Dekh kay giryao matam

har aik farsh-e-aza per

duay karta hoon mola(a.s)

(jub talak hai yeh jahan) x2

hai dua meray khuda(j.j)

(Gham-e-Hussain rahe, ye azadar rahe) x2

Jub talak hai yeh jahan, hai dua meray khuda(j.j)

(Gham-e-Hussain rahe, ye azadar rahe) x2

Teray huzoor dua mangtay hai ahl-e-aza

Kubool kar lay bahakay rasool(s.a.w) sub ki dua

Hamesha baki rahay zikr-e-shahenshahay wafa

Ay khuda(j.j) ay khuda(j.j)

Hum rahay ya na rahay rahay baki yeh sada

(Gham-e-Hussain rahe, ye azadar rahe) x4

Zamana laakh badalta rahay nigah magar

Dilon say mitnay nahi paye karbala ka asar

Azan kay saath karay matmi sada bhi safar

Ay khuda(j.j) ay khuda(j.j)

Jub chala zikr tera dil nay mangi yeh dua

(Gham-e-Hussain rahe, ye azadar rahe) x4

Yazedi fikr ko tu khaak may milata rahay

Faza may perchamay abbas(a.s) lahlahata rahay

Hussaini(a.s) azm yazeedon ka sar jhukata rahay

Ay khuda(j.j) ay khuda(j.j)

Sar jo sajday may gaya hum nay so baar kaha

(Gham-e-Hussain rahe, ye azadar rahe) x4

Ghamay hussain(a.s) ko mehfooz rakh jafaon say

Hussainiat(a.s) ka shajar door ho khizaon say

Saja diya hai musalay ko in duaon say

Ay khuda(j.j) ay khuda(j.j)

Lab kusha jub bhi huwa har hussaini(a.s) nay kaha

(Gham-e-Hussain rahe, ye azadar rahe) x4

Hamaray zakhmo ka marham hai yeh azay hussain(a.s)

Sub hi ibadatay kartay hai hum baray-e-hussain(a.s)

Labo pay taba qayamat sada ho haaye hussain(a.s)

Ay khuda(j.j) ay khuda(j.j)

In duao(n) may khuda(j.j) saath hai karbobala

(Gham-e-Hussain rahe, ye azadar rahe) x4

Rahay wafa may kabhi dagmaga na paye qadam

Hamaray dosh pay lehraye ba wafa ka alam

Hamaray azm say larza rahay yeh ahl-e-sitam

Ay khuda(j.j) ay khuda(j.j)

Jub bicha farsh-e-aza matmi kehnay laga

(Gham-e-Hussain rahe, ye azadar rahe) x4

Yeh majlise bhi khuda(j.j) madresoon say kam to nahi

Tera rasool bhi kehta hai sirf hum to nahi

Ghamay hussain(a.s) bara hai hamara ghum to nahi

Ay khuda(j.j) ay khuda(j.j)

Apnay ghum bhol gaya jis nay rokar yeh kaha

(Gham-e-Hussain rahe, ye azadar rahe) x4

Wikare majliso matam barhatay jayengay

Charagh ashk-e- aza jalatay jayengay

Hussaini(a.s) fikr dilo may jagatay jayengay

Ay khuda(j.j) ay khuda(j.j)

Jub kalam chalnay laga keh uthi fikr-e-rasa

(Gham-e-Hussain rahe, ye azadar rahe) x4

Yahi akeeda hai ‘farhan’ aur ‘mazhar’ ka

Kay ek qabelay kay afrad hai yeh ahl-e-aza

Yeh nawha khwan yeh shair sabhi ki hai yeh sada

Ay khuda(j.j) ay khuda(j.j)

Hum rahay ya na rahay rahay baki yeh sada

(Gham-e-Hussain rahe, ye azadar rahe) x8

Ek shor hua barpa
Saadat ke matam se
Sar bacchi ne takraya
Abbas ke parcham se
Gash khane lagi Zainab
Laachar hui gam se
Behosh hui madar
Hain baap ke haathon par
Akbar ka janaza
Khayme me aya hain Akbar ka janaza
Haye khayme me aya hain Akbar ka janaza

Behosh hui madar
Hain baap ke haathon par
Akbar ka janaza

Khayme me…..
Haye khayme….

Humshakle payambar ka gumkhwaj mila jaisa
Lagta hain safar yeh hain duniya se Mohammed ka
Fizza ne kiya Nauha Kulsum ne sar pita…..x2
Behosh hui madar
Hain baap ke haathon par
Akbar ka janaza
Khayme me…
Haye khayme…

Atthara baras pala jis laal ko Zainab ne
Us sher ki furkat ne dil chaak kiya aise
Bhaiya ko kabhi dekha poshak kabhi dekha…x2
Behosh hui madar
Hain baap ke haathon par
Akbar ka janaza
Khayme me….
Haye khayme…

Kya socha tha yeh dil ne faryad hain Zainab ki
Mannat bhi badhayegi armaan nikalegi
Furkat ki sina lekin ab jaan nikalegi….x2
Behosh hui madar
Hain baap ke haathon par
Akbar ka janaza
Khayme me…
Haye khayme ….

