lamma same’tu fi aalamin arwaah
hal min nasirin yan surana
qultu fi aalamin arwaah
labbaik ya hussain

labbaik ya hussain  labbaik ya hussain
sarakha qalbi fidduniyaana majnun al hussain

labbaik ya hussain  labbaik ya hussain
ya ghareeb ya hussain ya shaheed ya hussain
ya mazlum ya hussain ya maqtul ya hussain

ruhi wa qalbi fidaaka ya hussain
dami wa jismi fidaaka ya hussain
amali wa ilmi fidaaka ya hussain
dini wa dunyaayi fidaaka ya hussain

qultu fi aalamin arwaah
labbaik ya hussain
sarakha qalbi fidduniya
ana majnun al hussain
labbaik ya hussain  labbaik ya hussain
ya ghareeb ya hussain ya shaheed ya hussain
ya mazlum ya hussain ya maqtul ya hussain

aydeena, aydeena laka ya hussain
sudoorana, sudoorana laka ya hussain
anfusuna, anfusuna laka ya hussain
uyoonana, uyoonana laka ya hussain

ana wa auladi fidaaka ya hussain
abi wa ummi fidaaka ya hussain
khalaqtana rabbuna lil buka
ruhi wa qalbi fidaaka ya hussain

taqabbal minni azaa’i ya hussain
taqabbal minni wilaa’i ya hussain
be haqqe noor ul ilaahi ya hussain
taqabbal minni duaai ya hussain

qultu fi aalamin arwaah
labbaik ya hussain
sarakha qalbi fidduniya
ana majnun al hussain
labbaik ya hussain  labbaik ya hussain
ya ghareeb ya hussain ya shaheed ya hussain
ya mazlum ya hussain ya maqtul ya hussain

haaye haaye
bar sare karbala
zakhmon se choor choor hai hussain
maan
dashte khuni me karti rahi ye bain
haaye haaye haaye
maan aa gayi hussain

jis roz watan chorh ke nikla tha meri jaan
nikli thi tere saath baqayya se teri maan
ehle jinaan bhi gham me huwe chaak girebaan
nana bhi tere khaak urhaate hain meri jaan
phatta hai kaleja haaye hussain
karte huwe noha haaye hussain
maan aa gayi hussain maan aa gayi hussain

bachpan me tere naaz uthaati thi teri maan
zaanu pe tujhe apne sulaati thi teri maan
khud bhuki reh ke tujh ko khilaati thi teri maan
aaghosh me jhula bhi jhulaati thi teri maan
ay naazon ke paale haaye hussain
ab ashk pilaane haaye hussain
maan aa gayi hussain  maan aa gayi hussain

kya haal laeenon ne kiya dekh rahi hun
mein pehli moharram se jafa dekh rahi  hun
hain tishna dahan aale aba dekh rahi  hun
hoton pe tere shukre khuda dekh rahi  hun
tu dasht me tanha haaye hussain
dene ko dilaasa haaye hussain
maan aa gayi hussain  maan aa gayi hussain

qaasim ke tukre maine samete hain tere saath
maqtal me saare laashe uthaaye hain tere saath
furqat ke zakhm maine bhi khaaye hain tere saath
gham tishnagi ke maine bhi paaye hain tere saath
jab zeen se gira tha haaye hussain
mein karti thi noha haaye hussain
maan aa gayi hussain  maan aa gayi hussain

aaya nahin zameen pe beta tera badan
us par sitam hai pyaas se sukha huwa dahan
manzar ye gham ka dekh rahi hai teri bahan
karti hai bain ay mere mazlum be watan
ye zulm jo dekha haaye hussain
zainab ne bulaaya haaye hussain
maan aa gayi hussain  maan aa gayi hussain

tere badan se teer nikaalegi teri maan
ab har qadam pe tujh ko sambhaalegi teri maan
in zaalimon se tujh ko chupaalegi teri maan
tere dukhon ka boj uthaalegi teri maan
tu kitna hai pyaasa haaye husssain
dene ko dilaasa haaye hussain
maan aa gayi hussain  maan aa gayi hussain

farhaan jo mazhar ne masaaib raqam kiye
rukte nahin hain aankhon se ashkon ke qaafle
jo bain sayyada ne sare dasht kiye the
lafzon ki shakl me sare qirtaas aagaye
kehti thi sayyada haaye hussain
ay laal na ghabra haaye hussain
maan aa gayi hussain  maan aa gayi hussain

