AZAAKHAANA

Baba Aao Naa – Farhan Ali – 2003

Ek Bibi(s.a.) Yaad Mein Baba Ki
Moti Ashkon Kay Piroti Hai
Jaagti Hai Naa Soti Hai
Bas Ro Rokar Yeh Kehti Hai
Meray Baba Haey Baba Aao Na

(Baba Aao Na) x2

Din Kat Tay Hain Ro Rokar Ratein Katein Fariyadon Mein

(Baba Aao Na) x2

Bain Karon Kab Tak Baba Main(s.a.) Ashkon Ki Barsaaton Mein

(Baba Aao Na) x2

Tum Jab Say Gaey Saathi Meri Beemari Hai Tanhai Hai

Uthta Hi Nahin Sar Bistar Say Kuch Aisi Naqahat Chai Hai

Ashkon Kay Deep Jalati Hoon Tanhai Ki In Raaton Mein

(Baba Aao Na) x2

Dukh Beemari Ka Kaafi Tha Kion Dard-e-Judai Dekay Gaey

Eik Choti Behan(s.a.) Humjoli Thi Tum(a.s.) Saath Usay Bhi Lekay Gaey

Woh(s.a.) Hoti To Dil Behlati Main Us Say Baton Baton Mein

(Baba Aao Na) x2

Maen To Sahar Hoti Hain Baiti Kay Liey Har Toofan Mein

Main Kaisay Guzarongi Lamhay Tanhai Kay Aisay Zindan Mein

Khat Likhnay Ko Bas Rehta Hai Qirtaas-o-Qalam Ab Hathon Mein

(Baba Aao Na) x2

Cheh Maah Hue Aai Na Khabar Pardes Ko Janay Walon Ki

Khojaey Na Rotay Rotay Kahin Beenai Hamari Aankhon Ki

Dil Darta Hai Uftaad Na Ho Meray Baba Teri Raahon Mein

(Baba Aao Na) x2

Khaali Hujray Khaali Bistar Jab Daikhti Hoon Baba Ghar Mein

Eik Hook Si Dil Mein Uthti Hai Eik Dard Sa Hota Hai Sar Mein

Hojatay Hain Aansoo Bhi Shamil BaBa Sughra(s.a.) Ki Aanhon Mein

(Baba Aao Na) x2

Woh Aangan Soona Soona Hai Jahan Ghutnion Chalta Tha Asghar(a.s.)

Mehraab Woh Dil Tarpaati Hai Detay Thay Azan Jis Mein Akbar(a.s.)

Aaja Asghar(a.s.) Aaja Akbar(a.s.) Aawaz Hai Meri Karahon Mein

(Baba Aao Na) x2

Jis Din Say Gaey Ho Tum(a.s.) Baba Main Soochti Rehti Hoon Aksar

Te Kaisay Kia Hoga Tum Nay Sehraaon Mein Garmi Ka Yeh Safar

Jab Koi Shajar Rastaky Mein Nahin Lagay Khaimay Kaisay Chaaon Mein

(Baba Aao Na) x2

Kia Rooth Gaey Baba Mujh Say Kion Suntay Nahin Fariyad Meri

Kia Aati Nahin Tum Ko Baba Thorhi Si Bhi Ab Yaad Meri

Hasrat Hai Kitni Aey Baba Aakar Dekho In Aankhon Mein

(Baba Aao Na) x2

Eik Waaday Par Main(s.a.) Zinda Hon Waada Jo Kia Tha Asghar(a.s.)

Lenay Mujhay Aaengay Bhaiyya(a.s.) Khud Mujh Say Kaha Tha Akbar(a.s.) Nay

Hai Mujh(s.a.) Ko Yaqeen Meray Baba Sachchai Hai Un Kay Waadon Mein

(Baba Aao Na) x2

Shabaan Gai Ramzan Gaya Aur Eid Bhi Guzri Rotay Huey

Main(s.a.) Bewaris Si Lagti Hoon Pooray Kunbay Kay Hotay Huey

Bin Aap Kay Yoon Lagta Hai Mujhay Hain Zehr Ghula Meri Saansoon Mein

(Baba Aao Na) x2

Woh Din Bhi Kabhi Ab Aaeyga Jab Aun(a.s.)-o-Mohammad(a.s.) Aaengay

Dastak Dekar Darwazay Par Seenay Say Meray Lag Jaaengay

Main(s.a.) Apni Phophi(s.a.) Kay Bachchon(a.s.) Ko Lelongi Apni Baanhoon Mein

(Baba Aao Na) x2

Bhai Kamar Tod Gaye – Farhan Ali – 2003

(Haaey Kamar Torh Gaey Bhayi Kamar Torh Gaey) x2

Tanha Humein Dasht Mein Kaisay Bhala Chorh Gaey, Haaey Kamar Torh Gaey, Bhayi Kamar Torh Gaey

Aray, Degaey Ho Itnay Ghum Jee Sakeingay Kaisay Hum(a.s.)

