Aa Gaya Madina
Aa Gaya Madina
Lutt Ke Aa Gaya Vatan Fatema Ka Kunba
Aa Gaya Madina
Aa Gaya Madina
Aa Gaya Madina * 4
Kaisi Ye Udaasiyaa Fizaaon Parr Hain Taari
Aa Rahe Hain Kudsiyaa Alam Siyah Amaari
Kaisa Dardnaak Hain Musaafiron Ka Kissa
Aa Gaya Madina * 4
Bibiyon Ko Phir Vahee Bahaar Yaad Aayi
Jo Ujad Chuki Vo Yaadgaar Yaad Aayi
Door Se Nazar Jo Aaya Mustafa Ka Roza
Aa Gaya Madina * 4
Fatema Ki Betiyon Kaleje Ko Sambhaalo
Baazuon Pe Neel Ke Nishaan Sabb Chipaalo
Tez Hain Hava Rida Gire Na Sarr Se Fizza
Aa Gaya Madina * 4
Ek Do Nahin Tamaam Ghar Ki Hain Sunaani
Karbala Ne Cheen Lee Madine Ki Nishaani
Rote Hain Haram Basheer Padh Raha Hain Nauha
Aa Gaya Madina * 4
Iss Kadar Khamosh Kyon Ho Aae Rabab Bolo
Apni Laadli Ko Doagi Kya Jawab Bolo
Hain Kahaa Mera Sagheer Puchegi Jo Sughra
Aa Gaya Madina * 4
Kiss Tarha Vo Ghamm Ka Maajra Kahenge Aabid
Sochiye Chacha Se Apne Kya Kahenge Aabid
Vo Jo Poochle Gale Mein Zakhm Hain Ye Kaisa
Aa Gaya Madina * 4
Aye Basheer Alqama Pe Kya Hua Batao
Maa Savaal Kar Rahee Hain Vaaqeyaa Sunaao
Khaime Jabb Jale To Mera Laadla Kahaa Tha
Aa Gaya Madina * 4
Aa Rahe Hain Poochne Ko Haal Ahle Yasrab
Vo Musibatein Bayaa Karogi Kaise Zainab
Jinn Musibaton Ne Tum Ko Kar Diya Zaeefa
Aa Gaya Madina * 4
Kis Tarha Sitamgaro Ne Chini Thi Ridaayein
Betiyaan Safar Ka Haal Maa Ko Kya Sunaayein
Ek Hashr Jannatul Baqi Mein Hain Barpaa
Aa Gaya Madina * 4
Le Chala Naseeb Jab Bhi Rozae Nabi Parr
Soch Kar Tadap Uthe Ye Aamir Aur Nayyar
Ye Jagah Vo Hain Jahaa Hussain Phir Na Aaya
Aa Gaya Madina * 4
AZAAKHAANA 