Meri mazloom behna Sakina
Meri masoom behna Sakina
Bole Sajjad laasha uthakar
Sakina..x2
(Haye zindaan tera watan ban gaya
Khoo’n bhara tera kurta kafan ban gaya)..(2)

1. Kya karu qaidkhana hai yeh ghar nahi
Ghusl dene ko pani mayassar nahi
Aur dafnau kaise ke chadar nahi
Bekasi aur ghurbat me aye ghamzada
Khoo’n bhara tera kurta kafan ban gaya
Haye zindaan….
Khoo’n bhara….

2. Jab tu royi  tamacho ki khayi saza
Baliyan chhin gayi aur daman jala
Aur kaano ke khoo’n se hain kurta bhara
Haye tujhko kafan bhi nahi mil saka
Khoo’n bhara tera kurta kafan ban gaya
Haye zindaan….
Khoo’n bhara…

3. Tu andhero’n se darti rahi meri jaa’n
Baakhte gham me roti rahi meri jaa’n
Ghar chalo maa se kehti rahi meri jaa’n
Tera armaan pura nahi ho saka
Khoo’n bhara tera kurta kafan ban gaya
Haye zindaan…
Khoo’n bhara…

4. Aisi bichdi ke fir baap se na mili
Chhut ke baba se zindaa’n ki qaidi bani
Haye yeh baat Sajjad ko kha gayi
Haye teeron se unka kafan ban gaya
Khoo’n bhara tera kurta kafan ban gaya
Haye zindaan…
Khoo’n bhara…

5. Tujhko zindaa’n me baba ka sar jo mila
Tune baba ke muh par jo muh ko rakha
Itna royi ke zindaa’n larazne laga
Rote rote hi ayi hai tujhko qaza
Khoo’n bhara tera kurta kafan ban gaya
Haye zindaan….
Khoo’n bhara…

6. Kamsini me sitam tune kitne sahe
Char saala yateema main sadqe tere
Baade Ashur soyi nahi chayn se
Chayn marke bhi tujhko nahi mil saka
Khoo’n bhara tera kurta kafan ban gaya
Haye zindaan …
Khoo’n bhara…

7. Haye Farhan o Mazhar ajab waqt tha
Us yateema ka jis dam janaza utha
Bibiyon me bapa ek kohraam tha
Sabne qabre Sakina pe nauha kiya
Khoo’n bhara tera kurta kafan ban gaya
Sakina…x2

Akbar (A.s.) Ne Di Sada, Seene Main Hai Naiza, Ghode Se Gir Raha Hun Baba Sambhal Na……2
Zakhmi Hai Kaleja, Hai Wakt Madad Ka, Ghode Se Gir Raha Hun Baba Sambhal Na…..

Akbar (A.s.) Ne Di Sada, Seene Main Hai Naiza, Ghode Se Gir Raha Hun Baba Sambhal Na……2

1. Sukhi Hui Zaban Hai, Galba Hai Pyas Ka,
Is Haal Mein Kahan Talab Karta Bhala Vigah
Majboor Hun Baba, Ab Wakt Yeh Aaya,
Ghode Se Gir Raha Hun Baba Sambhal Na….
Akbar (A.s.) Ne Di Sada, Seene Main Hai Naiza, Ghode Se Gir Raha Hun Baba Sambhal Na……2

2. Baba Yeh Zakhm Aap Se Dekha Na Jaienga,
Naiza Nikalte Hue Moh Apna Pherna,
Hai Dard Gazab Ka, Dam Hoton Pe Aaya,
Ghode Se Gir Raha Hun Baba Sambhal Na….
Akbar (A.s.) Ne Di Sada Seene Main Hai Naiza, Ghode Se Gir Raha Hun Baba Sambhal Na……2

3. Haan Yeh Khabar Khayam Me Dena Na Baba Jaan,
Mar Jaiengi Phupi Meri, Mar Jaiengi Woh Maan,
Hai Wakt Qaza Ka, Aajao Khudara,
Ghode Se Gir Raha Hun Baba Sambhal Na…..
Akbar (A.s.) Ne Di Sada Seene Main Hai Naiza, Ghode Se Gir Raha Hun Baba Sambhal Na……2