Aray, Hogaya Kaisa Sitam Ghum Say Kamar Hai Yeh Khum

Guzri Meray Dil Peh Kia Kaisay Bataaon Tujhay

(Haaey Kamar Torh Gaey Bhayi Kamar Torh Gaey) x2

Aray, Dekh Meri Bebasi Karbobala Kay Ali(a.s.)

Aray, Had Say Barhhi Tashnagi Ghairay Hain Mujh(a.s.) Ko Shaqi

Halq Peh Kia Janiey Kab Meray Khanjar Chalay

(Haaey Kamar Torh Gaey Bhayi Kamar Torh Gaey) x2

Aray, Tum(a.s.) To Alamdar Thay Bhayi Kay Gumkhuar Thay

Aray, Kitanay Wafadar Thay Fauj Kay Saalaar Thay

Ab Yeh Alam Fauj Ka Hum(a.s.) Bhala Daingay Kisay

(Haaey Kamar Torh Gaey Bhayi Kamar Torh Gaey) x2

Aray, Doon Main(a.s.) Kisay Ab Sada Ran Mein Hon Tanha Kharha

Aray, Waqt-e-Ajal Aagaya Khushk Hai Mera Gala

Chalnay Ko Talwaar Hai Khushk Galay Par Meray

(Haaey Kamar Torh Gaey Bhayi Kamar Torh Gaey) x2

Aray, Baad Meray Hoga Kia Yeh Nahi Tujh(a.s.) Ko Pata

Aray, Sab Saron Say Rida Looteingay Yeh Ashkia

Fauj-e-Sitam Bandhay Gi Aihl-e-Haram(a.s.) Kay Galay

(Haaey Kamar Torh Gaey Bhayi Kamar Torh Gaey) x2

Aray, Aankh Main Khoon Hai Bhara Teer Hai Aisa Laga

Aray, Hogaey Baazoo Juda Sar Bhi Dopara Hua

Bhai Yeh Halat Teri Jeenay Na Degi Mujhay

(Haaey Kamar Torh Gaey Bhayi Kamar Torh Gaey) x2

Aray, Taigh Talay Shah(a.s.) Deen Sajday Main Rakhkar Jabeen

Aray, Kehtay Thay Sun Aey Zamin Ab Mera Koi Nahin

Woh Jo Thay Baazoo Meray Neht Peh Kaatay Gaey

(Haaey Kamar Torh Gaey Bhayi Kamar Torh Gaey) x2

Aray, Teray Saharay Bahan(s.a.) Chorh Kay Aai Watan

Aray, Bhar Gaya Laashon Say Ban Lashein Hai Sab Bekafan

Kis Ko Pukaray Bahan(s.a.) Sar Say Jo Chadar Chinay

(Haaey Kamar Torh Gaey Bhayi Kamar Torh Gaey) x2

Aray, Bali Sakina(s.a.) Teri Jo Hai Teri Ladli

Aray, Mashk Tujhay Dechuki Dar Peh Hai Ab Bhi Kharhi

Nehr Ko Takti Hai Woh Hathon Mein Kooza Liey

(Haaey Kamar Torh Gaey Bhayi Kamar Torh Gaey) x2

Aray, Jee Kay Karon Kia Main Ab Hogaya Aisa Ghazab

Aray, Jeetay Thay Jis Kay Sabab Janay Mileingay Woh(a.s.) Kab

Qatl Kareingay Udo Tanha Humein Dekh Kay

(Haaey Kamar Torh Gaey Bhayi Kamar Torh Gaey) x2

Masooma Ki Fariyad – Farhan Ali – 2002

BaBa(a.s.) Kay Liey Qaid Mein Roti Thi Sakina(s.a.)
Yeh Kon Hai Kia Naam Hai Hakim Nay Yeh Poocha
Darbaan Nay Hakim Ko Yeh Tab Jakay Bataya
Eik Bachi Hai Rassi Say Gala Dukhta Hai Jiska
Main Is Juda Karta Hoon Jab Bhai(a.s.) Say Is(s.a.) Kay
Yeh Khauf Zada Hokay Yehi Karti Hai Naalay

