Isteghasa Hai ‘Rehan Azmi’ Mera

Bargah-e-Aakhir-Uz-Zamaan(a.s.) Mein Aey Khuda

Lashkar-e-Imam(a.s.) Mein Hon Saaray Matmi

‘Farhan’ Majlis-e-Hussain(a.s.) Mein Karay Dua

(Aeay Maula Aeay Maula, Lashkar-e-Hussain Ban Kay Aeay Maula) x2

Gharian Intezar Ki Tamam Ho Chukin

Zulm-o-Jor Ki Fizaen Aam Ho Chukin

Aap(a.s.) Kay Zahoor Ki Jo Thin Nishanian

Roonuma Woh Sab Har Aik Gaam Ho Chukin

Dair Ho Chuki Sahib-Uz-Zamaan(a.s.)

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

De Rahay Hain Kab Say Al-Ajal Ki Hum Sada

Bhaijtay Hain Har Baras Areezay Aur Dua

Mauj Ko Banalia Hai Apna Namah Bar

Jaanti Hai Mauj Hi To Aap(a.s.) Ka Pata

Aapp(a.s.) Kay Liey Hum Tarhaptay Hain

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Masjidein Pukarti Hain Har Namaz Mein

Bargahein Dhondti Hain Har Ghari Tumhain

Majlison Mein Parhtay Hain Dua-e-Nahia

Aarzoo Hai Is Sadi Mein Tum Ko Daikhlein

Daur Khatm Ho Ab Yeh Ghaib Ka

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Intezar-e-Adl Hai Adalaton Ko Bhi

Aap(a.s.) Aakhri Imam(a.s.) Barhwein(12th) Ali(a.s.)

Aap(a.s.) Aeay To Dil Ko Chain Aaeyga

Aap(a.s.) Hi Kay Intezar Mein Hai Zindagi

Taigh-e-Haidery(a.s.) Aap(a.s.) Laengay

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Hain Libas-e-Deen Mein Mukhalif-e-Aza

Baichnay Lagay Khateeb Zikr-e-Karbala

Para Para Kardia Hai Ittehad Ko

Majlison Say Hai Namaz Ka Muqabla

Waris(a.s.)-e-Aza Deer Na Laga

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Parhtay Hain Namaz Sheh(a.s.) Kay Saaray Matmi

Zikr Hai Namaz Ka To Majlison Mein Bhi

Sajda-e-Hussain(a.s.) Ka Jisay Khayal Hai

Janta Hai Manzilat Ko Woh Namaz Ki

Is Tafarraqay Ko Mitaeay

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Paash Paash Aap(a.s.) Ka Bhi Dil Hai Ya Imam(a.s.)

Yaad Aap(a.s.) Ko Bhi Hai Woh Karbala Ki Shaam

Jab Ridaen Bibion(s.a.) Kay Sar Say Chin Gaen

Jal Rahay Thay Jis Gharhi Hussain(a.s.) Kay Khayam

Pursa Lejiey Har Shaheed(a.s.) Ka

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Ris Raha Hai Khoon Ab Bhi Jis Kay Kaan Say

Woh Sakina(s.a.) Qaid Say Na Aai Laut Kay

Qaid-e-Shaam Mein Lehad Hai Us(s.a.) Ki Aaj Bhi

Aati Hai Sada Yeh Aaj Us(s.a.) Ki Qabr Say

Zalimon Say Ab Intaqaam Lein

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Intaqaam Shah(a.s.)-e-Karbala Ka Leingay Aap(a.s.)

Majlison Mein Zikr-e-Karbala Kareingay Aap(a.s.)

Matam-e-Hussain(a.s.) Kay Urooj Kay Liey

Apnay Jad(a.s.) Kay Haal Ka Nauha Parhheingay Aap(a.s.)

