Aye Hussaini maa tujhe salaam

Salaam ma…..x6
Tune bana diya mujhe Shabbir ka ghulaam
Aye Hussaini maa tujhe salaam…..x3

Tarbiyat mili wilayat e Ali pe tune ki
Aur majlis e aza me mujhko bhejti rahi
Maa tere karam se naematein azeem mil gayi….x2
Likha gaya sahifa e Zehra me mera naam
Aye Hussaini maa…..x3

Ake is jahan me pehli baar aankh jab khuli
Sabse pehle nauhe aur azan ki sada suni
Teri thapkiyon ne hi banaya mujhko matami…x2
Thi teri loriyan Hussainiat ka ehtemaam
Aye Hussaini maa……x3

Bolne ke waaste jo pehli baar lab hile
Ya Hussain ya Hussain lafz yeh ada kiye
Jane kab yeh lafz tune maa mujhe sikha diye ….x2
Ha Panjetan hain paanch aur bara hain Imam
Aye Hussaini maa….x3

Maa teri aqeedatom pe zindagi fida meri
Hosh jab sambhala maine ghar me dekha bas yahi
Ghar me tu saja rahi thi shehnashi Hussain ki….x2
Bachpan me hi sikha diya itna azeem kaam
Aye Hussaini maa….3

Ek chhota sa alam sajaya mere waaste
Mimbar e Hussain pe bithaya tune naa mujhe
Chand lafz majlis e Hussain ke sikha diye ….x2
Tehzeeb e gham ke waaste banaya yeh nizaam
Aye Hussaini maa….x3

Kaise bhul jau maa main teri woh rizayatein
Bachpane se tune daali saari achhi adatein
Tune hi sikhayi hain mujhe sabhi ibadatein ….x2
Tune sikhaya soz, nauha, marsiya  salaam
Aye Hussaini maa….x3

Tere saye me pala toh yeh sharaf mujhe mila
Khoon banke dodti hain in ragon me Karbala
Kitni baar de chuka hoon main bhi pursa khoon ka…..x2
Jab tha libaas khoon me tar  labon pe tha kalaam
Aye Hussaini maa…..x3

Haa yeh kaam maa ki fitraton ke bhi khilaaf tha
Tune ek roz mere paas aake yeh kaha
Raah me Hussainiat ki apni jaan kar fida …..x2
Allah yeh mohabbat e Hussain ka maqaam
Aye Hussaini maa……x3

Hain unhe dua e Sayyeda bhi aur Rasool bhi
Jinki god me pale yeh nauhakhwan yeh maatami
Un azeem maaon ki salaam Mazhar Aabedi
Farhan teri maa ko bhi khiraaj subh o shaam

Haay..
Haaye…
Gir kar kabhi uthe kabhi rakha zamee’n pe sar
ublaa lahu kabhi to sambhala kabhi jigar
hasrat se ki khayam ki janib kabhi nazar
karwat kabhi tadap ke idhar li kabhi udhar
uth baithe jab..(2)
to zakhmo se barchi ke phal gire
teer aur tan me gadh gaye jab mu’ ke bal gire
jungle se aai fatema zehra ki ye sadaa
ummat ne mujhko loot liya wa mohammada
is waqt kaun haqqe rifaqat kare adaa
zainab se boli fatema zehra basad bukaa
unnees so hai zakhm tane chaak chaak par
zainab nikal hussain tadapta hai khaak par..(2)

1. Kis chaah se paala ise aanchal me chupaa kar
mai jaagti rehti ise raato’n ko sulaa kar
chakki bhi jo peesi hai to godi me bitha kar
kis haal me dekha hai ise dasht me aakar

2. Hai kaun jo mazloom ko teero’n se bachaye
sehroz ke pyase ko koi paani pilaye
zakhmo mein bhari khaak koi aake chudaye
har laash uthayi hai ise kaun uthaye

3. Abbas ke marne se kamar toot chuki hai
akbar ke bichhad jaane se beenai gai hai
in ankho’n me besheer ki turbat bhi bani hai
hai aakhri lamhaat ajal sar pe khadi hai

4. Kuch der me khanjar mere bache pe chalega
afsos dame zibha bhi pani na milega
khanjar ke kai zarbo se sar iska katega
ghayyur hai beta mera hargiz na kahega

5. Baqi hai abhi jaan tera bhai hai zinda
ghode kahin dauda na de bedard hai aada
hay hay koi bekas ko nahi puchne wala
bhai se mohabbat hai to maqtal me chali aa