4. Kya Sakth Imtehan Hai Maloom Hai Mujhe,
Tanah Pisar Ke Lash Ko Kaise Uthaienge,
De Aap Ko Khuda, Yeh Sabr Hausla,
Ghode Se Gir Raha Hun Baba Sambhal Na
Akbar (A.s.) Ne Di Sada Seene Main Hai Naiza, Ghode Se Gir Raha Hun Baba Sambhal Na……2

5. Mujh Se Siva Hai Aap Ki Lachargi Padar,
Tanha Gai Hai Aap Hi Har Ek Lash Par,
Hote Agar Chacha, To Mai Nahi Kehta,
Ghode Se Gir Raha Hun Baba Sambhal Na
Akbar (A.s.) Ne Di Sada Seene Main Hai Naiza, Ghode Se Gir Raha Hun Baba Sambhal Na……2

6. Pohuchi Agar Sada Meri, Sughra (S.a.)Ke Kaan Tak,
Hai Roiengi Is Tarha Bahan Gir Jaienga Falak,
Woh Jee Sakengi Kya, Sun Kar Meri Sada,
Ghode Se Gir Raha Hun Baba Sambhal Na
Akbar (A.S.) Ne Di Sada Seene Main Hai Naiza, Ghode Se Gir Raha Hun Baba Sambhal Na……2

7. Hota Hun Aap Se Juda Majboor Tishnakam,
Baba Kubool Kijiye Yeh Aakhri Salam,
Ya Shah E Do Sara (A.s.),
Ab Hai Safar Mera, Ghode Se Gir Raha Hun Baba Sambhal Na
Akbar (A.s.) Ne Di Sada Seene Main Hai Naiza, Ghode Se Gir Raha Hun Baba Sambhal Na……2

8. Farhan Mazhar Abedi Kaisi Hai Bekasi,
Budha Padar Uthaienga Maiyat Jawan Ki,
Pohuche Shahe Huda (A.s.),
Sun Kar Yeh Marsiya, Ghode Se Gir Raha Hun Baba Sambhal Na
Akbar (A.sS.) Ne Di Sada Seene Main Hai Naiza, Ghode Se Gir Raha Hun Baba Sambhal Na……2

Ae maa ae maa ae maa pyaari maa..(2)
Maa meri pyaari maa pas bula le maa

1. Waqt e shahadat aa pohcha hai
khanjar qatil bhi pyasa hai
pyaas bujhane tegh sitam ki
tera lahu maqtal jaata hai
hota hu ghar se rawaa..
paas bulale maa

2. Tere seene par sar rakh kar
soye hue barso beete hai
god me sou teri jaise
jhule me bache sote hai
chaahiye mujhko amaaan
paas bulale maa

3. Laasho par laashe laaya hu
maqtal se mai tanha amma
dil me nahi hai taqat mere
uth ta nahi hai sadma amma
khushk hai meri zabaa
paas bulale maa

4. Chalni hua akbar ka kaleja
seene me toota hai naiza
noor gaya mere ankho ka
milta nahi hai mujhko rasta
margaya kadiyal jawaa
paas bulale maa

5. Baali sakina rok rahi hai
maqtal me jaane nahi deti
kiske seene par soyegi
amma meri pyaari beti
uspe karo ehsaa
paas bulale maa

6. Meri behen zainab wo khadi hai
khaime ke dar se dekh rahi hai
sabr khuda de meri behen ko
amma dua do sakht ghadi hai
roti hai sab bibiya
paas bulale maa

7. Muh ko chupa lo baalo se apne
dekh sakogi kese ye manzar
kese sahogi dekh ke amma
apne pisar ke halq pe khanjar
hota hai khanjar rawa
paas bulale maa

8. Kehte the farhan ye sarwar
mai to hu rehan e risalat
zakhm hazaro dil pe uthake
karta raha inkare bay’at
ab hai yahi armaa
paas bulale maa
maa meri pyaari maa pas bula le maa..(2)

O OUR MASTER
O THE LIVING IMAM(a.s.)

