Haaye,
Rukhsat se kuch dayr pehle, akbar ko yaad aayi sughra
kehne lage roke akbar, sajjad ke paas jaakar
sunlo wasiyat baradar..(2)
bhaiyya sajjad..(3)
sughra se jaake kehna..(2)

1. Mai aane waala tha sughra..(2)
ke nainawaa me nikal aaya aaftab e daham
qareeb aake rafeeqo se bole shahe umam
yahi mazaar banenge..(2)
yahi pe soyenge hum
ghareeb e zehra ko ghere huwe hai ehle sitam
sughra se jaake kehna
mai is liye na aaya..
bhaiyya sajjad..(2)
sughra se jaake kehna..(2)

2. Mai aane waala tha sughra..(2)
ke dediya mere baba ne mujhko hukm e azaa’n
udhar musalle pe mehwe dua phuphi aur maa
kamar hussain ki sadmo..(2)
se ho chuki thi kamaa
zara si der me laasho’n se saj gaya maidaa’n
sughra se jaake kehna..

3. Mai aane waala tha sughra..(2)
ke yak ba yak meri aankho’n ne dekha ye manzar
chale furaat ki janib phuphi ke lakhte jigar
chacha ke paas khadi hai..(2)
sakina tashna jigar
kamar me patka sajaye hai qasime muztarr
sughra se jaake kehna…

4. Mai aane waala tha sughra..(2)
ke maine dekha shahe karbala hai mehwe buka
sabab jo rone ka pucha to bole wa waila
hussain zulm ke jungle..(2)
mein reh gaya tanha
mai lut gaya mera ghaazi diler maara gaya
sughra se jaake kehna…

5. Mai aane waala tha sughra..(2)
ke mujhse baba ne aakar kaha ae noore nazar
akhi ki laash uthani hai tum chalo lekar
chacha ke baad hi chalna..(2)
hussain par khanjar
mai aise waqt mein aata watan agar khwahar
sughra se jaake kehna…

6. Mai aane waala tha sughra..(2)
ke baade qatl e alamdaar e karbala dekha
ghira hai zulm ke narghe me ibne shere khuda
tuhi bata ke nibhaata..(2)
mai kis tarha waada
udhar behen ki mohabbat idhar tha farz mera
sughra se jaake kehna…

7. Mai aane waala tha sughra..(2)
ke mujhse dard ke irfaan ne kaha akbar
jafa ke dasht me tu hai rasool ka mazhar
tere baghair adhoora..(2)
hai naama e mehzar
hussain tera bhi laasha uthaenge rokar
sughra se jaake kehna

mai is liye na aaya
bhaiyya sajjad..(2)
sughra se jaake kehna..(2)
Mai aane waala tha sughra……

Haan…
Haaye sughra..(4)
Palte zindaa’n se jis waqt ehle haram
aur nazdeek e yasrab huwe mehwe ghum
haye sughra,
sughra ne khabar jab paayi
wo ghar se nikal aayi
Deti huwi sadaa…
aao ehle madina aao, phool barsao nazrein bichhao
saare yasrab ki galiyaa’n sajao..(2)
ab charagha yahaa’n..(2) bemisaal karo
mere baba ka istaqbaal karo..(2)
qafla aagaya..(3)
Mere baba ka…
qafla aagaya

1. Guzrenge jahan se baba mere, mehkao wo galiya’n saari
tum unpe nichawar jaan karo,
hojau mai sadqe waari..(2)
is ghar ki bahaare lekar, wo dekho mere darr par
qafla aagaya..(3)
mere baba ka..
qafla aagaya

2. Lo aaj phire din sughra ke, kehte hai sabhi do raahe
kal zinda laash ke jaisi thi
ab jeene ko dil chaahe..(2)
lo badla naseeb is ghar ka, ham shakle payambar ka
qafla aagaya..(3)
mere akbar ka
qafla aagaya

3. Ek saal huwa veeran huwe, aaghosh meri aur pehlu
ab laut ke aate hai asghar
aur dil pe nahi hai qaabu..(2)
aai hai meri maadar bhi, hai godi mein asghar bhi
qafla aagaya..(3)
mere asghar ka
qafla aagaya

4. Ab chayn se soyega yasrab, na khauf hai na veerani
laut aaye safar se ghar apne
wo shere khuda ka saani..(2)
mash’hoor hai jo taaqat mein, lo unki qayadat mein
qafla aagaya..(3)
mere ghaazi ka
qafla aagaya

5. Nagaah sada sughra suni, kehti hai ali ki beti
 bekaar hai tera khush hona
ujdi hai ye sayyed zaadi..(2)
haye karbobala mein lutkar, zindaa’n se reha hokar
qafla aagaya..(3)
tere baba ka..
qafla aagaya

6. Mat soch ke aaye hai baba, mat soch ke aaye akbar
darya pe chacha sota hai tera
jungle mein hai tera asghar..(2)
roti hai lahu ye aankhein, ek qaidi ke saaye mein
qafla aagaya..(3)
tere baba ka…
qafla aagaya

7. Ghum aur khushi ke pehlu hai, kya dard bhara hai manzar
rota hai lahu irfan e azaa
alfaaz bhi tere mazhar..(2)
zainab ne kaha ghabrake, masooma ko dafna ke
qafla aagaya..(5)

Shah qasim jaanam..(8) Ya qasim jaan
Dulha qasim, qasim..(2) shaah qasim..(2)
shahzada e qasim jaanam, ae nawjawanam
khush aamdeed wa maidan e karbala qasim
shah qasim janam

1. Kamar me patka sajakar wo maahtaab chala, shah qasim
sawale bay’ate fasiq ka ek jawaab chala, shah qasim
hasan ka laal misaale abu turaab chala
to karbala bhi, adab se boli
khush aamdeed…

2. Khayam e shaah se wo shane kirdigaar chala, shah qasim
husaini fauj ka mu bolta wiqaar chala
ajal bikherta maqtal me raahwaar chala
fida tumhare, nabi hai saare
khush aamdeed..

