TAZIYANON KE NISHAN PUSHT PE LEKAR NANA
LUTKE AAYI HAI WATAN ZAINAB E MUZTAR NANA
LUTKE AAYI HAI WATAN ZAINAB E MUZTAR NANA*2
1)
DIL PE HAR ROZ QAYAMAT SI GUZAR JATI HAI
ASHK KHUD DEEDAYE NAM AANKH SE RULWATI HAI
KAAMPJATA HAI BADAN ROOH BHI THAR AATI HAI
JIS AZIYYAT PE TASAWUR SE HAYA AATI HAI
WO AZIYYAT BHI MAI AAYI HOON UTHA KAR NANA
LUTKE AAYI HAI WATAN ZAINAB E MUZTAR NANA*2
2)
PYAR TUM KARTE THE GODI ME UTHA KAR JISKO
CHAIN PAJATE THE SEENE SE LAGA KAR JISKO
JAAGTE REHTE THE PEHLU ME SULAKAR JISKO
USKE HULQOOM PE PHERA GAYA QANJAR NANA
LUTKE AAYI HAI WATAN ZAINAB E MUZTAR NANA*2
3)
JIS GHADI LAYE GAYE SHAAM KE DARBAR ME HAM
SAATSOW KURSI NASHIN THE SARE DARBAR E SITAM
SHARM SE UTHTE NA THE AAP KI BETI KE QADAM
EK EK NAAM KI HOTI THI MUNADI PAIHAM
HAYE MAR KEUN NA GAYI AAP KI DUQTAR NANA
LUTKE AAYI HAI WATAN ZAINAB E MUZTAR NANA*2
4)
SAQTIE QAID SE JAAN KHOTI THI GHABRATI THI
KABHI ROTI THI TADAP KAR KABHI CHILLATI THI
ZIKR AATE HI MADINE KA TADAP JATI THI
NEEND SHABBIR KE SINE PE JISE AATI THI
USKO ZINDAN ME AAYI HOON SULAKAR NANA
LUTKE AAYI HAI WATAN ZAINAB E MUZTAR NANA*2
5)
DO JAHANEN BHI NA DEKHA KABHI AISA MANZAR
HALQE BESHEER PE JIS WAQT LAGA TEER AAKAR
QAAK PE BANU E DILGEER GIRI GASH KHA KAR
DEKHTE REHGAYE HASRAT SE SHAHE JINNO BASHAR
HICHKIYAN LETA RAHA MOUT KI ASGAR NANA
LUTKE AAYI HAI WATAN ZAINAB E MUZTAR NANA*2
6)
HAMKO A DIN BHI MUQADDAR NE AJAB DIKHLAYA
SHAM GURBAT KI HUWI ZULM KA TOOFAN AAYA
CHADAR E CHEENLO YE SHIMR E LAYIN CHILLAYA
SACH BATA THI HOON KE ABBAS BOHAT YAAD AAYA
JIS GHADI SAR SE UTAARI GAYI CHADAR NANA
LUTKE AAYI HAI WATAN ZAINAB E MUZTAR NANA*2
7)
ZABTE GAM HONA SAKA AANKON ME AAYE AANSOO
SOG ME DOOBI FAZA AUR BAHAYE AANSOO
CHAND KE GAM ME SITARON NE SAJAYE AANSOO
MOUT NE JISKI JAWANI PE BAHAYE AANSOO
KHAAKE BARCHI KI ANI SOGAYA AKBAR NANA
LUTKE AAYI HAI WATAN ZAINAB E MUZTAR NANA*2
8)
AAYI HAI ZAINAB E NASHAD LAHED PAR UTTHO
UTH KE LILLAH KALEJE SE LAGA LO MUJHKO
DASTAN ALAME GURBAT KI KHUDARA SUNLO
MERI JURRAT PE MUJHE DADE SHUJAAT DEDO
SHAMO KUFA KO MAI AAYI HOON ULATH KAR NANA
LUTKE AAYI HAI WATAN ZAINAB E MUZTAR NANA*2
9)
DASTAN AAP KO BATLAUN KAHA TAK AKHIR
MERE CHEHRE SE HAI QUD MERI MUSIBAT ZAHIR
BA KHUDA AAJ BHI HOON APNE KHUDA PAR SHAKIR
MERE MAJAYE KE SHEIDA HAI “BILAL” O “AAMIR”
INKA LILLAH BANADIJIYE MUQADDAR NANA
LUTKE AAYI HAI WATAN ZAINAB E MUZTAR NANA*2
LUTKE AAYI HAI WATAN ZAINAB E MUZTAR NANA*2
AZAAKHAANA 