Sar pita Sakina ne aur bayn kiya aise
Main negh na mangugi yeh wada raha tumse
Kya haal kiya sabka aye bhai tere gam ne…x2
Behosh hui madar
Hain baap ke haathon par
Akbar ka janaza
Khayme me….
Haye khayme….

Accha hi huwa ghar se saath ayi nahi sughra
Woh dekh nahi pati jo haal hain kunbe ka
Malum nahi usko kis haal me hain bhaiyya…x2
Behosh hui madar
Hain baap ke haathon par
Akbar ka janaza

Toofan hain ashkon ka saadat ke khaymon me
Kyu hashr na ho barpa saadat ke khaymon me
Kya laye shahe wala sadat ke khaymon me….x2
Behosh hui madar
Hain baap ke haathon par
Akbar ka janaza
Khayme me….
Haye khayme….

Farhan yeh kehta hain dil thame huwe rokar
Akbar ke masaeb tum likh sakte nahi Mazhar
Bas khatm karo nauha qirtas pe yeh likhkar…..x2
Behosh hui madar
Hain baap ke haathon par
Akbar ka janaza
Khayme me..
Haye khayme…

Aik ahsaan kar

Jub shaam ka bazaar a gaya

Or cheeni gay jub chadar

Jub zaalim nay zainab(s.a) ka naam pukara

Zainab(s.a) zainab(s.a) zainab(s.a)

Yeh pukari ro kar

(Aik ahsaan kar meray ghazi(s.a) zaleemo say meri rida la day) x3

(phir us ke baad kuch na mangoongi) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Laash to kab ki ban chuki hoon may

Dil to bas aadatan dharakta hai

Maar dalay na yeh sitam mujh ko

Meray bhai yeh mujh ko lagta hai

(jo chahta hai zindagi meri) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Dekh sajjad(a.s) ki taraf ghazi(a.s)

Tujh say karti hai yeh fughaan zainab(s.a)

Aik yahi bojh us ke dil per hai

Kahan bazar or kahan zainab(s.a)

(hai aik raah us ke jeenay ki) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Kaise tanay sahoon may logon kay

Ghum say phatnay laga hai dil mera

Sub yeh kehtay hai yeh woh zainab(s.a) hai

Jis ka abbas(a.s) jaisa bhai tha

(zabanay bandh karday tu sub ki) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Meri haalat meri gharebi per

Bhai nezay say khoon rota hai

Amma roti hai aur baba(a.s) bhi

Kyun ke ab waqt aisa aya hai

(ab aa rahi hai ik kaneez meri) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Karbala bas gayi hai aankhon may

Marsiya ban gaya mera chehra

Taziyaano nay ay meray ghazi(s.a)

Pusht per likh diya safar mera

(hai is kay baad bhi buka meri) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Ik sitam or bhi yeh baki hai

Kis tarhan tay yeh marhala ho ga

Haath rasi may or khulay sar hoon

Kaisay shereen say saamna ho ga

(ya ay moot ya meray ghazi(a.s)) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Dekhti hai mujhay najis aankhay

Naam mera shakee ke lab per hai

Kash kha jaye yeh zameen mujh ko

Aisay jeenay say yahi behtar hai

(yeh aakhri hai iltija meri) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

Ja kay ‘farhan’ un kay rozay per

Tum suna dayna yeh kalaam mera

Bibi zainab(s.a) kaha hai ‘mazhar’ nay

Teri azmat ko hai salaam mera

(jo apnay bhai ko yeh kehti rahi) x2

Zaleemo say meri rida laday

(Aik ahsaan kar meray ghazi(s.a) zaleemo say meri rida la day) x2

(Phir us ke baad kuch na mangoongi) x2

Zaleemo say meri rida laday

Aik ahsaan kar meray ghazi(s.a) zaleemo say meri rida la day

Pyaari Sakina

namaz e shab mein dua karte the Shabbir
ik phool si beti dey mujhe katib e taqdeer

Haay, Shabbir ko khaliq ney sakina jo ata ki
Zainab ki si surat thi sab us mah laqa ki
jis dam diya godi mein usey laker chacha ki
hathoun pa us ko ley kar ghazi ney dua di
rakhe tujhe aye laadli Allah salamat
dunya mein terey sar pa rahy shah salamat

