Labbaik ya hussain..(3)
Salam karbobala Ya Hussain Ya Maula
Salam Haye shaheedaan e karbala e wafa
Har ek zarre se matam ki aa rahi hai sadaa..(2)
Ana Zawwar… Husain Ibne ali
Ana Zawwar e Hussain ibn e ali..(4)
Arbaab Hussain ibn e ali..(4)

1. Chala hu karbobala hai zaba’n pe bismillah
Hai dil me kalma e haq la ilaha illallah
safar qubool kare Ya Hussain Sarallah..(2)
Hum log azadar e hussain.. arewallah
Hum log wafadar e hussain.. arewallah
Hum log tarafdar e hussain.. arewallah
Ae aaqa mere, ae maula mere
naukar hai sadaa, zawwar tere
Ana Zawwar e Hussain ibn e ali..(6)

2. Arbaab man az-zikr e to majnoonam
sar shikastan ast ishq e to qanoonam
deewane tar az hameesha meekhoonam..(2)
har che ke begam az to kame.. arewallah
ishqat baraman mohtarame.. arewallah
zeebaee yahi az alame.. arewallah
inja waseye man harame..arewallah
zawwar e tu am, maqsood e mani
man naukaretam, aaqa e mani
Ana Zawwar e Hussain Sarallah
Ana Zawwar e Hussain ibn e ali..(4)

3. Salam iska ke humko bula liya maula
Salam iska ke zaer bana liya maula
Salam iska ke dil me basa liya maula..(2)
Hum ehle yaqee, ehle azaa.. arewallah
Hum fatema zehra ki dua.. arewallah
Hum saare safeeran e azaa.. arewallah
Ae aaqa mere, ae maula mere
naukar hai sadaa, zawwar tere
Ana Zawwar e Hussain Sarallah
Ana Zawwar e Hussain ibn e ali..(4)

4. Ae naame to behtareen sar aaghazam, aaghazam
dar hawa e ishqat bade parwazam, parwazam
naukary be in naukari meenazam..(2)
ba to saro samoon megiram.. arewallah
sakhtiya ra asoon megiram.. arewallah
ba seena zadan joon megiram.. arewallah
zikre haram majnoon megiram.. arewallah
zawwar e tu am, maqsood e mani
man naukaretam, aaqa e mani
Ana Zawwar e Hussain ibn e ali..(6)

5. Khuda ka shukr dayaar e hussain dekh liya
in aasuo’n ne mazaar e hussain dekh liya
naseeb mera weqaar e hussain dekh liya..(2)
kya shaan teri karbobala.. arewallah
hai khaak teri khaak e shifa.. arewallah
jageer e alamdaar e wafa.. arewallah
Ae aaqa mere, ae maula mere
naukar hai sadaa, zawwar tere
Ana Zawwar e Hussain ibn e ali..(4)
Arbaab Hussain ibn e ali..(6)

Roze pe mustafa ke udaasi si chayi hai
kunbe ko khoke zainab e nashaad aayi hai
arey, rokar pukari nana mai, faryaad laayi hu
mai chhod kar hussain ko jungle mein aayi hu

{Roze pe mustafa ke udaasi si chayi hai
kunbe ko khoke zainab e nashaad aayi hai}..(2)

1. Nana ajeeb sanaye humpar guzar gaye
ranjo alam ne gher liya hum jidhar gaye
nana khuda ke ghar me na humko amaa’n mili
bhai ne sheher chhod ke jungle ki raah li

2. Nana hamare ghar ka sab asbaab lut gaya
nana hamare sar pe na baaqi rahi rida
nana hazaar tarha jafa ki la’eeno ne
khaimo’n me haaye aag laga di la’eeno ne

3. Nana shaheed hogaye bhai ke jaa nesar
ek ek kar ke mar gaye ashaab zee weqaar
nana bala ke bann me qayamat ka rann pada
bhai se bhai, baap se beta bichad gaya

4. Nana zameen karbobala laal hogayi
qasim ki laash ghodo’n se pamaal hogayi
nana katake shaano ko abbas margaye
ghurbat me bhaijaan ko be aas kar gaye

5. Nana aseer bara the aur ek thi rasan
bandhe gaye the misle gunahgaar e khastatan
nana hum apne haal pe rote the baar baar
nana hamarae haal pe haste the badd sheyaar

6. Itne me ek shaami ne nana ghazab kiya
saydani ko kaneezi me usne talab kiya
hoti thi laakh zillate hum dekhte rahe
has has ke taaziyane sitam jhelte rahe

7. Nana tabaah hoke hum aaye hai shaam se
ek daaghe no sakina ka laaye hai shaam se
ab tak hai neel rassi ke shaano ko dekhlo
nana hamare tann pe nishano ko dekhlo

8. Zainab jo roke karti thi qabr e nabi pe bayn
tharra raha tha roza e sultan e mashraqayn
bus khatm kar nisaar ye ghum naak daastaan
roye hai is alam mein zamee’n aur aasmaa’n

As-shaam, as-shaam, as-shaam..(4)

yaad jab aajata hai baba..(2)
dil mera phat jaata hai baba
kufe ka aur shaam ka manzar..(2)

1. Qabr pe shabbir ke (karte the abid buka)..(2)
hogaye kya kya jafa (suniye shahe karbala)..(2)
sar pe kisi ke na thi chadarr..
yaad jab aajata hai baba