6. Ye bayn mai sunti hu tere baba ali se
hojaenge pamaal abhi laashe sabhi ke
kuch marhale baqi hai ghareebul watani ke
jaa haal zara dekh le is pyaase akhi ke

7. Aajiz hai yaha aake to har ek sukhanwar
farhaan anees e shahe wala hoke mazhar
likh paya nahi aaj talak koi wo manzar
jab kehti thi zainab se meri bibi tadapkar

unnees so hai zakhm tane chaak chaak par
zainab nikal hussain tadapta hai khaak par..(3)

Hussain hussain hussain..(4)
Aate hai zaereen karbobala
haatho’n me leke mishaale wafa
maatami hai ab yaume wila
kaale libaas aur shaale azaa
lab pe sajaye hue ye sadaa

jannat hai roza tera, jannat hai puri ye karbobala
ae wallah ae wallah husaina

Rasulallah(s.a.w.w.) farmate hai: 
“Karbala ki zameen, jannat ke teelo’n me se ek teela hai.”

karbala jannat hai karbala, wallah
karbala jannat hai karbala
salam husain ya husaina..(2), yabn-ar-rasool ya husaina
salam husain ya husaina..(2), yabn-az-zahra ya husaina

1. Aaye ziyarat ko hum, ae wallah
khaate hai teri qasam, ae wallah
matam ye hoga na kam, ae wallah
aankhein rahegi ye nam, ae wallah

Imam Jafare Sadiq (a.s.) farmate hai: 
” Jis shakhs ko allah khair ataa karna chahta hai uske dil me qabre imam hussain ki shauq daalta hai”

2. Shauqe ziyarat jo tha, ae wallah
maula mai paidal chala, ae wallah
khwab ye pura hua, ae wallah
dekha haram to kaha, ae wallah

3. Pani tere shehr ka, ae wallah
kausar se meetha laga, ae wallah
uski hawa hai dawa, ae wallah
khaak hai khaak e shifa, ae wallah

4. Jaaye jahan bhi nazar, ae wallah
aaye nazar sar hi sar, ae wallah
qudsi wali ya bashar, ae wallah
hai ye sadaa humsafar, ae wallah

Jab hum bainul harmain pohochte hai 
to jaagta hai dil me ye ehsaas
ek taraf roza e hussain ek taraf roza e abbas
ye jannat nahi to aur kya hai
Bainul haramain..(4)

5. Ek taraf darr tera, ae wallah
ek taraf bawafa, ae wallah
do jannato ki hawa, ae wallah
ashk huwe lab kusha, ae wallah

6. Roze ka husn hai kya, ae wallah
gumbad arsh e khuda, ae wallah
fanoos  shams uz zoha, ae wallah
meenar auj e wafa, ae wallah
aaraish e bamodarr, ae wallah
seera ho jisse nazar, ae wallah
nazm hai deewar par, ae wallah
jaise ke shams o qamar, ae wallah

Haaye qateel e jafaa
tu yaha pyaasa raha
mujhko sare karbala
koi na pyaasa mila..(2)

7. Ae mere tashna dahan, ae wallah
tu to raha be kafan, ae wallah
jaate hai log watan, ae wallah
leke yahan se kafan, ae wallah

8. Haaye shah e karbala
Haaye qateel e jafaa
zaero pe tere ek wo waqt tha
haath payro’n ko katwa ke bhi ba khuda
tere roze pe aate the ehle azaa

8. Tujh pe fida kardiye, ae wallah
maao’n ne haste huwe, ae wallah
ghar me the jitne diye, ae wallah
bus yahi kehte huwe, ae wallah

9. Farhan o mazhar kaho, ae wallah
duniya ko paigham do, ae wallah
roza e sheh pe chalo, ae wallah
aur yahi kehte raho, ae wallah

jannat hai roza tera, jannat hai puri ye karbobala
ae wallah ae wallah husaina
karbala jannat hai karbala, wallah
karbala jannat hai karbala
salam husain ya husaina..(2), yabn-ar-rasool ya husaina
salam husain ya husaina..(2), yabn-az-zahra ya husaina

Hussain hussain hussain..(2)