Sakina Sakina

(Shah ki piyari Sakina laadli Abbas ki) x3

seerat-e-Zehra thi jis mein thi sakina wo kitab
god mein lete the ghazi aur kabhi Umme Rabab
seena-e-Shabbir par jo phool si khilti rahi
Zainab-o-Kulsoom key jo saye mein palti rahi

(Shah ki piyari Sakina laadli Abbas ki) x2

na kisi gham ka tasawwur tha na ranj-o-yaas ka

paya is bachi ney jhula bazu-e-Abbas ka
naksh tha us nazneen ke dil pe nam Abbas ka
youn samjh lo pehney rehti thi vo taveez-e-wafa

(Shah ki piyari Sakina laadli Abbas ki) x2

naz uthathi thi sakina ke sabhi shehzadiyan
kisa-e-khaiber suna kar deti thi maa loriyan
zanu-e-mader pe takiya tha kabhi taqdeer par
Cheyn sey sooti thi shab ko seena-e-Shabbir par

(Shah ki piyari Sakina laadli Abbas ki) x2

Dekhti hi dekhti wo do baras ki hogayi
bachiyo(n) sey khilney ki umr hoti hai yahi
Khelti thi ghar key angan mein kabhi Sughra ke saath
Ghumney jati kabhi Akber kabhi baba key saath

(Shah ki piyari Sakina laadli Abbas ki) x2

Khelke doran lagti thi Sakina ko jo piyas
door key jati thi bachi us ghari amu ke paas
haye kya din the keh pani manga ur pani mila

ur ik vo waqt piyasi thi sar-e-karbobala

(Shah ki piyari Sakina laadli Abbas ki) x2

Algharaz behr-e-safer jab ghar sey nikle shah-e-deen
rah mein kitni aziyat sehgayi wo nazneen
dasht mein piyasi rahi aur baap ki furkat sahi
qayd ho kar phir wo bachi sham ke zinda(n) gayi

(Shah ki piyari Sakina laadli Abbas ki) x2

umr se baqi jo din the wo guzarey qayd mei
kal talak aabad tha ghar ab hai sare qayd mei
qayd khane ke masaib qalb par sehti rahi
haye baba haye baba raat din kehti rahi

(Shah ki piyari Sakina laadli Abbas ki) x2

mar dala qayd khaney ney usey uftad ney
qabr mei us ko utara sayyad-e-sajad ney
roza-e-bali Sakina par jo ‘mazhar abidi’
jayega ‘farhan’ lab par hoga noha bas yehei

(Shah ki pyari Sakina laadli Abbas ki) x2

Aey mere baba

sham e ghareba aag ka manzar
aaye najaf sey fateh e kheber
ujri huwi Zainab ne dekha
Rote huwe jab bap ka chehra
maqtal mein gunja Zainab ka noha

(ay merey baba haye merey baba) x2

kya kya masaib tooty hein mujhe par

batla raha hei ye khuni manzar
ik din mein ujra mera bhara ghar
na rahe bhayi na koi beta

(ay merey baba haye merey baba) x2

ye karbala hei ya khuni jangal
dekho to baba tum suw-e-maqtal
sab key lahu sey bhiga hei anchal
sarey azeezoun ka gham uthaya

(ay merey baba haye merey baba) x2

dekh sako to ye dekho baba
bikhra huwa hai qasim ka sehra
he tukrey tukrey dulha ka lasha
dil ko sambhaley rooti hai farva

(ay merey baba haye merey baba) x2

bhuley ga kese ye qalb mera

ghazi ke shaney Akber ka seena
Bano ka noha Asghar ka jhula
dil mein hei merey ye dagh kesa

(ay merey baba haye merey baba) x2

pala tha jis ko ma ban key mene
chida kaleja us ka sina ney
suno zara noha us ki maa sey
Laila ka dil bhi gham sey chida tha

(ay merey baba haye merey baba) x2

kia tum ney baba deikhi tarayi
bazu burida hei mera bhayi
baad us key ham pe uftad aayi
tha us key dam sey parda hamara

(ay merey baba haye merey baba) x2

abid ko sholo sey bhi nikala
deiti thi bachoun ko mein sahara
Ehl-e-haram ko mein ney sambhala
tanha diya hei khaimo(n) ke pehra

(ay merey baba haye merey baba) x2

ye merey ansu kehte hai(n) baba
is tarha roney sey kia miley ga
jesey bhi ho ab jeena parey ga
zindagi bhar ka gham mein ney paya

(ay merey baba haye merey baba) x2

‘farhan-o-mazhar’ kaisa tha manzar
baap key qadmo(n) sey wo lipat kar
kehti thi Zainab tera luta ghar
waqt-e-madad tha koi na aaya..

(ay merey baba haye merey baba) x2

(maqtal mein gunja Zainab ka noha) x3