MERA ABBAS BHAIYYA ABBAS, MERA ABBAS BHAIYYA ABBAS.
ABBAS BOHOT DUSHWARI HAI, ABBAS BOHOT DUSHWARI HAI
ZENAB NE KAHA ROKAR BHAYYA SAR KHULNE KI TAYYARI HAI,
ABBAS BAHOT DUSHWARI HAI *2
BADHTA HAI MERI JANIB LASHKAR AA JALDI AA DAR TAARI HAI
ABBAS BAHOTDUSHWARI HAI *2

1- AAKHIR ME KAROO’N KY BATLA DE..KOI RAH TO MUJHKO DIKHLA DE
AISA NA HO MUJHPAR DHAYE’N SITAM..ME KON HOON INKO SAMJHA DE
SUNTI HOO’N KE TERI DARYA PAR *2,  IS WAQT ALAMBARDARI HAI.
ABBAS BAHOTDUSHWARI HAI *2

2- KYUN LETA NAHI HAI MERI KHABAR..ME HO GAEIN HOO’N GHAR SE BE GHAR
DARTI HOO’N NA CHHIN JAYE CHADAR..HAI DEKH QAYAMAT KA MANZAR
KYUN KARTA NAHI IMDAAD MERI *2, KYA BAAT HAI JO BE ZAARI HAI
ABBAS BAHOT DUSHWARI HAI *2

3- KYA ISSE BADA BHI HOGA SITAM…AB NARGHA E AADA ME HAIN HAM
SAANSE’N HAIN GALE ME ATKI HUI LAGTA HAI NIKAL JAYEGA DAM
KARTI HAI SAKINA YAAD TUJHE *2, GHABRAEI HUI BECHARI HAI
ABBAS BAHOT DUSHWARI HAI *2

4- KHEMO KO JALAYA JAATA HAI..BE JURM SATAYA JAATA HAI
AA DEKH MERE GHAZI QAIDI…AABID KO BANAYA JAATA HAI
PEHNATE HAIN ZALIM ZANJEERE’N *2,  AUR TAUQ GALE ME  BHAARI HAI
ABBAS BAHOT DUSHWARI HAI *2

5- AISE ME KARE KYA TERI BAHAN…BANDHTI HAI MERE SHANO ME RASAN
KIS TARHA RAKHOO’N DIL PAR QABU..KIS TARHA KAROO’N YE ZULM SAHAN
GHAIRAT SE MERA PHATTA HAI JIGAR *2, SAANSO’N ME BHI AAHO ZAARI HAI
ABBAS BAHOT DUSHWARI HAI *2

6- KISTARHA JIYE’N NAAZO’N KE PALE..HAIN AIK RASAN ME 12 GALE
HASTE HAIN MERI GHURBAT PE LAEE’N..DIN YE BHI MERI TAQDEER ME THE
ZINDA MUJHE BHAYYA RAKKHE HUYE *2, IS WAQT MERI KHUDDARI HAI
ABBAS BAHOT DUSHWARI HAI *2

7- KODO’N PE ME KODE KHAATI HOO’N…AUR KUCHH BHI NAHI KEH PAATI HOO’N
JAB DEKHTI HOO’N NEZO’N PE SAR…DIL THAM KE BAS REH JAATI HOO’N
HOTE HAI MUSALSAL ZULM O SITAM *2, GHURBAT KA SAFAR BHI JAARI HAI
ABBAS BAHOT DUSHWARI HAI *2

8- EY TISHNA JIGAR EY TISHNA DAHAA’N..EY SHERE GHAZNFAR RAAHAT E JAA’N
ITNA TO BATA DE ZENAB KO MANZIL HAI KAHA’N JANA HAI KAHA’N
BITHHLATE HAIN ZALIM NAAQE PAR *2  KIS ZULM KI YE TAYYARI HAI
ABBAS BAHOT DUSHWARI HAI *2

9- ASIF JO SUKHAN ZENAB KE SUNE..ABBAS LABE DARYA TADPE
SHABBIR KA SAR ROYA AAMIR..AANKHO’N KO NA KHOLA GHAZI NE ..
KEHTI RAHI KHAHAR RO ROKAR *2  IMDAAD KO AA LAACHARI
HAI ABBAS BAHOT DUSHWARI HAI *2
MERA ABBAS BHAIYYA ABBAS, MERA ABBAS BHAIYYA ABBAS.

