sarallah..(12)
sarallah khooney khuda
ya husain ya husain

ae dile mustafa
ya husain ya husain

tareef e ambiya
ya husain ya husain

1. ae jaane dile madar husaina..(2)
ae bekaso beyawar husaina..(2)
tashnaye alqama
ya husain ya husain

2. ye zulm o sitam ye zoro jafa..(2)
ye behta lahu bejurmo khata
har zamee karbala
ya husain ya husain

3. kya humko daraega ye jahan..(2)
ye teero jawa ye arzo sama..(2)
sab hai tujhpar fida
ya husain ya husain

4. Ye farshe aza ye aaho buka..(2)
matam ki sada zahra ki dua..(2)
zikr hai ek bapa
ya husain ya husain

5. wo bali sakina aur wo pyaas..(2)
wo bazu qalam wo hasrat o yaas..(2)
hauz ye tha bapa
ya husain ya husain

6. akbar neem jaan ye jalti zameen..(2)
dil thaam ke baithe hai shahedeen..(2)
khaimo me hai buka
ya husain ya husain

7. wo tauq e gera wo zainul eba..(2)
wo aale nabi wo qaid e bala..(2)
zainab e berida
ya husain ya husain

8. ye nauha zafar maula ki ataa..(2)
safdar ke dilo jaa ki hai sadaa..(2)
khoon e dil se likha
ya husain ya husain

sarallah khooney khuda
ya husain ya husain
ae dile mustafa
ya husain ya husain

zinda hai zinda hai fir shauk e shahadat zinda hai
zinda hai zinda hai zinda hai zinda hai
zinda hai zinda hai fir shauk e ibadat zinda hai
shahadat shahadat, sa’adat sa’adat
zinda hai zinda hai zinda hai zinda hai
(shabbir ki khatir jeena hai
shabbir ki khatir marna hai)..(2)

hum qatl hue har hamle par
seeno me hararat sehna hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

1. Shabbir ke khatir marne par kyu duniya maare deti hai
eemaan ke seene me khanjar zulmat ke utaare deti hai
har gaam musibat dhati hai, har gaam hasare karti hai
is gham ki feza me charo taraf nafrat bhi ubhare deti hai
kya nasle umayya ke dil me abhi wo shakawat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

2. Hum farshe aza par baithe hai ye farsh hamari dharti hai
shabbir ke matamdaro par duniya ye sitam kyu karti hai
ye qaum to hai islam ka par qur’an hadaf ye padti hai
ye fikr e husaini jurm hai kya jo isse ye duniya darti hai
hum aal e nabi ke shedayi humme ye riwayat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

3. Ye qaum jo matam karti hai ye matam hai dildaro ka
ye qaum jo rona karti hai ye rona hai ghumkhwaro ka
kamzor na samjhe koi ise, ye lashkar hai jarraro ka
jo karbobala se rishta hai wo rishta hai talwaro ka
is aag ugalte maqtal me ye qaum ye millat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

4. Jin logo ke ghar ujde hai wo un khaimo ko yaad kare
zakhmi jo hue hai maqtal me wo un zakhmo ko yaad kare
maqtool hue jinke bacche wo un baccho ko yaad kare
jin mao ke bete na rahe wo un beto ko yaad kare
us gham ke tasawwur se logo mazloom ki hurmat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

5. Har saal aza ye hoti hai har saal moharram aata hai
akbar ki azaan ka lehja bhi fir rasme dua ban jata hai
abbas ka ye rangeen alam har gaam yuhi lehrata hai
marte hai kaha ye ehle wafa fir waqt unhe dohrata hai
akbar ki jawani qayam hai abbas ki seerat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

6. Jis ka ye juloos e matam hai kya uska hasham ruk jaega
shabbir ke matamdaro ka badhta ye qadam ruk jaega
jiski ye sabile baqi hai wo behre karam ruk jaega
kya dehshat ke is maqtal me haadi ka alam ruk jaega
jo noke sina par roshan hai wo tarz e qayadat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

7. Hum apni musibat me maula kab aapke ghum ko bhool gae
sab ranjo sitam hai yaad hame apne pe sitam ko bhool gae
talwar bhi hai zadd par lekin kab ehle haram ko bhool gae
hai mashke sakina yaad hame kab deedae nam ko bhool gae
is maut ke larza khezi me shabbir ki nusrat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

8. Maula ke hilaal humlogo par ye waqt bohot hi bhari hai
jo maare gae un logo par ek sog hai aaho zaari hai
is sog me lekin karbobala ehsaas me apne taari hai
shabbir ka nauha baqi hai shabbir ka matam jaari hai
safdar ki zaba par hai nauha ab taba qayamat zinda hai
fir shauk e shahadat zinda hai
(shabbir ki khatir jeena hai
shabbir ki khatir marna hai)..(2)

zinda hai zinda hai zinda hai

haay haay haay..(2)
so rahi hai yaha par sakina
ay parindo yaha se na guzro

ek satai hui bachi ko sataya na karo
ae parindo dare zindaan se guzra na karo

1. Jab se choota hai yatima se padar ka seena
raat ko uthke kaha karti hai baba baba
ab to dekha nahi jata hai tadapna iska
kistarha mai ye kahu isse ke roya na karo

2. Tum to azaad fazao ke musafir thehre
shaam hote hi pohoch jaoge tum ghar apne
dard kya samjoge tum log jila watno ke
zakhm jo sukh gae hai unhe taaza na karo

