Dekha Zainab Ko To Abdullah Ne Rokar Pucha
Aae Zaeefa Meri Zainab Ko Kahee Dekha Hain
Kiss Liye Aayee Hain Karne Mere Ghar Tu Geeryaa
Aae Zaeefa Meri Zainab Ko Kahee Dekha Hain
Aae Zaeefa Meri Zainab Ko Kahee Dekha Hain * 2
Kya Mohammad Ki Navaasi Ko Tu Pehchaanti Hain
Kya Mere Aun O Mohammad Ko Bhi Tu Jaanti Hain
Tujhko Maalum Ahvaal Mere Bacchon Ka
Aae Zaeefa Meri Zainab Ko Kahee Dekha Hain * 2
Kitni Mashoor Thi Iss Shaher Mein Gairat Uski
Apni Maadar Se Bahot Milti Thi Soorat Uski
Oadh Karr Ghar Se Nikalti Thi Vo Zehra Ki Ridaa
Aae Zaeefa Meri Zainab Ko Kahee Dekha Hain * 2
Khaicha Karta Tha Kanaate Ali Akbar Uski
Kitni Taazeem Kiya Karte The Sarvar Uski
Aur Abbas Diya Karte The Pehra Uskaa
Aae Zaeefa Meri Zainab Ko Kahee Dekha Hain * 2
Badliyaan Ghamm Ki Madine Pe Jo Ye Chaayee Hain
Kya Vo Shahzadiyaan Pardes Se Laut Aayee Hain
Aa Gaya Khaer Se Kya Sibte Nabi Ka Kunbaa
Aae Zaeefa Meri Zainab Ko Kahee Dekha Hain * 2
Roke Abdullah Se Tabb Hazrate Zainab Ne Kaha
Main Hi Zainab Hoon Masaaeb Ne Mujhe Ghera Hain
Aaj Tum Bhi Nahin Pehchaante Chehra Mera
Main Hi Zainab Hoon Masaaeb Ne Mujhe Ghera Hain
Main Hi Zainab Hoon Masaaeb Ne Mujhe Ghera Hain * 2
Main Hi Zainab Hoon Magar Aaj Hoon Main Kitni Gareeb
Le Gaya Nargae Aada Mein Mujhe Mera Naseeb
Aur Mere Paas Na Mahmil Thi Na Makna Na Ridaa
Main Hi Zainab Hoon Masaaeb Ne Mujhe Ghera Hain * 2
Hue Maqtoole Jafa Dasht Mein Bacchein Mere
Hadd To Ye Hain Ke Jalaaye Gaye Khaimein Mere
Jall Gaya Sholon Mein Besheer Ka Nanha Jhulaa
Main Hi Zainab Hoon Masaaeb Ne Mujhe Ghera Hain * 2
Rukh Pe Sarvar Ne Mala Khoon Ali Asgar Ka
Dekha Barchee Mein Jigar Maine Ali Akbar Ka
Saamne Mere Kata Hain Mere Bhai Ka Galaa
Main Hi Zainab Hoon Masaaeb Ne Mujhe Ghera Hain * 2
Kahoo Kiss Tarha Bandhi Thi Mere Shaano Mein Rasann
Kaise Batlaoo Mein Vo Shaam Ke Zindaan Ki Ghutann
Ho Gayee Khaaq Ka Pevand Sakina Dukhiyaa
Main Hi Zainab Hoon Masaaeb Ne Mujhe Ghera Hain * 2
Kya Kahein Nayyaro Aamir Vo Bhala Ghamm Ka Samaa
Vo Madine Ki Fazaon Mein Vo Zainab Ki Fugaa
Utth Rahee Thi Daron Deewaar Se Nauhon Ki Sadaa
Main Hi Zainab Hoon Masaaeb Ne Mujhe Ghera Hain * 2
Aae Zaeefa Meri Zainab Ko Kahee Dekha Hain
Main Hi Zainab Hoon Masaaeb Ne Mujhe Ghera Hain
AZAAKHAANA 