Faqon pe basar karta raha mein nahin roya

Kanton pe safar karta raha mein nahin roya

Is gham ne mujhe ankhon se haye khun rulaya

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

Pathrayi huwi ankhon ne mujhko ye khabar di

Ehsaas huwa jab ke qaza kargayi bachhi

Hasrat se bandhe hathon ko mein dekh raha tha

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

Taqdeer ne ay baba sitam kaisa kiya he

Maut aane se pehle hi mujhe maar diya he

Zindaan mein aakar mujhe batlaao khudara

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

Hei(n) beriya(n) pero(n) mei(n) magar dil he giraftar

ye kaisi ghari ayi imamat huwi lachaar

Ejaze imamat na dikhau(n) to karu(n) kya

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

Na taaqti aisi he ke chalne nahi(n) deti

Zainab ne kaha uspe ye zanjeer he bhari

Sajjad sambhalu(n) mei(n) tujhe ya mere beta

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

Chipka tha badan se jo wohi kurta kafan he

Ye soch ke khun rota ye mehroome watan he

Kis tarah sakina ko yahaa(n) dafn karunga

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

Is bachhi ne ghurbat mei(n) bohot saath diya tha

Peene ko mila pani to zanjeero(n) pe dala

Afsos ke mei(n) uski madad kar nahi(n) paya

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

Zanjeer bhi he nawha kuna mein bhi haram bhi

Zindan mein he masroofe fugha mein bhi haram bhi

Is manzare ghamnaak pe sab karte hei(n) girya

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

‘Irfan-e-aza’ tera har ek lafz he ‘mazhar’

Phir bhi tu raqam kar nahin paya he who manzar

Ye baat he sajjad ke nawhe ka khulasa

Zanjeer sambhalun ke sakina ka janaza – Hai bekasi sajjad ki

Zanjeer sambhalun ke sakina ka janaza

(Hai bekasi sajjad ki)x3

(Ankhon mein asu, Haathon mein kuze) x2

Pyason ke lab par he ye buka

(Alamdaar) x6

Jeene nahin payegi bali Sakina

Pyaas se marjaayegi bali Sakina

Nehr se aao Haye Alamdaar

Aas bandhawo Haye Alamdaar

Kehne lagi Zainabe Lachaar

(Alamdaar) x6

Pyason ki saqai ab kon karega

Mein jo karungi buka kon sunega

Dasht mein tanha Haye Alamdar

Bhai he mera Haye Alamdaar

Kaise jiye Sayade abraar

(Alamdaar) x6

Thaame kamar haath se shahe huda he

Dashte bayabaan mein mehwe buka he

Mein hu(n) akela Haye Alamdaar

Chahe dilasa Haye Alamdaar

Ghere he ye lashkare kuffar

(Alamdaar) x6

Bali Sakina yahi kehti he rokar

Koi chachajaan se kehde ye jaakar

Mein huwi be ass Haye Alamdar

Koi nahin paas Haye Alamdaar

Ab nahin pani ki talabgaar

(Alamdaar) x6

Bain he kulsum ke jeeke karun kya

Tera alam dekh ke karti hu(n) nawha

De gaya tu gham Haye Alamdaar

Karti hu(n) matam Haye Alamdaar

Ay mere parde ke nigehdaar

(Alamdaar) x6

Chalne lagi jis ghari bhayi pe shamsheer

Ro ke ye kehne lagi Zainabe dilgeer

Bhai ko mere Haye Alamdaar

Aake bachaale Haye Alamdaar

Kon bane sheh ka madadgaar

(Alamdaar) x6

Dhal gaya din dasht mein sham jab aayi

Aale payambar ki thi ban mein duhai

Ban ke maseeha Haye Alamdaar

Lot ke aaja Haye Alamdaar

Ghar na jalaade ye sitamgaar

(Alamdaar) x6

Parti he nade ali ale payambar

Kehti he rokar yahi aale payambar

Kisse kahein hum Haye Alamdaar

Apne sabhi gham Haye Alamdaar

Hum huwe lachaar-o-dilafgaar

(Alamdaar) x6

‘Mazharo irfan’ wo kaisa tha manzar

Lut gaye ehle haram chin gayi chadar

Boli ye fizza Haye Alamdaar

Kyun nahin aaya Haye Alamdaar

Ban gayi khud Zainab-e-lachaar

(Alamdaar) x6

Suna ban he sitamgar hai ye shab
(Pehra deti he khaimon ka Zainab) x2
Phir bhi hoton pe ye marsiya he

(Mera ghazi na jaane kahaan he) x2
Ye sada barsare karbala he

Sabr kaise kare ab Sakina
(Pyaas karti he dushwaar jeena) x2
Khushk hoton pe bas ye buka he

(Mera ghazi na jaane kahaan he) x2
Ye sada barsare karbala he

Janibe khaima aata he lashkar
(Ye na ho shimr le jaaye chaadar) x2
Bibi Kulsum ki ye sada he

(Mera ghazi na jaane kahaan he) x2
Ye sada barsare karbala he

Kya kahe kis tarah de dilase
(Mar na jaayein tarap kar ye pyaase) x2
Nawha khwaan binte khairun nisa he

(Mera ghazi na jaane kahaan he) x2
Ye sada barsare karbala he

Bibi fizza ye karti he ye naale
(Koi mushkil kusha ko bulale) x2
Zulm ki zad pe ale aba he