Pichanve hijri e Madina Mohammed dae veda Zehra dae
Veda Zehra dae mayyat Sajjad mazlum di
Jedevele mera panjwa Imam babe ko kafan pawayaye bhena de vain badh gayin hakal mar ki ahdiyain
Veeran……
Babe ko kafan ke rang do pawayaye
Imam roke farmain dain mediya bhena me babe ku jeda kafan pawayaee udar rang sufed ahi
Jedevele farmayee rang sufed ahi u vele bhena vain karke ahdiyain
Jase safed pawayaee ta kafan bhi mu wali jada rang suf kyu ahi
Bhena de vain sunke Imam Mohammed Baqir babe di mayyat de qareeb aaye
Babe di kafan de band kholen
Imam di nazar mayyat da babe di akkha bande hen ta akkha vicho vi radd jari ahi
U vele Imam Mohammed Baqir babe di peshani ko bosa deke Ahden
Baba…..
Mayyat kahi ke radd na ro mat akhiya mar hunjli
Mere Imam Sajjad di mayyat de vichua va agayhin
Baqar……..
Bachda meko bazar naen bhulda
Oo meko bazar naen bhulda
Tu jo ahden kafan de vich na ro meku Baqar bazaar bhulda naen….x2

Ma wa phuphiyan de bheed vich turdha…x2
Medi akhiyan hago jo hatda nahi
Tu jo ahden kafan……x2

(Jeeve burqe ummat ne lute di raen
Raksh thi qaid mede akhiyan di)x2
Judvi mava ka sar jhula diste….x2
Sir pe burqa meko nazar da naen
Tu jo aden kafan….x2

(Judvi apne hathau te diste
Lasha kamda hoya Sakina da)…x2
Mede konoi qaidi mayyat da….x2
Bhaar achdoni bachda chauda naen
Tu jo aden kafan….x2

(Aye jo mayku kafan di the bachda
Yaad aden bekafan lashein)x2
Mede safraale vich jhade kitna….x2
Koi janaza jo meko bhulda naen
Tu jo aden kafan…x2

Medhi gurbat Shahan kya likhsi
Sadhi mazloomiyat di had koi naen

Haye zakhmo se chur chur the mazloom e Karbala
Khanjar sambhale hath me Shimr laeen badha
Baithi thi apne laal ke nazdeek Sayyeda
Ek baar ayi kanon me mazloom ki sada
Abbas…….x5
Rukh suwe alkama kiya
Karne lagi yeh bain
Abbas utho
Tumko sada deta hain Hussain…x3

1.  Sadmon se tishnagi se dilafgar hain Hussain
Zakhmo se chur chur hain laachar hain Hussain
“Kitni sitamgaron me giraftar hai hussain”
Teri madad ka aaj talabgar hain Hussain
Abbas utho tumko…..x2

2.  Sab khoon chuka hain ban me sahare mera Hussain
Noha kuna hain dard ka mara mera Hussain
Karta hain zere lab jo ishare mera Hussain
Tujhko nahi to kisko pukare mera Hussain
Abbas utho tumko…..x2

3.  Sheh ke gale pe shimr ne rakkhi ju hi churi
Wo dekh khaymagah se Zainab nikalo padi
Aankhe mere Hussain ki ashkon se hhain bhari
Chin jaye na behan ki rida fikr hain badi
Abbas utho tumko….x2

4.  Tanha sitamgaron ne ise gher liya hain
Jee jaisa jiska chaha sitam usne kiya hain
Teeron se pattharon se ise zakhmi kiya hain
Ab janibe Hussain sitamgaar bandha hain
Abbas utho tumko….x2

5.  Tere supurd karke gaye the jise Ali
Kya yaad woh wassiyate aakhir nahi rahi
Maqtal hain yeh Hussain ka aur qatl ki ghadi
Sunkar fuga Hussain ki kehne lage Ali
Abbas utho tumko….x2

6.  Khanjar sambhale hath me hain Shimr badsitar
Karti hain bain maut buka karti hain hayat
Ek din me lut gayi hain mere bacche ki kaynat
Dekhe suwe khayam kabhi Janine furaat
Abbas utho tumko….x2

7.  Is haal me bhi shukre khuda karte rahe Hussain
Khamosh rehke zulm o sitam sehta hain Hussain
Teri wafa ka tujhko sila deta hain Hussain
Is bekasi me tumko sada deta hain Hussain
Abbas utho tumko….x2

8.  Farhan o Mazhar Abdi kaisa woh khwab tha
Aashur ka woh roz tha hum aur Karbala
Pohoncha paye ziyarat e Abbas e bawafa
Kanon me aayi ek sisakti hui sada
Abbas utho tumko….x2