(Juda Naa Karo Mujhay Bhai(a.s.) Say Andhera Bohat Yeh Zindan Hai)x2
Aray Zalimon Sitam Na Karo Labon Par Ruki Meri Jaan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai)x2

Behan(s.a.) Kehti Thi Yeh Sajjad(a.s.) Ki Sifarish Karo Laen SayMeriYeh Tum(a.s.) Say Mujhay Juda Na Karay Meray Haal Par Mujhay ChorhDayYahan Tum Raho Wahan Main Rahon To Bas Mot Ka Hi Imkan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai)x2

Padar(a.s.) Aur Chacha(a.s.) Kay Sar Hain Juda Mera Bhai(a.s.) BhiTo Mara GayaYeh Beemar(a.s.) Jo Mera Bhai Hai Yahan Is(A.S) Ko Bhi QazaLai HaiJuda Hokay Hum(a.s.) Na Jee Paengay Saza Yeh Na Do To Ehsaan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai)x2

Ujaalon Mein Main(s.a.) Hamaisha Rahi Na Bhai Mujhay Kabhi Teergi

Yeh Tanhaiyan Yeh Tarikiyan Meri Umr Say Barhi Sakhtiyan

Main Zakhmi Badan Main Tashna Dahan Meri Mot Ka Yeh Saamaan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai)x2

Chalo Ab Kabhi Nahin Rouongi Aziyat Mein Hoon Magar Souongi

Chalo Ab Rahogay Tum Chain Say Na Jagoo Gay Tum Meray Bain Say Mujhay Hai Khabar Main(s.a.) Roi Agar To Zulm-o-Sitam Ka Toofaan

(Juda Naa Karo Mujhay Bhai(a.s.) Say Andhera Bohat Yeh Zindan Hai)x2

Tamanchay Lagay Main Chup Hi Rahi Gohar Chin Gaey Main Chup HiRahi Giri Oont Say Rah-e-Shaam Mein Tamanchay Milay Hain Inaam MeinMujhay Ronay Do Aray Zalimon Mera Dil Bohat Pareshaan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai)x2

Khuda Kay Liey Sitam Yeh Na Kar Kisi Say Nahin Khuda Say To Dar

Nabi(s.a.w.w.) Ka Agar Tu Hai Ummati Yeh Be Hurmati Sar-e-Shaah Ki

Kudara Na Kar Aray Bad Nazar Yeh Sar Deen Hai Yeh Quraan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai) x2

Mujhay Hai Khabar Na Jee Paaongi Yahan Say Na Ab Main Ghar Jaaongi

Karay Ga Na Ab Koi Bhi Madad Isi Qaid Main Banaygi Lahad

Mera Perahan Banayga Kafan Keh Maskan Mera Yeh Zindaan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai) x2

Hai Jaari Lahoo Meray Kaan Say Yeh Kaisa Sitam Hai Mehmaan Say

Phophi(s.a.) Say Alag Hoon Maan Say Juda Hai Kurta Mera Lahoo Say Bhara

Meri Zindagi Dukhon Say Bhari Yeh Mazloomiat Meri Shaan Hai

(Juda Naa Karo Mujhay Bhai(a.s.) Say Andhera Bohat Yeh Zindan Hai) x2

Khabar – Farhan Ali – 2002

Kisi Nay Aakay Madinay Mein Aam Ki Yeh Khabar

Safar Say Aatay Hain Ibn(a.s.)-e-Batool(s.a.) Laut Kay Ghar

Hain Saath Akbar(a.s.)-o-Abbas(a.s.) Qasim(a.s.)-o-Asghar(a.s.)