HELP, HELP, HELP

IMAM-E-ZAMA’N AL-MUNTAZAR(a.s.)
WE WANT TO BE YOU SOLDIER

WE ALL ARE WAITING FOR YOU IMAM-E-ZAMAN(a.s.) (x2)

=========

WE WANT, WE WANT TO FIGHT BY YOUR SIDE MASTER
WILL YOU, WILL YOU COME AND MAKE THE WORLD BRIGHER
DONT MAKE US WAIT MUCH LONGER
WE WANT TO BE YOUR SOLDIER

IMAM-E-ZAMA’N AL-MUNTAZAR(a.s.)
WE WANT TO BE YOU SOLDIER

WE ALL ARE WAITING FOR YOU IMAM-E-ZAMAN(a.s.) (x2)

=========

WE PRAY FOR YOU TO SAVE US OUR IMAM(a.s.)
O LISTEN O LISTEN TO US HIER OF HOLY QURAAN
RAISE YOUR FOLLOWERS FROM THEIR SLUMBER
WE WANT TO BE YOUR SOLDIER

IMAM-E-ZAMA’N AL-MUNTAZAR(a.s.)
WE WANT TO BE YOU SOLDIER

WE ALL ARE WAITING FOR YOU IMAM-E-ZAMAN(a.s.) (x2)

=========

PLEASE COME N HELP US TAKE A STAND
YOU WILL SURELY DEFEAT EVIL FROM EVERY LAND
YOU ARE A SAVIOUR FOR ALL MASTER
WE WANT TO BE YOUR SOLDIER

IMAM-E-ZAMA’N AL-MUNTAZAR(a.s.)
WE WANT TO BE YOU SOLDIER

WE ALL ARE WAITING FOR YOU IMAM-E-ZAMAN(a.s.) (x2)

=========

THE WORLD WILL BE FULL OF PEACE AND LOVEWHEN YOU RECIEVE THE ORDER FROM ABOVE
DONT LET THE TYRANTS GROW STRONGER
WE WANT TO BE YOUR SOLDIER

IMAM-E-ZAMA’N AL-MUNTAZAR(a.s.)
WE WANT TO BE YOU SOLDIER

WE ALL ARE WAITING FOR YOU IMAM-E-ZAMAN(a.s.) (x2)

=========

OH HEAR OUR INNOCENT AND HOLY IMAM(a.s.)THE PAIN IN THE WORDS OF ”HASNAIN” AND ”FARHAN”
DONT MAKE US WAIT MUCH LONGER
WE WANT TO BE YOUR SOLDIER

IMAM-E-ZAMA’N AL-MUNTAZAR(a.s.)
WE WANT TO BE YOU SOLDIER

WE ALL ARE WAITING FOR YOU IMAM-E-ZAMAN(a.s.) (x2)

JAB Shimr-e-Laen(L.a.) SHOHDA(a.s.) KAY SAR KAAT KAY LAAYA
SHOHDA(s.a.) KAY SARO’N KO Pisar-e-Sa’ad(L.a.) NAY DAIKHA
SAR ASGHAR-E-MA’ASOOM(a.s.) KA MOJOOD NAHI’N THA
YEH KEHTAY HUWAY Shimr(L.a.) KO PAAS APNAY BULAYA
Hakim(L.a.) MUJHAY BAKHSHAY GA NAHI’N TUJH KO KHABAR HAI
JA DHOOND SAR-E-ASGHAR-E-MA’ASOOM(a.s.) KIDHAR HAI

TAREEKH MEIN IS ZULM KA MILTA HAI HAWALA
ZALIM(L.a.) NAY LAHAD KHOD KAY ASGHAR(a.s.) KO NIKAALA
SAR KAAT CHUKA KHOOLI TO NAIZA KO SANBHALA
NAIZAY PEH GAYA BAANO(s.a.) KI AAGHOSH KA PAALA
MOT BHI NOHA KARTI THI ROKAR
BIGRHA HAI BAANO(s.a.) TERA MUQADDAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

JO SAAHIB-E-AULAD HAI SOCHAY TO ZARA SA
KIS DARJA SITAM KOKH JALI MAA’N PEH HUWA THA
GHASH KHAAI HUWI MAA’N NAY JO’NHI AANKHO’N KO KHOLA
NAIZAY PEH SAR-E-ASGHAR-E-MA’ASOOM(a.s.) KO DAIKHA
THAAMAY KALEJA BOLI WOH MAADAR
SAANI-E-ZEHRA(s.a.) DEKHO YEH MANZAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