(Mera ghazi na jaane kahaan he) x2
Ye sada barsare karbala he

Shor utha who aaye sitamgar
(Chhin gayin chadarein aur jala ghar) x2
Ek ik bibi mehwe buka he

(Mera ghazi na jaane kahaan he) x2
Ye sada barsare karbala he

Bain karti he zainab ye rokar
(Ek neze pe he bhai ka sar) x2
Ek neze pe meri rida he

(Mera ghazi na jaane kahaan he) x2
Ye sada barsare karbala he

Lut gaye jab haram aaye haider
(Baap se boli Zainab ye ro kar) x2
Dekho ujri huwi karbala he

(Mera ghazi na jaane kahaan he) x2
Ye sada barsare karbala he

Aise ‘irfan-o-mazhar’ buka ho
(Nawha khwani ka haq to ada ho) x2
Jab ke misra ye khud marsiya he

(Mera ghazi na jaane kahaan he) x2
Ye sada barsare karbala he

Koi sunta nahin faryad meri

(He zakhm bara is dil pe yahi) x2

Dada se kahungi ghum apne

Jis roz yahan se jaaoungi

Kab tak mein rahungi nawhagar

Kehti hun jabhi to mein aksar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Dada ki lahad par jaaoungi

(Ye neel unhe dikhlaungi) x2

Ye zakhmi kaan jala kurta

Sughra ko dikhane jaaoungi

yaad aye kabhi mujhko khwahar

Yaad ayein kabhi dada haidar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Jo bibi payambar zaadi he

(Wo bhi to yahaan faryaadi he) x2

Yasrab ke tasawwur ne amma

Ek rahe sukoon dikhlaati he

Ho khatm aziyyat ka ye safar

Bhar jaayenge sare zakhme jigar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Ab aur ghamo(n) ki taap nahin

(Ro ro ke ye ankhein khushk huwi) x2

Kya tum ko gawara he amma

Ban jaye mera marqad bhi yahi

Kuchh khauf nahin marne ka magar

Ehsaan karo itna mujhpar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Har raat huwi matam mein basar

(Har din hi guzara ro ro kar) x2

ye zakhme aseeri zakhme jigar

Zalim ke tamaache yaade pidar

Milti he sazae maut agar

Ye akhri khwahish he maadar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Azad parindon par aksar

(Ay amma meri jaati he nazar) x2

Us waqt khayal ata he mujhe

Kab qaid se chhut kar jaayenge ghar

He khof laino(n) ka dilpar

Faryaad karun kyu(n) na rokar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Ankhon ko rasai dene lage

(Sab zakhm duhai dene lage) x2

Jab mot mere sar par aayi

Ye log rihai dene lage

Ye lamhe ghaneemat he maadar

Ye zakhm banenge rakhte safar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Dada ko wahaan pursa denge

(Phir fateha khani karlenge) x2

Jab dil ko sukoon miljayega

Ham log watan ko jaayenge

Sab royenge qabre zehra par

Jo meine kaha socho manzar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

‘Irfan’ aur mazhar apna watan

(He bibi sakina ka madfan) x2

Nisbat he najaf ki matti se

Payenge usi dharti ka kafan

Jab waqte qaza hoga humpar

Kehdenge farishto(n) se rokar

(Ya najaf chalo ya watan chalo) x2

Kehti thi sakina ro ro kar

Ay amma yahan se riha ho kar

Ya najaf chalo ya watan chalo

Athara bhaiyon ki behan aur berida
Dekho khare hein kitne tamashaai ja baja
Dil roke puchhta he, Behan kya kare bata

(Bazaar agaya he, Behan kya kare bata) x2

Khutbon ki tegh saath he aur sabr dhaal he
Zakhmon se chur chur badan dil nidhal he
Ye meri karbala he, Behan kya kare bata

(Bazaar agaya he, Behan kya kare bata) x2

Naaqon pe ehle bayt bhi gham ke safeer hein
Pathhar he taziyane hein neze hein teer hein
Zakhmon ki ye dawa he, Behan kya kare bata

(Bazaar agaya he, Behan kya kare bata) x2

Na paak in zabaanon pe ab naam he mera
He qafele ka karwan ghairat ka ik khuda
Ye gham bohot bara he, Behan kya kare bata

(Bazaar agaya he, Behan kya kare bata) x2

Aankho(n) se kyu na ho meri seylaab-e-gham rawaa(n)

Qaydi rasool-e-zaadiyaa(n), Sajjad saarebaa(n)

Sadmo(n) ki inteha hai, behan kya kare bata

(Bazaar agaya he, Behan kya kare bata) x2

Jana he sar khule mujhe darbaar kuchh bata
Ey karwane dard ke salar kuchh bata
Tu zabt ka khuda he, Behan kya kare bata

(Bazaar agaya he, Behan kya kare bata) x2

Nake se girgayi he sakina mere hussain
Kya jaane ab kahan he hazina mere hussain
Anjaan rasta he, Behan kya kare bata

(Bazaar agaya he, Behan kya kare bata) x2

Darbaar aaraha he behan kya kare bata
Kulsum ham nawa he behan kya kare bata
Har zakhm puchhta he, Behan kya kare bata

(Bazaar agaya he, Behan kya kare bata) x2

‘Irfan’ dard he tujhe aur gham se agahi
Likhti kitabe ranjo alam ‘mazhar abdi’
Aur naam ye rakha he, Behan kya kare bata

(Bazaar agaya he, Behan kya kare bata) x3