Sawaar Shaan Say Hain Bibiyan(s.a.) Bhi Oonton Par

Khushi Manaao Madinay Mein Aarahi Hai Bahar

(Watan Mein Laut Kay Aatay Hain Syed-e-Abrar) x2

Gharon Ko Apnay Sajaao Hussain(a.s.) Aatay Hain

Sabilein Aaj Lagaao Hussain(a.s.) Aatay Hain

Charagh Ghar Mein Jalaao Hussain(a.s.) Aatay Hain

Khabar Yeh Sab Ko Sunaao Hussain(a.s.) Aatay Hain

(Woh(a.s.) Aarahay Hain Woh(a.s.) Tohfay Bhi Saath Laengay) x2

(Woh(a.s.) Sab Say Pehlay Mazaar-e-Nabi(s.a.w.w.) Peh Jaaengay) x3

Yeh Sun Kay Ghar Say Nikal Aey Mard-o-Zan Saaray

Keh Aarahay Hain Khuda Aur Rasool(s.a.w.w.) Kay Piyaray(a.s.)

Watan Mein Aatay Hain Zehra(s.a.) Ki Aankh Kay Taaray

Kitab-e-Haq Kay Madinay Mein Aatay Hain Paaray

(Saheliyon Nay Khabar Dee Yeh Jakay Sughra(s.a.) Ko) x2

(Chal Uth Kay Dekhlay Sughra(s.a.) Tu Apnay Baiyya(a.s.) Ko) x3

Pukarin Sughra(s.a.) Keh Din Eik Ka Naseeb Hua

Lo Meri Simt Bhi Mael Mera Tabeeb Hua

Khushi Ka Koi To Lamha Meray Qareeb Hua

Magar Yeh Saneha Sughra(s.a.) Peh Kia Ajeeb Hua

(Basheer Khaak Urha Kar Sada Yeh Deta Tha) x2

(Aray Hussain(a.s.) Maray Gaey Syeda(s.a.) Ka Ghar Ujrha) x3

Madinay Waalon Madinay Peh Chagai Hai Khizaan

Gharoon Mein Chain Say Baithay Huey Ho Aaj Kahan

Zamin Karti Hai Matam Falak Hai Mehw-e-Fughan

Rasool(s.a.w.w.) Giriya Kunan Fatima(s.a.) Hain Ashk Fishan

(Mahallah-e-Bani Hashim(a.s.) Mein Sog Taari Hai) x2

(Labon Peh Haaey Hussaina(a.s.) Ka Wird Jaari Hai) x3

Pukaarin Sughra(s.a.) Yeh Kis Tarha Aai Ho Amman(s.a.)

Kahan Hai Bhai(a.s.) Hamaray Kahan Hain BaBa Jan(a.s.)

Phophi(s.a.) Kay Shaanon Peh Kion Hai Rasan Kay Daagh Ayan

(Kahan Hai Asghar(a.s.)-e-Besheer Aur Sakina(s.a.) Kahan) x2

(Chacha Kay Hotay Huey Kis Tarha Yeh Haal Hua) x3

Shaheed Karbobala Mein Ali(a.s.) Ka Lal(a.s.) Hua

Zaeef Kon Hai Amman(s.a.) Jo Saath Chalta Hai

Kabhi Woh Girta Hai Girkar Kabhi Sambhalta Hai

Bataao Jald Kay Seena Say Dam Nikalta Hai

Mujhay Khabar Na Thi Keh Waqt Yoon Badalta Hai

(Nabi(s.a.w.w.) Kay Lal(a.s.) Ko Ummat Nay Qatl Kar Dala) x2

(Aray Qusoor Kia Tha Kay Mara Gaya Mera Kunba) x3

Pukarin Baano(s.a.) Yeh Boorhha Hai Syed-e-Sajjad(a.s.)

Hoi Hai Is(a.s.) Peh Bhi Baad-e-Hussain(a.s.) Woh Bedaad

Yeh(a.s.) Roraha Hai Unhin Manzaron Ko Kar Kay Yaad

Koi Nahin Tha Jo Sunta Gharib Ki Fariyad

(Dawa Kay Badlay Isay Tariyanay Lagtay Thay) x2

(Jo Neend Aati To Aada Jaganay Lagtay Thay) x3

Sinan Kalejay Peh Khakar Guzar Gaey Akbar(a.s.)

Sitam Kay Teer Say Maaray Gaey Ali Asghar(a.s.)

Gulu-e-Sibt(a.s.)-e-Payambar(s.a.w.w.) Peh Chalgaya Khanjar

Phophi(s.a.) Kay Sar Say Utari Laeen Nay Chadar

(Shaheed Hogaey Abbas(a.s.) Hum(a.s.) Aseer Huey) x2

(Ameer Baap(a.s.) Kay Bachchay(a.s.) Sabhi Faqeer Huey) x3