ZAINAB(s.a.) NAY SOO-E-LASHKAR-E-A’ADA(L.a.) KO NAZAR KI
SAR PEET KAY YEH KEHNAY LAGI WOH DARD KI MAARI
AEY KUSHTA-E-SHAMSHEER-E-JAFA AAEY MERAY BHAI(a.s.)
KIA BA’AD-E-SHAHADAT BHI SITAM HOTA HAI KOI?
TU HI BATA AEY SABR KAY PAIKAR
KAISAY SANBHALAY DIL KO YEH MADAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

KIYA ZULM MERAY BACHAY PEH HAI DAIKH KHUDAYA
NA JHOOLAY MEIN PAAY NA SUKOO’N QABR MEIN PAAYA
MAA’N ROTI HAI YEH KEH KE KAHA’N DOODH BARHHAAYA
PANI KAY IWAZ TEER-E-SITAM HALQ PEH KHAAYA
PIYASA GAYA THA DUNIYA SAY ASGHAR(a.s.)
AB YEH SITAM HAI KHALIQ-E-AKBAR(j.j.)

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

PHIR KEHNAY LAGI MAADAR-E-AKBAR(a.s.) SAY LIPAT KAR
ATHHARA BARAS JEE TO GAYA THA TERA DILBAR
KHOO’N TUJH KO RULATI HAI MAGAR FURQAT-E-AKBAR(a.s.)
AB SOCH KE KIYA BEET GAI HAI MERAY DIL PAR
GOD MEIN JIS KO LAY GAEY SARWAR(a.s.)
DIKH RAHI HOO’N AAJ YEH MANZAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

SHABBIR(a.s.) NAY DAIKHA JO SINA’N PAR SAR-E-ASGHAR(a.s.)
EIK BAAR NIGAAHO’N SAY KIYA SAJDAH ZAMEE’N PAR
PHIR BOLAY NIGAHO’N KO UTHAEY HUWAY SARWAR
TU RAAZI TO MAIN RAAZI MERAY KHALIQ-E-AKBAR(j.j.)
WA’ADA NIBHAAYA GHAR KO LUTA KAR
AB YEH SITAM BHI SEHTA HOO’N DIL PAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

AKBAR(a.s.) SAY KAHA SHEH(a.s.) NAY MERAY LA’AL TERAY BA’AD
ZAINAB(s.a.) KA HUWA GHAM SAY BURA HAAL TERAY BA’AD
THAY KHAAK MEIN AALOODAH MERAY BAAL TERAY BA’AD
A’ADA NAY KIYA LAASHO’N KO PAAMAAL TERAY BA’AD
YEH BHI QAYAMAT AEY MERAY DILBAR
DAIKH SAKO TO DAIKH LO AAKAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

SAJJAD(a.s.) TARHAPNAY LAGAY BABA(a.s.) KI FUGHA’N PAR
BAQAR(a.s.) KAY SAHARAY SAY UTHAY YA ALI(a.s.) KEH KAR
ROKAR YEH SAKINA(s.a.) SAY KAHA AYE MERI KHUWAHAR
KIA TUM NAY SUNA BABA(a.s.) JO FARMATAY HAIN ROKAR
BOLI SAKINA(s.a.) MERAY BARADAR(a.s.)
BHAI(a.s.) SAY BABA(a.s.) KEHTAY HAI ROKAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)

==============

”FARHAN” LAHOO ROTAY HUWAY LIKHTA HAI ”MAZHAR”
DORAAN-E-SAFAR GHAZI(a.s.) SAY FARMATAY THAY SARWAR(s.a.)
TU HOTA TO YEH ZULM NAHIN HOTA BARADAR(a.s.)
FARIYAAD YEH HAI BAANO-E-DILGEER(s.a.) KAY LAB PAR
BAZOO-E-SHABBIR(a.s.) DAIKH TO AAKAR
HALQ HAI ZAKHMI KHAAK HAI SAR PAR

NOK-E-SINA’N PAR NANHA SA EIK SAR
LAYKAY CHALA HAI HAAEY SITAMGAR(L.a.)