Lahoo Lahoo Hain Vafa
Zakhm Zakhm Hain Vaada
Bahen Sina Pe Mera Sarr Thaher Na Paayega
Mere Kate Hue Shaane The Teri Sarr Ki Rida
Bahen Sina Pe Mera Sarr Thaher Na Paayega * 2
Koi Aseer Hain Naaqe Pe Koi Paidal Hain
Sina Ki Noak Pe Karbobala Ka Maqtal Hain
Abb Imtehaan Mera Aur Kitna Lega Khuda
Bahen Sina Pe Mera Sarr Thaher Na Paayega * 2
Rasool Zaade Bhala Yun Aseer Hotein Hain
Huroofe Aayaye Tatheer Khoon Rotein Hain
Hain Baal Khole Hue Bibiyaan Rasan Basta
Bahen Sina Pe Mera Sarr Thaher Na Paayega * 2
Sina Pe Hain Mere Tashna Dahen Imam Ka Sarr
Kaha Butool Ka Jaaya Kaha Ghulam Ka Sarr
Barabar Aaqa Ke Apne Main Chal Nahin Sakta
Bahen Sina Pe Mera Sarr Thaher Na Paayega * 2
Rulaa Rahee Hain Lahoo Mujhko Khudd Meri Gairat
Dikhaoo Apni Sakeena Ko Kis Tarha Surat
Na Mere Haath Salaamat Rahe Na Mashqeeza
Bahen Sina Pe Mera Sarr Thaher Na Paayega * 2
Main Rakh Na Paaya Bahen Teri Hasraton Ka Bharam
Zaeef Maa Ne Mujhe Dee Thi Apne Sarr Ki Kasam
Hain Meri Aankhon Mein Ummul Baneen Ka Chehra
Bahen Sina Pe Mera Sarr Thaher Na Paayega * 2
Gaya Main Naher Pe Kis Shaan Se Alam Lekar
Nazar Mein Jaafare Tayyar Ka Hasham Lekar
Badal Diya Magar Ek Dopahar Ne Sabb Naksha
Bahen Sina Pe Mera Sarr Thaher Na Paayega * 2
Diya Sitam Ne Ye Kaisa Khiraaj Kufe Mein
Vo Ek Rida Ki Savaali Hain Aaj Kufe Mein
Mili Hain Saare Zamaane Ko Jiske Ghar Se Rida
Bahen Sina Pe Mera Sarr Thaher Na Paayega * 2
Samajh Sakega Yahaa Kaun Mere Maatam Ko
Main Kya Bataoo Bhala Zaid Ibne Arqam Ko
Yahee Hain Marseeya Mera Yahee Mera Nauha
Bahen Sina Pe Mera Sarr Thaher Na Paayega * 2
Karenge Hashr Talak Baen Aamiro Nayyar
Na Paa Sakenge Kabhi Chaen Aamiro Nayyar
Bhula Na Paayega Dil Uss Buridaa Sarr Ki Sada
Bahen Sina Pe Mera Sarr Thaher Na Paayega * 2
AZAAKHAANA 