Allah Allah

hayya ala khairil amal
har gustaakhe rasul ko dunya se ham mitaayenge
har gustaakhe ehle bayt ko dunya se ham mitaayenge

jo ali ka nahin wo nabi ka nahin 
jo nabi ka nahin wo khuda ka nahin 
jo khuda ka nahin wo kisi ka nahin 

hai dil me hamaare ishqe ali
hai dil me hamaare ishqe nabi
har dushmane aale mohammad
eilaan hamaara sun le

ham ko maalum hai maqtal se guzarna kya hai
ruh zinda hai to phir jism ka marna kya hai
baad az marg hame ishq rakhega zinda
kar liya ishq to phir maut se darna kiya hai

seenon me shauqe shahaadat basaa ke
haathon me ghaazi ka parcham utha ke
paighaam dete huwe karbala ke
barhte rahein zulmaton ko mitaa ke
zindagi ko waqf karke hussain ke naam
bas ek naara ho wirde zabaan

barhhta rahe kaarwaan jiyo hussaini jawaan 
hai mire kaarwaan
faatahe lashkar ya ali ya ali maula ali 

hal min naasirin yan surana

ham noha khwaan aur iraade hamaare
talwaar hain
ek do nahin balke saare ke saare
mukhtaar hain
nauhe ke alfaaz denge gawaahi
ham hain imaame zamaan ke sipaahi
jurrat me meesum wilaayat ke raahi
thhokar me rakhte hain ham takhte shaahi
kaafi hai bas sayyada ki duaa hi
mil ke bolein saare momin peer o jawaan
daste karam ho imaame zamaan

laashe uthaaye uthaate rahenge
majlis me jaate hain jaate rahenge
tufaan to aate hain aate rahenge
ham apni himmat barhhaate rahenge
ghar lute ya jaan jaaye khuda ki qasam
dete rahenge yehi ham azaan

hayya ala khairil amal
maula imaam hussain (as) farmaate hain
agar zindagi ka ikhtetaam maut par hi hai
to us ka behtareen intekhaab shahaadat hai

wirsa hai hamaara shahaadat
shahaadat shahaadat
kehte hain jise ham saaadat
saaadat saaadat

karam hussain ka mujh par mazeed hojaaye
marun to lehed me maula ki deed hojaaye
ajeeb jazba hai
ajeeb jazba hai har maan duaayein karti hai
khuda kare mera bachha shaheed hojaaye

ay maan
khuch khauf nahin ab mujhe izzat me kami ka
shajra hai khuda rakhe hussaini hassani ka
likh dena kafan par mere bas tum ali waaris
khud qabr samajh jaayegi banda hun ali ka

shaheed zinda hai
shaheed zinda hai

shaheed qabr ki jaanib chala to aise chala
dil me haider ki wila mun pe male khaake shifa
saath maatam ke nishaan aur shahaadat naama
jab huwa qabr me daakhil to ye manzar dekha
misle gulshan ke tar o taaza nazar aati hai
qabr to khuld ka darwaaza nazar aati hai

shaheed zinda hai
shaheed zinda hai

di nida haatife ghaibi ne ke ab ho hoshyaar
murtaza qabr me aate hain basad izz o wiqaar
meri turbat me ajab tarha ki aayi hai bahaar
kya haseen maut hai is maut pe so zeest nisaar
mera mola meri turbat me chala aaya hai
asl me ab mujhe marne ka maza aaya hai

shaheed zindah hai
shaheed zindah hai

ay ehle jahaan socho to zara
hai fikr ki jaa rone ki fazaa
jab apna koyi marjaata hai
karbal ka kafan wo paata hai
ehbaab o aziz aur dost sabhi
rone ke liye aa jaate hain
kis shaan se apne pyaaron ki
mayyat ko sabhi dafnaate hain
afsos magar zehra ka pisar

ya hussain ya hussain
ya hussain ya hussain

afsos magar zehra ka pisar
chaalis dinon tak be sar tha
us laashe pe sadqe kaun o makaan
na kafan mila na dafn huwa

haaye

had huwa karti hai har zulm ke afsaane ki
zulm sehne ki sitam sehne ki gham khaane ki
kalma goyo yehi ek baat hai rulwaane ki
rasm hai saare musalmaanon me dafnaane ki
par mohammad ke nawaase ko kafan bhi na mila