2. Ek rasan mein bandhe (chote bado’n ke gale)..(2)
bar sare darbaar sab (is tarha laaye gaye)..(2)
otho’n se barsate the patthar
yaad jab aajata hai baba

3. Tauq se hargiz na tha (baba mera sar jhuka)..(2)
hath kadi aur bedi ka (koi mujhe ghum na tha)..(2)
dekha nahi jaata tha manzar..
yaad jab aajata hai baba

4. Baali sakina ka ghum (dil ye nahi bhulta)..(2)
sab ke the shaane bandhe (uska bandha tha gala)..(2)
dard se woh rehti thi muztarr…
yaad jab aajata hai baba

5. Jab kiya sajjad se (aake kisi ne sawaal)..(2)
guzra kaha par imaam (aapko zyada malaal)..(2)
kehte the as-shaam muqarrar…
yaad jab aajata hai baba

6. Maqtal o tareekh bhi (karna sake haq adaa)..(2)
likhe anees e hazee’n (girya e abid ko kya)..(2)
kehte the ye abid e muztar..

yaad jab aajata hai baba
dil mera phat jaata hai baba
kufe ka aur shaam ka manzar..(2)
As-shaam, as-shaam, as-shaam..(4)

Haye hasan, haye hasan..(2)
haye hasan, haye haye hasan..(2)
haye hasan
laashe hasan pe kaise na aasu bahaiye
qabr e rasool kehti hai maa ko bulaiye

Ya fatima hasan ke janaze pe aaiye..(2)
Haye hasan
qabr e rasool kehti hai..(2) maa ko bulaiye
Haye hasan
Ya fatima…

1. Kaisi banai zeher ne surat to dekhiye, haye hasan
tukde jigar tamaam qayamat to dekhiye, haye hasan
aai hai neend god mein..(2)
apni sulaiye

2. Pehlu e mustafa mein pisar ki jagah nahi, haye hasan
jaise ye  chashm o jaan o dile mustafa nahi, haye hasan
hasid ye keh rahe hai..(2) janaza hataiye
haye hasan

3. Afsurda hai najaf to madina udaas hai, haye hasan
farwa ye puchti hai ye kaisa libaas hai, haye hasan
is tarha sab ko chod kar..(2), maula na jaiye

4. Kya kya jafaye dil pe utha kar chale gaye, haye hasan
shabbir beqaraar hai shabbar chale gaye, haye hasan
aaenge phir na laut ke..(2), jitna bulaiye
haye hasan

5. Ibne hasan ko ranj o bala se nikaliye, haye hasan
bichda hai pehli baar padar se sambhaliye, haye hasan
karbobala yateeme..(2), hasan ko dikhaiye
haye hasan

6. Aale nabi ki khaak udaane ka roz hai, haye hasan
sar peetne ka ashk bahane ka roz hai, haye hasan
bayno buka se arsh ka..(2), paaya hilaiye
haye hasan

7. Laashe hasan pe teero ko barsa rahe hai kaun, haye hasan
Allah ke habeeb ko tadpa rahe hai kaun, haye hasan
chehro se kalma goyo ke..(2), parda hataiye
haye hasan

8. Guzri hai kya imam e hasan par na puchiye, haye hasan
kitne lage hai teer kafan par na puchiye, haye hasan
aasu thame hi na to ye..(2), qissa sunaiye

Haaye ghareeb, haaye ghareeb..(2)
Ya rabb, ya rabb, ya rabb..(2)
ya rabb kisi ghareeb ka aisa safar na ho..(2)
barbaadiyo ke waaste..(2) awaaz gar na ho

1. Tayaara saajo sabke liye umr bhar raha
sehra ko jisne khoon se sayraab kardiya
laasha pada ho dhoop mein..(2) koi shajar na ho
ya rabb kisi..(2)

2. Zakhme sina laga to kaleja ulat gaya
akbar ne apne paalne wale ko di sadaa
baba meri phuphi ko..(2) kahin ye khabar na ho
ya rabb kisi..(2)

3. baba ne jiske haatho pe khaiber utha liya
bhai ne jiske mashk mein darya samo liya
kaandhe pe uske laashaye..(2) noore nazar na ho
ya rabb kisi..(2)

4. Har imtehaan sabr se zainab ne seh liya
lekin dayare shaam mein karti rahi dua
athara bhaiyo ki..(2) behan nange sar na ho
ya rabb kisi..(2)

5. Dada ka ye sharaf ke hai maula e kayenaat
aur baap baat ta raha maqtal mein bhi hayaat
kaano me us yateema ke..(2) haye haye gohar na ho
ya rabb kisi..(2)

6. Karbobala mein, kufe mein, bazaar e shaam mein
be parda sar jhukaye ho darbaar e aam mein
kunba kisi ghareeb ka..(2) yu darr ba darr na ho
ya rabb kisi..(2)

7. Zainab se sheh ne jab shabe ashoor ye kaha
kal subha tumse hona hai humko bahan juda
wo boli aisi raat ki..(2) ya rabb sahar na ho
ya rabb kisi..(2)

8. Asghar ko dafn karke ye shabbir ne kaha
paani ke badle rann mein lahu tera beh gaya
asghar dua ye kar teri..(2) maa aaj ghar na ho
ya rabb kisi..(2)

9. Aati yehi dua hai mere lab pe rozo shab
safdar se khush ho aale nabi aur unka rabb
mazloom se to pyaar ho..(2) zalim ka darr na ho
ya rabb kisi..(2)