Ghazi(a.s.) Ka Alam Hoga Haath Mein

Lashkar-e-Hussain(a.s.) Ban Kay Aeay Maula

(Aeay Maula Aeay Maula, Lashkar-e-Hussain Ban Kay Aeay Maula) x2

Ilayya Ya Bunaiyya
(Ilayya Ilayya Ya Bunaiyya) x2

Ter BaBa(a.s.) Sota Hai Yahan

(Ilayya Ilayya Ya Bunaiyya) x2

Thookrain Khaati Hui Maqtal Mein Kion Aai Hai Tu

Mujh Ko Dikhlanay Tamanchon Kay Nishan Lai Hai Tu

Neend Say Aankhein Hai Bojhal Aa Meray Nazdeek Aa

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

Jaanta Hoon Meray Senay Par Sada Soi Hai Tu

Teri Aankhein Keh Rahi Hain Kis Qadar Roi Hai Tu

Is Andheray Dasht Mein Kion Daiti Hai Mujh Ko Sada

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

Aaj Ki Shab Maan(s.a.) Kay Paihloo Mein Hi Sona Tha Tumhain

Piyasay Bachon Aur Phuphi(s.a.) Sath Rehna Tha Tumhain

Aa Meray Teeron Bharay Seenay Peh Aakay Lait Jaa

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

Hogai Hai Shaam Phir Bhi Garm Hai Saari Zamin

Daikh Teray Paoon Mein Chalay Na Parh Jaen Kahin

Kion Nikal Aai Hai Khaimay Say Barehna Pa Bata

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

Sogaey Wehshi Darinday Tu Hai Ab Tak Jaagti

Phir Rahi Hai BaBa(a.s.) BaBa(a.s.) Kehti Meri Laadli

Main Yahan Aur Nehr Peh Betab Hotay Hain Chacha(a.s.)

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

Aa Meri Aaghosh Mien Kuch Dair Aakay Lait Ja

Phir To Sooey Shaam Jaega Hamara Qafla(a.s.)

Teri Gardan Mein Rasan Bandhay Gi Yeh Fauj-e-Jafaa

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

Tujh Ko Paidal Mujh Ko Naizay Par Safar Karna Hai Ab

Karbala Sar Hochuki Hai Shaam Sar Karan Hai Ab

Daikh Marqad Chorh Kay Maqtal Mein Aaen Syeda(s.a.)