Marqad me mohammad ne padha hoga ye noha,, aaja meri beti aaja meri zehra
Milne ke liye tujhse hy be chain ye baba aaja meri beti aaja meri zehra

Ehsaas yatimi ka satata raha tujhko
Har koei mere baad rulata raha tujhko
Haider ke siwa kaun tarafdaar tha tera  aaja meri beti aaja meri zehra

Jitney  bhi huye tujhpe sitam dekhey he’n me ne
Ghar me tere ummat ke qadam dekhe he’n me ne
Maloom hy mujhko tujhe jis jis ne sataya  aaja meri beti aaja meri zehra

Darbaar e sitam me tera haq maangne jaana
Dekha na gaya mujhse tera laut ke aana
Ek me hi nahi tadpi hy tad air khatija  aaj a meri beti aaja meri zehra

Mohsin ki shahadat ka mere dil pe hy sadma
Har pal wo raha yaad mujhe me nahi bhoola
Aa baitth mere paas tujhe dena hy pursa  aajaa meri beti aaja meri zehra

Jab jab bhi tu roti thi meri qabr pe aakar
Mujhse kabhi  dekha nahi jaata tha wo manzar
Phatta tha tere nalo’n se reh reh ke kaleja  aaja meri beti aaja meri zehra

Ummat ne tere pehlu pe darwaza girayaa
Afsos taras tujhpe kisi ne nahi khaya
Ja iz hy kare mujhse jo har zulm ka shikwa  aaja meri beti aaja meri meri zehra

Haider ke galey me thi rasan dekha hy me ne
Kis tarha kiya tuney sahan itna  bata de
Qadmo’n pe kai baar giri hy tere fizza  aaja meri beti aaja meri zehra

Marqad me bhi aaraam kaha’n paana hy tujhko
E lal abhi karbobala jaana hy tujhko
Shabbir ko wayda hy abhi apna nibhana  aaja meri beti  aaja meri zehra

Kya haal baya’n tumse karoo’n gham ke safar ka
Sar neze pe dekhogi abhi apne pisar ka
Doobeyga mere khoon me tapta huaa sehra  aaja meri beti aaja meri zehra

Din kaisa dikhaya hy ye taqdeer ne aasif
Sar peet liya zenab e dilgeer ne asif
Aamir jo uttha Fatima zehra ka janaza  aaja meri beti aaja meri zehra

KEHTA THA TADAPKE NATAWA’N, EY PHUPI SAKINA MAR GAEI
KEHTE KEHTE BABA BABA JAA’N, EY PHUPI SAKINA MAR GAEI

1-KAISE ME YE GHAM KAROO’N SEHAN, BOLTI NAHI MERI BEHAN
HO GAEI KHAMOSH NEEMJAA’N EY PHUPI SAKINA MAR GAEI….

2-KARBALA SE JISKI BE KHATA, EY PHUPI HUI THI IBTEDA
KHATM HO GAEI WO DASTAA’N, EY PHUPI………………………………

3-ZINDAGI TAMAM HO GAEI, SHAM ME HI SHAM HO GAEI
BAND HO GAEI’N HAIN SISKIYA’N, EY PHUPI…………………………..

4-BABA JAA’N KE SAR PE RAKH KE SAR,KEH RAHI THI ROKE NOHAGAR, KAB
TALAK SAHOO’N ME SAKHTIYA’N, EY PHUPI………………………….

5-KEH RAHI THI ROKE NOHAGAR, LE GAYA HAI SHIMR CHINKAR, APNE JO
DEE’N THEE’N BALIYA’N. EY PHUPI………………………………………

6-GHAMZADA BEHAN KI TA HAYAT,YAD AAYEGI HAR AIK BAAT
KAR NA PAONGA JINHE BAYA’N, EY PHUPI………………………………..

7-BAAD E QATL E SHAHE KARBALA,ZINDAGI SE THA JISE GILA
SO GAEI WO AAJ NOHE KHUWA’N, EYPHUPI……………………………………..7

8-HATHKADI HAI MERE HATH ME,KOI BHI NAHI HAI SATH ME
DAFN KAISE ME KAROO’N YAHA’N,EY PHUPI…………………………………………8

9-ASIF E HAZEE’N BA SHORO SHAIN,AAMIR E HAZEE’N YE SUNKE BAIN, GIR
GAEI TADAP KE EK MAA’N EY PHUPI  SAKINA MAR GAI…………

Be makna o chadar sar e bazaar hai zenab
Abbas khule sar sare bazaar hai zenab

1-Ek baar bas ek baar mujhe dekh le bhayya
Ey mere madadgaar mujhe dekh le bhayya
Mar jayegi khahar sare bazaar hai zenab….1

2-Me teri behan hoo’n ye zamane ko khabar hai
har dekhne wale ki mere sar pe nazar hai
purdard hai manzar sare bazaar hai zenab……2

3-bin bhai ke ek behan ka kya jeene me jeena
abbas sehan kaise karoo’n phat ta hai seena
mar janaa hai behtar  sare bazaar hai zenab……..3

4-de hukm ke phat jaye zamee’n mujhko sama le
be dard zamane ki jafao’n se bacha le
ey waqt ke haider sare bazaar hai zenab……….4

5-dauraan e safar sar pe tera hath hai bhayya
itna hi bahot hai tu mere sath hai bhayya
ek tere hi dam par sare bazaar hai zenab………..5

6-kal tere bharose pe chali thi mai watan se
kya baat hai kuchh bol to ey bhai behan se
ey azm ke paikar sare bazaar hai zenab………6