3. Rajaz labo’n pe sajai ba rasme islami, shah qasim
Abu turaab ka beta hu kaisi nakaami
kahan chupa hai wo badkaar arzaq e shaami
jo dekhe tewar, to bole haider
khush aamdeed..

4. Jo khainchi ghaiz me aakar husaam qasim ne, shah qasim
udoo se pucha bataa aur naam qasim ne
kiya laeeno ka jeena haram qasim ne
wafa pukari, qaza pukari
khush aamdeed…

5. Wigha ko arzaq e shaami ke do pisar aaye, shah qasim
zara si der mein ghode se khaak par aaye
zamee’n pe laashe hawao’n me sar nazar aaye
paro’n ko tole, farishte bole
khush aamdeed…

6. Jo aaya arzaq e shaami sambhale qalbo jigar, shah qasim
hasan ka laal badha qehre kibriya bankar
badan ko bhi na khabar thi ke kab hua besar
faza me naara, hasan ka goonja
Khush aamdeed..

7. Ghira laeeno’n me nagaah gul badan qasim, shah qasim
sumo se ghodo’n ke uljha wo khasta tan qasim
bikhar gaya kai tukdo me be watan qasim
zameen royi, ye roke boli
khush aamdeed…

8. Husain dasht me pohche the marsiya padhte, shah qasim
ebaa zamee’n pe bichakar utha liye tukde
ebaa ko dosh pe rakha ye bayn karte huwe
mai roya dilbar, ye baat keh kar
khush aamdeed…

9. Yahi pe mazhar o irfan khatm hai nauha, shah qasim
bikhar gaya sare maqtal wo qasim e naushaah
radeef bangaya qirtaas par yahi misra
shah qasim jaanam, ae nawjawanam
khush aamdeed wa maidan e karbala qasim

shahzada e qasim jaanam, ae nawjawanam
khush aamdeed wa maidan e karbala qasim
shah qasim janam..(6)

Haaye..Haaye…
haaye

Sajjad ka beta, shahzada baqer
jab aaya madine, sota hi nahi tha
bus rota tha..(2)
ek shab fizza ne aake kaha
shehzade, kyu sote nahi ho mere aaqa zade
maula baqer ne roke kaha
ammaa….
dekha hai in aankho ne dada ke kate sar ko
na bhulunga mai wo karbobala
padhunga sada yahi marsiya
han mai rounga
mai rounga amma fizza mai rounga, mai rounga..(2)

1. Dekha hai in ankho ne jab karbobala pohche
darya pe lage khaime, darya se hate khaime
na bhulunga mai, wo tifl o jawaa
the tashna dahaa, labe alqama
han mai rounga
amma fizza mai rounga, mai rounga..(2)

2. Dekha hai in ankho ne ashoor ka wo manzar
lashe hi bayaban se sheh laate rahe dinbhar
na bhulunga mai, wo ranjo alam
sare dasht e ghum, hue sar qalam
han mai rounga
amma fizza mai rounga, mai rounga..(2)

3. Dekha hai in ankho ne naizo pe shaheedo ko
aur shame gharibaa me jalte hue khaimo ko
na bhulunga mai, chini chadare
jali masnade, mere saamne
han mai rounga
amma fizza mai rounga, mai rounga..(2)

4. Dekha hai in ankho ne kaunain ki shehzadi
jis waqt bani qaidi ghaazi ko bulati thi
na bhulunga mai, haram ka safar
chale nange sar, rasan pehenkar
han mai rounga
amma fizza mai rounga, mai rounga..(2)

5. Dekha hai in ankho ne kaato pe safar karna
un shaam ki galiyo me ek qaidi ka khoo rona
na bhulunga mai, saje bamodar
har ek gaam par, wo naizo pe sar
han mai rounga
amma fizza mai rounga, mai rounga..(2)

6. Dekha hai in ankho ne us waqt aseeri me
shabbir ki dukhtar ko jab manga kaneezi me
na bhulunga mai, haram rodiye
sabhi karb se, tadapne lage
han mai rounga
amma fizza mai rounga, mai rounga..(2)

7. Dekha hai in ankho ne zindaan ka wo manzar
laasha tha sakina ka beemar ke hatho par
na bhulunga mai, phuphi ki qaza
kafan bangaya, wo kurta jala
han mai rounga
amma fizza mai rounga, mai rounga..(2)

8. Dekha hai in ankho ne zindaa se reha hoke
wo ujde hue qaidi jab karbobala pohche
na bhulunga mai, ke daadi meri
ye kehne lagi, behen aagayi
han mai rounga
amma fizza mai rounga, mai rounga..(2)

9. Dekha hai in ankho ne irfan e aza bankar
dekho mere chehre ko har ghum ka hai ye mazhar
na bhulunga mai, kabhi karbala
wo qaide jafa, dayare saza
han mai rounga
amma fizza mai rounga, mai rounga..(2)