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

Beh Raha Hai Khoon Kaanon Say Sakina Kis Qadar

Askh Say Chehra Hai Bheega Khon Say Poshak Tar

Daikh Kar Tujh Ko Pukara Laasha-e-Besar Mera

Tera BaBa(a.s.) Sota Hai Yahan

(Ilayya Ilayya Ya Bunaiyya) x2

(Shaam Haey Shaam Haey Shaam Haey Shaam) x2

(Haey Shaam Ki Galian Aaein Hai) x2

Naizon Peh Shahidon Kay Sar Hain Beemar(a.s.) Bhi Chalta Jaata Hai

(Haey Shaam Ki Galian Aaein Hai) x2

Zanjeer Ulajh Kar Peron Say Kehti Hai Yeh Ghum Kay Maaron Say

Kuch Dair Mein Paththar Barseingay

Is Shehr Kay Baala Khanon Say Sajjad(a.s.) Ka Dil Gharbrata Hai

(Haey Shaam Ki Galian Aaein Hai) x2

Be Ghar Hain Musafir Bechadar Hai Kitni Aziyat Ka Yeh Safar

Bazoo Hain Bandhay Maan Behnon Kay

Sar Baap(a.s.) Chacha(a.s.) Kay Khoon Mein Tar Beemar(a.s.) Bohat Sharmata Hai

(Haey Shaam Ki Galian Aaein Hai) x2

Eik Rassi Hai Aur Bara Galay Yeh Qafla Aakhir Kaisay Chalay

Jalti Hai Zamin Kanton Say Bhari

Ronay Lagay Peron Kay Chalay Khoon Zakhmon Say Rista Jata Hai

(Haey Shaam Ki Galian Aaein Hai) x2

Kothon Peh Tamashai Hain Kharhay Aur Shaam Kay Baam-o-Dar Hain Sajay

Ummat Hai Nabi(s.a.w.w.) Ki Chaar Taraf

Parhti Hai Nabi(s.a.w.w.) Zadi(s.a.) Khutbay Aur Ashk Falak Barsata Hai

(Haey Shaam Ki Galian Aaein Hai) x2

Darbaar Ka Dar Nazdeek Aya Bazaar-e-Sitam Ab Khatm Hua

Kuch Dair Aseeron(a.s.) Ko Roko

Yeh Hukm-e-Yazidi Hai Aya Darbar Sajaya Jata Hai

(Haey Shaam Ki Galian Aaein Hai) x2

Darbar-e-Sitam Ki Aaraish Aur Takht-e-Laen Ki Zebaish

Jab Hochuki Poori Tab Jakar

Badkar Nay Ki Yeh Farmaish Lo Jashn Manaya Jata Hai

(Haey Shaam Ki Galian Aaein Hai) x2

Ba Parda Kanizein Baithi Hain Saidanian Saari Roti Hain

Fizza(s.a.) Ko Banakar Jab Parda

Zehra(s.a.) Ki Betian(s.a.) Chupti Hain Sajjad Ko Ghash Ajata Hai

(Haey Shaam Ki Galian Aaein Hai) x2

Zalim Nay Ajab Yeh Kaam Kia Zainab(s.a.) Ka Achanak Naam Lia

Ghabrakay Ali(a.s.) Ki Beti(s.a.) Nay

Haathon Say Jigar Ko Thaam Lia Abid(a.s.) Ko Jalal Aajata Hai

(Haey Shaam Ki Galian Aaein Hai) x2

Zanjeer Chatakh Kar Toot Gai Beemar(a.s.) Nay Eik Angrhai Jo Li

Darbar-e-Sitam Mein Shor Utha

Kia Aaj Najaf Say Aaey Ali(a.s.) Ya Waqt-e-Qayamat Aata Hai

(Haey Shaam Ki Galian Aaein Hai) x2

Darbar Say Jab Zindan Mein Gaey Sajjad(a.s.) Phophi(s.a.) Say Kehnay Lagay

Yeh Kaisa Andhera Zindan Hai

Yaan Zinda Raheingay Hum(a.s.) Kaisay Dil Mera Dooba Jata Hai

(Haey Shaam Ki Galian Aaein Hai) x2

Zindaan Mein Sakina(s.a.) Nay Poocha Ghar Jaengay Hum(a.s.) Kis Din Bhaiyya(a.s.)

Ya Aur Koi Baqi Hai Sitam

Ghut Ta Hai Yahan To Dam Mera Ab Saans Ukharhta Jata Hai

(Main Kaisay Doongi Hatimoon Ko Hosla Baba) x2

Bujha Rahi Hai Diyay Shaam Ki Hawa Baba(a.s.)

(Main Kaisay Doongi Hatimoon Ko Hosla Baba) x2

Tumhara Saamna Kaisay Karay Haya Meri

Udo Nay Cheenli Baba(a.s.) Abhi Rida Meri

Hamari Mushkilein Tum Hi Karo Kusha Baba(a.s.)

(Main Kaisay Doongi Hatimoon Ko Hosla Baba) x2

Jaltay Khaimon Ka Dhuwan Daikh Rahay Ho Baba(a.s.)

Ashk Aankhon Say Rawan Daikh Rahay Ho Baba(a.s.)

Guzar Gaya Meray Kunbay Peh Saneha Baba(a.s.)

(Main Kaisay Doongi Hatimoon Ko Hosla Baba) x2

Tamam Din Woh Manazir Nazar Nay Daikhay Hain

Woh Daikho Ganj-e-Shahidaan Mien Kitnay Lashay Hai

Uthakay Lashay Mera Bhai(a.s.) Thak Gaya Baba(a.s.)

(Main Kaisay Doongi Hatimoon Ko Hosla Baba) x2

Meray Ghareeb(a.s.) Ko Lakhon Nay Milkay Maara Hai

Har Aik Zakhm Peh Us Nay Tumhain Pukara Hai

Baghair Dhaar Ka Khanjar Tha Aur Gala Baba(a.s.)

(Main Kaisay Doongi Hatimoon Ko Hosla Baba) x2

Main Haath Malti Rahi Sheh(a.s.) Peh Chal Gaya Khanjar

Hai Meray Bhai(a.s.) Ka Laasha Bhi Jalti Reti Par

Kafan Bhi Bhai(a.s.) Ko Meray Nahin Mila Baba(a.s.)

(Main Kaisay Doongi Hatimoon Ko Hosla Baba) x2

Azan Jo Di Ali Akbar(a.s.) Nay Parh Kay Bismillah

Tarhap Tarhap Kay Main Roi Hoon Subhey Ashura

Main Jaanti Thi Bicharhta Hai Mehlaqa Baba(a.s.)

(Main Kaisay Doongi Hatimoon Ko Hosla Baba) x2

Janaza Amman Ka Shab Mein Uthaya Tha Tum Nay

Main Roi Thi To Galay Say Lagaya Tha Tum Nay

Tumhari Beti(s.a.) Hai Maqtal Mein Be Rida Baba(a.s.)