3. Asr e aashoor se rehti hai ye sehmi sehmi
aaj tak bujh na saki tashna dahani iski
kal thi shehzadi magar aaj hai ek faryadi
ghumzada pehle se hai ghum me izafa na karo

4. Badi mushkil se sulaya hai tasalli dekar
jane kab hoga mayassar ise yasrab ka safar
hoga ehsaan tumhara ye dile muztar par
isko ehsaas aseeri ka dilaya na karo

5. Qaid khane me thi shamshaad ye zainab ki fugha
baap ki yaad me bechain sakina hai yahan
iski ankho me hai pehle se hi ashre ka sama
aur gardish me yatima ka sitara na karo

(so rahi hai yaha par sakina
ay parindo yaha se na guzro)..(2)

ya habibi ya husain, noorul aini ya husain
[ya habibi, ya habibi ya husain
noorul aini, noorul aini ya husain]..(2)

Noorul aini ya husain..(2)
ya habibi ya husain, noorul aini ya husain..(2)

1. Kab ho ziyarat aapki maula dekhi lakeere hatho me
din me tadapta rehta hu mai sota nahi hu raato me
maula aapki baate ki hai maula apni baato me
saans hai kehti maula haider dil hai kehta..
Ya husain Ya husain Ya husain
ya habibi ya husain, noorul aini ya husain..(2)

2. Kok jali maa kehti hai ye ehle azaa se hai mujhko aas
mera laal hai abhi tanha bujhti nahi hai iski pyaas
jo bhi ziyarat karlo jaana mere pyaase husain ke paas
raahe najaf aur raahe khorasan raahe madina..
Ya husain Ya husain Ya husain
ya habibi ya husain, noorul aini ya husain..(2)

3. Aao chale pursa dene ko dilwale ye kehte hai
qarb e husain jo zehn me aae khoon ke aasu behte hai
dil me ziyarat lab pe ziyarat aankh me maula rehte hai
ashura ho karbobala me aaya hai jazba..
Ya husain Ya husain Ya husain
ya habibi ya husain, noorul aini ya husain..(2)

4. Jinno malak aur hoor o qudsi saare wali aur khud haider
roza e sheh par aajate hai saare imam aur paighambar
roz imam e asr hai aate pursa leti hai maadar
roza e sheh par majlis dekho, matam o girya..
Ya husain Ya husain Ya husain
ya habibi ya husain, noorul aini ya husain..(2)

5. Maa pehle se zamee par baithi ghode se girta hai husain
garm zamee par ediya ragdi tadpa maa ke dil ka chayn
khushk gala khanjar se hai kat ta aur hai uth ta shoro shain
akhri saans hai, akhri lamha, akhri sajda..
Ya husain Ya husain Ya husain
ya habibi ya husain, noorul aini ya husain..(2)

6. Dil me ziyarat ki khwahish hai aane se mazoor hu mai
apne gunaho ki kasrat se aap se kitna door hu mai
aai sada jab maine kaha hai maula ab majboor hu mai
ghar baithe tum padhlo ziyarat, padhlo nauha..
Ya husain Ya husain Ya husain
ya habibi ya husain, noorul aini ya husain..(2)

7. Takfeeri zalim ki himayat karte nahi hai ehle azaa
lashkar kitne hi aajae darte nahi hai ehle azaa
zibha qamar karte hai yazidi darte nahi hai ehle azaa
gardan katgai fir bhi hai zinda, khoon hai kehta..
Ya husain Ya husain Ya husain
ya habibi ya husain, noorul aini ya husain..(2)

Zindagi bhar tadapta raha ishq me
apne maula ka deedar kar na saka
chal rahi hai meri saase sue lahad
ae farishto mujhe karbala le chalo
karbala le chalo

ae farishto mujhe karbala le chalo..(2)
le chalo le chalo
ae farishto mujhe karbala le chalo

mai dua hu lahad se utha le chalo
ae farishto mujhe karbala le chalo

1. Apne maula ke qadmo ko chumunga mai
farsh se arsh ko aaj chhu lunga mai
ye ibadat to hargiz na bhulunga mai, bhulunga mai
tumko allah ka wasta le chalo
ae farishto mujhe karbala le chalo, le chalo le chalo

2. Haq adaai hu mai tumko maloom hai
ek fidai hu mai tumko maloom hai
karbalai hu mai tumko maloom hai, maloom hai
meri mayyat yaha se utha le chalo
ae farishto mujhe karbala le chalo, le chalo le chalo

3. Ye lahad to nahi hai thikana mera
yani ab hai wahi aab o daana mera
ban gaya hai wahi ashiyana mera, ashiyana mera
ya najaf mujhko ya nainawa le chalo
ae farishto mujhe karbala le chalo, le chalo le chalo

4. Sar ke bal aaj chalta hua jaunga
hai irada yahi samarrah jaunga
mai khorasan najaf karbala jaunga, karbala jaunga
wo jaha hai mujhe us jagah le chalo
ae farishto mujhe karbala le chalo, le chalo le chalo

5. Allah allah ghazi ka robo hasham
sina e aab par usne gaadha alam
socha sahil pe ye behre ehle haram, ehle haram
dosh par rakh ke ye alqama le chalo
ae farishto mujhe karbala le chalo, le chalo le chalo

6. Ae abad meri jannat hai karbobala
meri matti me hai ishq e aale eba
kuch nahi chahiye mujhko uske siwa, uske siwa
suwe daaman e ehle kisa le chalo
ae farishto mujhe karbala le chalo, le chalo le chalo