7-rehwaar ki garden me hai is waqt tera sar
abbas magar phir bhi larazte hai sitamgar
is dar ki bina par sare bazaar hai zenab……….7

8-is waste deti hoo’n musalsal me sadaye’n
hoti hain yaha’n mujhpe jafao’n pe jafaye’n
ey mere ghazanfar sare bazaar hai zenab……..8

9-asif  ho raqam kaise ghame zenab e muztar
aamir ho baya’n kaise ke zenab ke tha lab par
ye mera muqaddar sare bazaar hai  zenab……9

SHEH KEHTE THE KIS MOO SE ME AB KHEME  ME JAO’N
ASGHAR ME TUJHE KAISE TERI MAA’N SE MILAO’N.

1-HALAAT MERE SATH NAHI KARBOBALA KE
KAB TAK ME RAKHOO’N TUJHKO YUN SEENE SE LAGA KE
GAR TUJHKO CHUPAO’N BHI ME DAMANA ME ABA KE
DEKHEGI TERI MA’N TUJHE NAZDEEQ SE AA KE
KIS SHEH SE BATA DE KE TERA ZAKHM CHHUPAO’N
ASGHAR ME TUJHE KAISE TERI MAA’N SE MILAO’N………1

2-ME DEKH RAHA HOO’N KE QAYAMAT KE HAI AASAAR
HASTE HAIN MERE RONE PE BEYAT KE TALABGAAR
IS UMR KE BACHCHO’N SE TO KARTE HAIN SABHI PYAAR
GO APNA KOI KHAS HO YA PHIR KOI AGHYAAR
BETA TERI KHAMOSHI PE QURBAAN ME JAO’N
ASGHAR ME TUJHE KAISE TERI MAA’N SE MILAO’N……2

3-EY NOOR KE PAIKAR MERI AANKHO’N KE UJALE
QURBAAN ME TUJHPE EY MERE HASLIYO’N WALE
BAS ITNA BATA DE EY MERE NAZO’N KE PAALE
KIS TARHA KAROO’N TUJHKO ME MITTI KE HAWALE
KIN HATHO’N SE ASGHAR ME TERI QABR BANAO’N.
ASGHAR ME TUJHE KAISE TERI MAA’N SE MILAO’N…….3

4-KIS MOD PE LE AAEI HAI QISMAT MUJHE BETA
JATI HAI NAZAR TUJHPE TO PHATTA HAI KALEJA
AFSOS TUJHE GHUSL O KAFAN DE NAHI SAKTA
IS BAAT KA DAADI SE NA KARNA KOI SHIKWA
KYA MUJHPE GUZRTI HAI TUJHE KAISE BATAO’N
ASGHAR …………………………………………………4

5-AUR ISSE BADI KYA HAI MERE SABR KI TAFSEER
KHUD PE MUJHE RONE NAHI DETI MERI TAQDEER
QURBAAN ME TUJHPE EY MERE ASGHAR E BE SHEER
HAI WADA E TIFLI KI MERE PAO’N ME ZAJEER
KHEMO KI TARAF KAISE QADAM APNE BADHAO’N
ASGHAR………………………………………………….5

6-HOTI HAI HAR EK BAP KE DIL ME YE TAMANNA
HO JAYE JAWA’N DEKHTE HI DEKHTE BETA
JAB JAB BHI NAZAR AAYE KABHI CHAND SA CHEHRA
CHEHRE PE NAZAR AAYE TAMANNAO’N KA SEHRA
MANNAT ME TERI KOI BHALA KAISE BADHAO’N
ASGHAR…………………………………………………..6

7-KIN AANKHO’N SE DEKHOO’N ME TABAHI KA YE MANZAR
EK DIN ME MERA HO GAYA TAARAAJ BHARA GHAR
JHULSE NA BADAN TERA SATATA HAI MUJHE DAR
KIS TARHA LITAO’N ME TUJHE GARM ZAMEE’N PAR
SEENE SE LAGAO’N BHI TO KAB TAK ME LAGAO’N
ASGHAR………………………………………………………………7

8-JIS WAQT SE CHEHRE PE LAHU TERA MALA HAI
YE KAISE BATAO’N TUJHE KYA HAAL MERA HAI
GHAM TERA MERE LAL HAR EK GHAM SE BADA HAI
IS DIN KA HARE K GHAM MERI QISMAT ME LIKHA HAI
HAI KON MADAD KE LIYE ME KISKO BULAO’N
ASGHAR……………………………………………………………….8

9-ASIF SHAHE MAZLOOM KA REH REHKE TADAPNA
TADPATA HAI EK BAAP KA BÊTE SE LIPATNA
AAMIR HAME DIN RAAT RULAYEGA YE JUMLA
ASGHAR YE BATA DE MUJHE ME KYA KAROO’N BETA
ME PEECHHE HATOO’N YA KE QADAM AAGE BADHAO’N….9