rone ke liye kaafi hai ay mazhar o farhaan
paaya kafan shaheedon ne aur dafn ka saamaan
par mohammad ke nawaase ko kafan bhi na mila
hussain mola hussain mola

haay zainab haay haay shaam

jhoon jhoon baazaar qarib aaya
zainab ko ghazi yaad aaaya

haathon se ya phir baalon se tchehre ko tchhupaale shehzaadi
ye shaam shaher ki galiyaan hain dil thaamle ay aaqa zaadi
fizza ne jab ye batlaaya

maahol sharaabi jab dekha baba ki vasiyat yaad aayi
koyi to mujhe tchaadar laade hothon pe yehi fariyaad aayi
jab koyi nahin tchaadar laaya

phir shaam ke logon ne badla ajdaad ka yun zainab se liya
tchaadar tchhini patthar maare or garm kabhi paani phaika
durra jo sakina ne khaaya

abbas kahaan hai ay zainab jab shimr hiqaarat se bola
gash khaane lage sab ehle haram kulsum pukaari wa waila
sajjad ko yasrab yaad aaya

khaamosh rahi aulaade nabi karbal se yahaan tak zulm saha
khuli ye manaadi karne laga ye kunba hai ek baaghi ka
mazlum jo baghi kehlaaya

har gaam naya ek zulm huwa laatchaar musaafir zainab par
zainab ko rulaaya zaalim ne naaqon ke qarib neza laa kar
shabbir ka sar jo dikhlaaya

farhan qayaamat ka gham hai mazhar ne likha hai kya nauha
shabbir bina abbas bina ye pehla safar tha zainab ka
jhoon jhoon baazaar qarib aaya

zainab ko ghazi yaad aaaya

haaye sughra haaye haaye sughra
haaye sughra haaye haaye sughra

yasrab se shahe deen jo suwe karbala chale
ba hasrat o masaayeb o aah o buka chale
israar tha ye fatema sughra ka shah se
baba khudaara saath mujhe le ke jaayiye
sun kar fughaan ye fatema sughra se bole shah

beemaar hai tu sughra batlaade mujhe itna
le jaawun tujhe kaise

aasaan nahin beta raahon ki jafa sehna
le jaawun tujhe kaise

har gaam musibat hai raahon me aziyat hai
tu chal nahin paayegi kaanton pe musaafat hai
tu ghar ka ujaala ay sughra
tu surate zahra ay sughra
kar sabr ka yaara ay sughra
kar zabt khudara ay sughra
tu seh nahin paayegi hai sakht safar beta
le jaawun tujhe kaise

ham ko hai jahaan rukna pur hol hai wo sehra
kehte hain jise karbal ham ko hai wahaan lutna
har samt qaza hai ay sughra
na aab o ghaza hai ay sughra
karbal wo jaga hai ay sughra
bas zulm o jafa hai ay sughra
is gham se to behtar hai tu ghar me rahe tanha
le jaawun tujhe kaise

le god me asghar ko is nanne musaafir ko
jee bhar ke tu ay sughra tu dekhle akbar ko
ek mera gule tar ay sughra
ek shakle payambar ay sughra
de rukhsat mil kar ay sughra
taiyyaar hai dilbar ay sughra
ye qaaflah jaata hai ab jaanibe karbobala
le jaawun tujhe kaise

soyi ek din sughra aur khwab me ye dekha
lutta hai bhara kunba shabbir huwe tanha
kehte the tarap kar ay sughra
meri pyari dukhtar ay sughra
tu dekh ye manzar ay sughra
koyi nahin yaawar ay sughra
ab jaan liya tu ne main is liye kehta tha
le jaawun tujhe kaise

ghabra ke uthi muztar naani se kaha rokar
dekha hai abhi maine kehte the yehi sarwar
ab mere gale par ay sughra
chalne ko hai khanjar ay sughra
koyi nahin yaawar ay sughra
maare gaye dilbar ay sughra
ye soch ke hi maine bola tha tujhe beta
le jaawun tujhe kaise

shabbir ka jab kunba nana  ke shahar pohncha
farhan aur safdar ye zainab ne kaha sughra
barbaad huwa ghar ay sughra
huwa qatl baraadar ay sughra
abbas aur akbar ay sughra
koyi nahin sar par ay sughra
is waaste bhaayi ne bola tha tujhe beta
le jaawun tujhe kaise