon se ye payham sada 

nashtare gham dil pa khaye, daud kar hasnain aaye 
dekha ajab haal hai, khoon may hai baba nahaye 


firsh se ta arsh hai mehshar bapa 
qatl hue sajde may shere Khuda 
aati hai gardoon se ye payham sada 

haaye qayamat hui, taygh sitam ki chAli 
baara Ali-e-wAli, girya-e-roohe Nabi 
kaisi layeen ne ye ki joro-jafa 
qatl hue sajde may shere Khuda 
aati hai gardoon se ye payham sada 

ay mere zakhmi Imam, turn pa durood-o-salaam 
dhoop ke tabli may aap, dediya khaatil ko jaan 
hoga anees aisi koi peyshwa 
qatl hue sajde may shere Khuda 
aati hai gardoon se ye payham sada 

Jangal may bhare ghar ko luta aayi hai Zainab ay Shehr-e-Madina 
Abid ko kisi tarha bacha laayi hai Zainab ay Shehr-e-Madina 

Bandwa ke rasan haaton may aur khutbe sunaake ghar baar lutaake 
Dewaar bade kufr ke dha aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Jis shehr may Shehzaadiyo ki tarha rahi thi naazon se pali thi 
Sar nange usi shehr may ho aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Jo hijre padar may rahe har waqt pareshan soyi nahi ek aan 
Us bachi ko zindaan may sulaa aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Dhaaras thi bahot Bhai ko jis Bhai ke dam se dil phat-ta hai gham se 
Saahil pe akela usay choad aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Chhey maah ke Asghar ko bhi jhoole ke bajaaye dukh dard chipaaye 
Aaghosh may turbat ke sulaa aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Thay Aun-o-Mohammad jo meri aankhon ke taare mamu ke dulaare 
Qurbaan unhe Bhai par kar aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Tha Akbar-e-Nashaad jo is ghar ka ujaala wo Gaysuon wala 
Marqad may akela usay choad aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Naadim hai bahot laa saki Qasim ko na humra wa hasrat-o-darda 
Kubra ko magar saath liye aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Pani jo piye ehle watan pyaas na bhulay moo ashkon se dholay 
Kehne ko ye Bhai ka payaam aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Manzar wo bhula sakti nahi ta dame aakhir hai kehne se qaasir 
Jo Shaam ke darbaar may dekh aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Kis waqt Khuda jaane qadam nikle thay ghar se chaadar chini sar se 
Ab tak na masayab se nikal paayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Shabbir pe ab royega ta hashr zamana hai gham ka fasana 
Majlis ki bina Shaam may daal aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina 

Reh jayega Akhtar* ufaqe gham pe tera naam kya khoob hai inaam 
Nowha tera sun-ne ke liye aayi hai Zainab ay Shehr-e-Madina 
Jangal may bhare ghar ko luta aayi hai Zainab ay Shehr-e-Madina