(Main Kaisay Doongi Hatimoon Ko Hosla Baba) x2

Chupalo Apni Aba Mein Keh Thak Gai Hoon Main

Aseer Hokay Suey Shaam Jaarahi Hoon Main

Safar Taweel Hai Dushwaar Raasta Baba(a.s.)

(Main Kaisay Doongi Hatimoon Ko Hosla Baba) x2

Bachakay Sholon Say Abid(a.s.) Ko Lai Hoon Baba(a.s.)

Main Ghumzada Hoon Falak Ki Satai Hoon Baba(a.s.)

Kaleja Dard Say Zainab(s.a.) Ka Phat Gaya Baba(a.s.)

(Main Kaisay Doongi Hatimoon Ko Hosla Baba) x2

Ho Eik Hai Naara Haidery
Ya Ali Ya Ali Ya Ali(A.S) Haider(a.s.)

(Eik Hai Naara Haidery Eik Hai Zarb-e-Haidery) x2

Aisa Naara Mil Kay Lagao Soi Hui Ummat Ko Jagao

Jaen Najaf Tak Is Ki Sadaen Mushkil Ko Khatir Mein Na Laao

(Jhomay Najaf Ki Har Gali) x2 Eik Hai Nara Haidery

(Eik Hai Naara Haidery Eik Hai Zarb-e-Haidery) x2

Yeh Naara Islami Naara Yeh Naara Hai Khair-e-Amal

Is Naaray Ki Zad Peh Rahay Hain Khyber Khandaq Jang-e-Jamal

(Akhir Duniya Maan Gai) x2 Eik Hai Naar Haidery

(Eik Hai Naara Haidery Eik Hai Zarb-e-Haidery) x2

Khail Kay Maidanon Say Lekar Batil Kay Aiwanon Tak

Is Naaray Ki Gonj Suni Hai Maqtal Say Zindanon Tak

(Bol Rahi Hai Har Sadi) x2 Eik Hai Naara Haidery

(Eik Hai Naara Haidery Eik Hai Zarb-e-Haidery) x2

Pakistani Fauj Ka Naara Allaho Ya Haidery Naara

Hanafi Naara Jaffery Naara Har Maslak Har Qaum Ka Naara

(Sab Ki Baqa Bhi Hai Yehi) x2 Eik Hai Naara Haidery

(Eik Hai Naara Haidery Eik Hai Zarb-e-Haidery) x2

Yeh Naara Naara Hi Nahin Hai Zarb Hai Qalb-e-Batil Par

Le Aya Tha Nooh Ki Kashti Ko Yeh Naara Sahil Par

(Jis Mein Chupi Hai Zindagi) x2 Eik Hai Naara Haidery

(Eik Hai Naara Haidery Eik Hai Zarb-e-Haidery) x2

Donon Jahan Mein Aey Maula Tu Hai Aur Teri Sarkaar

Tujh Ko Dia Hai Nabi(s.a.w.w.) Nay Alam Rab Nay Bhaiji Hai Talwar

(Baat Yeh Kitnon Ko Khali) x2 Eik Hai Zarb-e-Haidery

(Eik Hai Naara Haidery Eik Hai Zarb-e-Haidery) x2

Zarb-e-Ali To Zarb-e-Khuda Hai Taigh-e-Ali Bhi Taigh-e-Khuda Hai

Tum Chahay Mano Na Mano Yeh Dekho Tareekh Mein Kia Hai

(Kehtay Rahay Iqbal Bhi) x2 Eik Hai Zarb-e-Haidery

(Eik Hai Naara Haidery Eik Hai Zarb-e-Haidery) x2

Zarb-e-Ali Hai Aik Ibadat Zarb-e-Ali Maqsood-e-Risalat(s.a.w.w.)

Zarb-e-Ali Ki Zad Mein Aakar Bach Nahin Sakti Kufr Ki Quwwat

(Jaan Gaey Yeh To Sabhi) x2 Eik Hai Zarb-e-Haidery

(Eik Hai Naara Haidery Eik Hai Zarb-e-Haidery) x2

Momin Ki Naslon Ko Bachakar Batil Ko Dozakh Mein Girakar

Do Hisson Mein Tol Kay Katay Zarb-e-Ali Nay Zulm Kay Lashkar

(Taigh Bhi Hai Meezan Bhi) x2 Eik Hai Zarb-e-Haidery

(Eik Hai Naara Haidery Eik Hai Zarb-e-Haidery) x2